أنا مشكلتي إني شخصية مترددة وقلوقة جدا مش الحد الطبيعي بتاع الناس ومش مقتصر عالقرارات المصيرية أنا حرفيا أي حاجة في حياتي مهما كانت بسيطة بتردد فيها لما بتحط في موقف اختيار بحس دماغي مشلولة وبتوتر كأني في امتحان حرفيا حاجة زي أروح المكان ده ولا ده توترني اشتري ده ولا لأ أنا حرفيا بقالي فترة بأجل حاجات محتاجة أشتريها عشان ترددي بس
الموضوع يبدو تافه بس واخد حيز كبير من حياتي وطاقتي بجد
القرار اهم حاجة فى حياة الانسان ممكن يبقى قرار سليم ويفيدك فى حياتك وممكن يكون مش سليم ويبهدل حياتك ...اما التردد فده مش كويس لانه يضيع عليكى فرص التجربة المفيدة .. وفى مثل بيقول من كان ليس له رأى فسيكون ضحية لاى رأى ...حاولى تدرسى اى قرار مصيرى ..اما القرارات البسيطة فشوفى انتى مستريحة لايه وقولى رأيك بصراحة وميهميش ان كان اللى قدامك هيزعل ولا لا المهم الراحة النفسية لكن التردد فى اخذ القرار هيبينك ضعيفة
تم النشر الجمعة، ٢٩ ديسمبر ٢٠٢٣
التردد يأتى من الخوف من المستقبل او من قلة ثقة فى قدراتك الشخصية انها تستطيع التعامل مع تبعات الاختيار او من عدم تحمل نقد الاخرين وتعليقهم على اختيارك ايهم تشعرين اكثر ؟
تم النشر الجمعة، ٢٢ ديسمبر ٢٠٢٣
ممكن تاخدي اراء الصحاب او الاهل او تروحي معاهم السوق هيسهل عليكي الاختيار والقرار . . والامر بسيط أظنه .. عادي على فكر كلنا بنتردد لما بيكون في كذا اختيار قدامنا .. فينحاول نشوف الاحسن والانسب والاوفر مثلا .. عادي انا شايفها
تم النشر الأحد، ٢٤ ديسمبر ٢٠٢٣
ممكن اسالك سوال بسيط .. تقدري توصفي نفسك في عشر كلمات مره ايجابيه ومره سلبيه
تم النشر الأحد، ٢٤ ديسمبر ٢٠٢٣
ولو غلطتي عادي ما كل انسان بيغلط ده ساعات الغلط هو اللي بيعلمنا الصح خليكي واثقه في نفسك وحاولي تفهمي نفسك وتبقي عارفه انت عايزه ايه ساعتها مش هتترددي من حاجه
تم النشر السبت، ٢٣ ديسمبر ٢٠٢٣
علاج التردد هو ان احنا نعمل الحاجه اللي احنا عايزينها وما نبصش لكلام الناس ما تحاوليش تحطي خيارين قدامك حطي اختيار واحد وخليكي واثقه ان انت هتعمليه ده هو الصح
تم النشر السبت، ٢٣ ديسمبر ٢٠٢٣
علاج التردد هو الثقة.. الثقة بالنفس وبالاختيارات وبالمواقف.. والقدرة على تحمل مسئولية أي قرار ناخده.. الطبيعي اننا نغلط ونتعلم لأننا طول ما احنا خايفين نغلط او نزعل حد هنفضل مترددين وشاكين في قدراتنا ونفسنا ومش هنتعلم
تم النشر السبت، ٢٣ ديسمبر ٢٠٢٣
لعرض السؤال في فدني اضغط هنا