صديقة طفولتي وعمري سابتني وبعدت عني ولقت بديل انا بجد قلبي واجعني وزعلانة جدا ومش عارفة اتخطي الموضوع هي كانت الوحيدة ليا بسبب اني انطوائية ومش بعرف اتعامل مع اي حد ولا بخرج حتي م غيرها ادعولي الفترة دي تعدي ع خير واقدر اتخطاها
سلامتك من الاكتئاب، الله يريح بالك ويجبر قلبك ويعوضك بخير الصحبة الصالحة🕊 علقي قلبك بالله فقط ترتاحي "أحبب من شئت فإنك مفارقه، واعلم أن شرف المؤمن قيامه بالليل وعزَّه استغناؤه عن الناس"
تم النشر الأربعاء، ١ فبراير ٢٠٢٣
أحمدى ربنا كتييير على الموقف ده ...ربنا بيحبنا اوى ومن اكتر الحاجات اللى اتعلمتها وفهمتها وهونت عليا مواقف زى اللى انتى فيها دى. ربنا بيغير علينا لما بيلاقينا متعلقين باى حاجة غيرة ..يجيلنا بقي الابتلاء فى الحاجة دى فنرجع لربنا ونقرب منه اوى ولو ما اتعلقناش بربنا فى الابتلاء ده هيجيلنا غيره وغيره لحد ما يبقي تعلقنا الاول بربنا وبس ...ونبقي مدركين ان اى حاجة وحد تانى ممكن يروح ...لكن الله باقى لا محاله. ربنا يهون ويطبطب على قلبك
تم النشر السبت، ٤ فبراير ٢٠٢٣
مع الوقت هتتخطي دا وهتكتشفي اني كويس اني بعدت وبعد كدا اي حد هيبعد مش هيفرق معاكي ، هي بس مساله وقت ونضج
تم النشر الجمعة، ٣ فبراير ٢٠٢٣
حقيقى ف الزمن دا حاولى تتعايشى مع فكرة ان اى حاجة واردة وممكن تحصل عادى للأسف؛ لو عاتبتيها وهى عايزة تبعد فعلا بدون اسباب خلاص دى رغبتها عيشى حزنك اه بس متسيبيش نفسك تايهة كدا اشغلى وقتك بأى حاجة مفيدة اتعلمى حاجة جديدة حاولى تتعرفى ع ناس جديدة بغرض انك تتطورى نفسك اجتماعيا وهتلاقى ناس كتير كويسة جدا بس هو موضوع ان مفيش حد مضمون وجوده دلوقتى بقى كتير للأسف الا من رحم ربى واتمنى لو فيه سبب للبعد ال حصل دا يتحل وترجعوا اصدقاء م جديد ولو محصلش كدا ربنا يصبرك ويعوضك بأشخاص جميلة وحاجات كتير جميلة زى روحك (✿^‿^)
تم النشر الأربعاء، ١ فبراير ٢٠٢٣
الموضوع صعب ربنا يعينك محتاج منك بس شويه اصرار علي انك تتخطي المرحله دي وتخلي بالك فكل الي جاي ومتتخطيش مرحله معينه فعلاقه باصحابك.لان كل مرحله ليها صاحب وقليل لما تلاقي صاحب بيعيش معاك كل الفترات من صغرك لكبرك فمرحله متقدمه مالعمر شريك الحياه بيكون هو الرفيق والصاحب وبيادي الدورين دول كويس لان فمراحل التقدم فالعمر كل صاحب بينشغل بحياته لان مسئولياته بتكتر فانتي اهم شي ايمانك من جواك ان دا خير وبس لانها بانت علي حقيقتها وربنا كشفلك دا بدري ادعي ربنا من كل قلبك بكلام بسيط جدا وحاولي حاولي تفهمي الحياه كويس وترتبي امورك من جديد.الي حصل دا ليه فايده دوري عليها وهترتاحي
تم النشر الأربعاء، ١ فبراير ٢٠٢٣
طبعا مشاعر الخذلان صعبه ومؤذيه بس عايزين نركز ع حاجه تانيه ... مين قلك انها خذلتك وشافت بديل؟ممكن مش تعبانه جسديا بس مكتئبه طاقتها ع الكلام اقل مش قادره تعبر عن مشاعر جواها مدايقاها ممكن عندها مشاكل ف البيت ومسببالها عدم رغبه ف الكلام طيب ليه محاولتيش تواجهيها انها اتغيرت معاكي وشافت بديل وانها لو محتاجه مساعده او دعم انتي اكيد معاها مش هتسيبيها ولو حصل منك حاجه انتي مش قصداها ضايقتها المفروض تقولك ليه كمان متكونش هي مستنياكي تكلميها وانها فكرت نفس فكرتك انك متجهلاها وخذلتيها حاجه كمان بعد مجاوبتك ع كل الأسئلة الي ف دماغك والمشاعر السلبيه الي سببتهالك لازم تعرفي ان العلاقات عموما مش دايمه ومتغيره ومش ع وتيره واحده الحياه كلها واوقات لازم نمر بتجارب للأسف مؤذيه عشان تخدي خبره ف حياتك بعد كده ازاي تختاري الناس المقربين منك ومتخافيش انتي مش هتبقي لوحدك حتى لو انطوائيه العمر قدامك لسه هتلاقي صديقه صدفه وهتكون اقرب ليكي مما تتخيلي
تم النشر الخميس، ٢ فبراير ٢٠٢٣
السلام عليكم ورحمة الله وبركاته....من الطبيعي أن يتولد بداخلك شعورًا بخيبة الأمل والحزن عندما يخذلك أحد الأصدقاء، لذلك اسمح لنفسك أن تمر بهذه المشاعر دون كبتِها لمدة طويلة بل فرغها بالطريقة التي تراها مناسبة ككتابتها أو التحدث عنها مع أشخاص آخرين مقربين، أو حتى بالبكاء، والأهم من ذلك كله هو عدم السماح لهذه المشاهر باستهلاك طاقتك الداخلية ومشاعرك لمدة طويلة.ودائما خلي سقف توقعاتك عن أصدقائك منخفض وحضرتك قولتي إنك انطوائية وممكن صاحبتك تكون اجتماعية أكتر وده هايخليها تقابل وتتعرف على ناس اكتر وحياتها تبقى مليانة بأصدقاء أكتر في المستقبل .انتي كمان حبي نفسك أكتر وشوفي هواية تشغلي بيها فراغك عشان إنتي كمان يبقى عندك قدرة على الاستغناء عن الناس
تم النشر الجمعة، ٣ فبراير ٢٠٢٣
لعرض السؤال في فدني اضغط هنا