السلام عليكم وحمه الله وبركاته.
انا حاليا خريجه من كليه الشريعه والقانون بتقدير امتياز عام مع مرتبه الشرف طبعا انا اول ما دخلت الجامعه كنت بطمح ان انا اتعين معيده فيها وابقى دكتوره لكن اتضح بعد كده ان ما فيش تعيينات دلوقتي وحاليا انا مصابه بالاحباط وبالكسل ومش عايزه اعمل اي حاجه ولا اشتغل ولا احفظ قران ولا اشتغل على لغه ولا اعمل اي حاجه ودايما محبطه ودائما مكتئبه ودايما قافله على نفسي ومش عارفه اعمل ايه خالص ولا اتصرف ازاي ومش لاقيه فرصه شغل حتى كويسه او مناسبه للتعب اللي انا كنت فيه وللمجهود اللي انا بذلته وحرفيا حتى حاسه نفسي وحيده من كل الجهات ومن كل السبل مش عارفه اتكلم مش عارفه اقول مش عارفه اعبر عن اللي جوايا مش لاقيه حد يكون رفيق ليا في الرحله دي دي لدرجه ان حاسه ان الرحله اصبحت موحشه قوي وان الانسان فردي. ده غير ان انا كده كده بفكر احضر ماجستير ودكتوراه و محتاره في القسم هل احضر في العام ولا احضر في الخاص وايه الانسب ليا وايه اللي مش انسب لي ومش عارفه اخد قرار ومش عارفه اعمل ايه واتمنى فعلا ان اللي مر بالتجربه دي دي وباللخبطه دي كلها يشير عليا ويديني تجربته وخبرته وايه الافضل وايه الحاجات اللي ممكن اتجنبها في الحياه بعد كده وايه الفرص اللي ممكن ان انا اشتغل عليها من دلوقتي انا حرفيا حاليا بقى كل اللي مسيطر عليا ان انا عايزه اموت وان انا مش عايزه اكمل في الحياه دي اصلا ومش عارفه اعمل اي
أهلا حبيبتى أتفهم جيدا شعورك بالحزن وخيبة الأمل بأنكِ لم تحصلي على ما كنتى تطمحي له من البداية ولكن دعينى أخبرك شيئا ليس كل ما نريده برحلة الحياة هو الخيار الأفضل لنا والكون كله يسير بدقة عظيمة برعايه الخالق الله عز وجل فربما نحزن لعدم تحقيق أى أمر من أمور الدنيا ولكن يكون خيرا لكِ والعكس صحيح فيجب عليكي عزيزتي أن تفهمى ما الحكمة فى ذلك وإن لم تجدي الإجابة فربما تجديها بالمستقبل ولكن يجب عليكي أن تفهمي الدرس المستفاد من هذا الحدث (الرسالة) ....فربما قد لا يناسبك..وفكري واجلسي بمفردك لتكتشفى ما تحبيه وتجدى شغفك فإن أخذ أراء البشر أمر جميل ولكن لا يستطيع احد أن يقرر لكِ الأنسب..وشعورك انكِ بمفردك شعور غير صحيح ولكن ناتج عن شعورك بالاكتئاب والحزن ..انتِ لست بمفردك فانظري لذاتك وأهلك وأصدقائك وحتى الحياة فأنتِ فى مقتبل العمر وستتعلمين الكثير من رحلة الحياة ستمرين بالفشل والنجاح والفرح والحزن فجميعهم جزء من الرحلة كل هذه المشاعر ستجعلكِ اكثر صلابة وقوة ونضج فأنسي الماضى فالبكاء على الاطلال لا يجدى وانظرى للمستقبل المشرق وأكتشفى قوتك وهواياتك وأحلامكمن جديد فإذا ضاع حلم فالبقية لازالت معكي يمكنك تحقيقها..... دمتى بخير غاليتي 🌹🌹
تم النشر الاثنين، ١٦ سبتمبر ٢٠٢٤
وعليكم السلام ورحمه الله وبركاته. انا اول حاجه احب ان انا اقولهالك طب وبعد ما جيت بيتزا بالجمبري او ربنا يقدر لي ان في حد يعزمني على بيتزا بالجمبري حياتي يبقى معنى كده انها خلصت ما بقاش عندي حاجه انا بصحى الصبح عشانها هي دي. الاهداف قصيره المدى لو انا اخذت الهدف قصير المدى على انه هو هدف حياتي فانا كده بحط نفسي في مشكله كبيره جدا جدا فدي الحاجه اللي انا بنصحك تتجنبيها تماما تمام امال بنعمل ايه بيبقى عندنا هدف. عالي جدا وهو هدف فعلا للحياه كلها. الهدف ده هننزل هيبقى فيه تحتيه اهداف تانيه صغيره بتدعم من هدف الكبير زي ايه زي هدف ان انا. ارضي ربنا مثلا ده هدف كبير اني مش حاجه صغيره على فكره. تحتي انا ممكن احط اهداف هاردي ربنا ازاي في الشغل هرضي ربنا ازاي في اهلي هرضي ربنا ازاي في المجتمع اللي حواليا هرضي ربنا ازاي نفسيها؟ شوفي بقى تحت كل بند هتلاقي عندك حاجات كتير جدا تعمليها. انك تتجنبيها في الحياه واللي هتحل انت ما شاء الله عندك تخصص عظيم جدا جدا جدا جدا جدا انت بانك واخده درجه امتياز تقدري تعملي حاجات كتير انت تقدري تكوني قدوه لبنات تانيه ما يعرفوش يعني ايه ان هم يدرسوا حاجه زي دي ممكن يكونوا بيقولوا يا دي صعبه جدا الله صعبه جدا وفي بنت ما شاء الله اهي خدت كمان امتياز. مش مساله انك تكوني معيده وبس يعني هو ده الهدف قصير المدى كنت حاطه الهدف الثاني انك تكوني مثلا قدوه فخلاص لو انا مش هقدر اكون قدوه هنا في الكليه اقدر اكون في مكان ثاني برده واقدر اسعى ناحيه الهدف بتاعي ان انا اكون قدوه لبنات تانيه. مش عايزاك تخبطي خالص خالص لان ربنا مديكي حاجات كثير وانا انعم عليك النعم كثير شوفي كل حاجه فيهم ازاي تقدري تستخدميها؟ لك ان شاء الله المشكله اللي انت فيها دلوقتي لانك تتجنبي انك تاخدي اهداف قصيره المدى على انها هي دي اهداف حياتك. يعني انا ما ينفعش اقول انا هدفي وحلم حياتي ان انا اجيب بيتزا بالجمبري. يعني. بالشكل اللي يخليك راضيه عن نفسك اللي يخليكي حاطه لنفسك ميراث في الارض سايبه لنفسك ناس بتدعي لك على حاجات انت قدمتيها وفتيهم بها وده هيكون احسن مليون مره من انك تكوني. اتعينتي معيده.
تم النشر الأحد، ١٥ سبتمبر ٢٠٢٤
وعليكم السلام ورحمة الله وبركاته. أختي العزيزة، أشعر بما تمرين به من مشاعر الإحباط والعزلة، وهذا أمر طبيعي في مرحلة الانتقال التي تعيشينها بعد التخرج. التأمل في تجاربنا ونجاحاتنا السابقة قد يساعد على استعادة الأمل، لذا حاولي أن تتذكري الجهود التي بذلتيها للوصول إلى ما أنتي عليه الآن. إن الوضع الحالي قد يكون مؤقتًا، ويمكنك تحسينه بالخطوات المناسبة. أولاً، من المهم أن تقبلي مشاعرك السلبية كجزء من تجربتك، ولكن لا تدعيها تتحكم في حياتك. حاولي تحديد أهداف صغيرة، مثل قضاء فترة زمنية قصيرة يوميًا في القراءة أو حفظ القرآن. الهدف هو البدء ولو بخطوات بسيطة، فهذا قد يساعدك على استعادة بعض من طاقتك وحماسك. ثانيًا، قد يكون من المفيد الانخراط في أنشطة اجتماعية أو مجموعات دراسية في مجالك. التواصل مع الآخرين الذين يمرون بتجارب مشابهة قد يوفر لك الدعم والشعور بأنك لست وحدك. بالنسبة لموضوع الدراسات العليا، فكري في الخيارات المتاحة من حيث الأقسام والمجالات، وحاولي تحديد ما يتناسب مع شغفك واهتماماتك. يمكنك استشارة المحاضرين أو المهنيين في هذا المجال للحصول على نصائح قيمة حول اختياراتك. وإذا وجدت أن مشاعرك تتجاوز ما يمكنك التعامل معه بمفردك، فإن استشارة مختص في الصحة النفسية قد تكون خطوة مفيدة جدًا. هم يعتبرون مرشدين في مثل هذه الأوقات ويمكنهم مساعدتك في وضع خطة مهنية وشخصية تناسبك. تذكري، أن الأوقات الصعبة تنتهي وأن لديك القدرة على تجاوز هذه المرحلة. اتخذي خطوة صغيرة اليوم نحو إعادة إشعال شغفك. الله معك، وأرجو أن تجدي السعادة والسلام في رحلتك القادمة.
تم النشر الجمعة، ١٣ سبتمبر ٢٠٢٤
انا زيك بالضبط وفي كل الي انتي قولتيه بس برضو برجع واقول منا لو فكرت بالسبليه دي عمري ما تقدم لحظه لازم اقبل بالشغل القليل عشان بعد كدا ربما يلاقيني بسعي فيكرمني اكتر وهكذ بس انا متابعه لاني فعلا محتاجه استشاره في الموضوع دا لأمي تايهه ومش عارفه انا رايحه فين
تم النشر الأحد، ١٥ سبتمبر ٢٠٢٤
حقيقي رينا يختارلنا الصالح🥹❤️🩹
تم النشر الأحد، ١٥ سبتمبر ٢٠٢٤
لعرض السؤال في فدني اضغط هنا