أنا مش عارفة أنتِ كم سنة بس ممكن تكوني صغيرة. معلش لو رأيي كان غير ما تتمني أو حسيتِ إنه قاسي شوية. رأيي إن تصرفك غلط من نواحي كتير، غلط أصلا إنك قربتِ منه وسمعتِ كلامه إنه بيحبك وأنتِ عارفة إن صاحبتك بتحبه... حتى لو هو مش بيحبها بس هي صاحبتك وأنتِ عارفة إن تصرفك هيجرحها. السؤال دلوقتي، هل صاحبتك قطعت علاقتها بكِ بعد ده ولا تفهمت موقفك وتابعت حياتها؟ ** تصرفك غلط، عشان أصلا مفيش صداقة بين ولد وبين والمفروض فيه حدود بين الولاد والبنات، والعلاقات دي أصلا حرام. تصرفك غلط عشان هو ممكن يكون بيتسلى معك وبيملأ وقت فراغه لحد ما يبقى جاهز يتزوج في يوم ويتقدم لبنت تانية تكون عززت نفسها ومرتبطتش بواحد في حياتها زي ما أغلب الشباب بيعملوا. أنتِ بقالك سنتين معه بتعملي إيه؟ متأكدة إنه هيتقدم لك بعد كل ده ولا راكنك جنبه؟ ** التصرف الصح من رأيي، تقطعي علاقتك به وتعرفي إذا كان مستعد يتقدم لك قريبًا أو بعد التخرج لو بتدرسوا، إذا ناوي يتقدم فبطلوا كلام ومشي سوا لحد ما يجهز ويتقدم لك. لو مش ناوي فاقطعي علاقتك به خالص وكفاية تضييع وقت ومشاعر لحد كده.
نصيحتي لكل بنت اوعي تعلقي قلبك بحد ميستهلش ،وخلي ليكي حدود في التعامل مع الشباب لان اليومين دول بيحصل بلاوي من ورا الصحبيه والكلام دا كله حرام ،احفظي قلبك لطاعة ربنا وقربه احفظي قلبك للشخص الي يخبط على باب اهلك ويطلبك في الحلال وتكوني مراته احفظي قلبك لنفسك وعيالك وبيتك وجوزك وبس ،وأحب اقلك اختي العزيزة ان حتى لو زي ما بتقولي كدا انصحك متصحبيش ولاد ايا كان تعاملكم وعلاقتكم ببعض وطالما عارفه انو حرام خلاص ابعدي عنه وانصحي صحبتك متقعش في الغلط دا تاني ، لان الشخص دا بالذات مش بيحبك وكداب تعرفي ليه لانه لما صاحب صحبتك قبلك قلها انو بيحبها او الله اعلم معرفش بس المهم وباختصار شديد الولد دا مش بيحبك لشخصك دا لو لقى اي بنت حلوة هيقول انه بيحبها يعني بيحب الشكل والخ وكتير من شباب اليومين دول بيصاحبوا واحدة وعشرة كمان وكل واحد ونيته بس ولا واحدة من الي مصاحبهم هيتجوزها في الاخر.
تم النشر السبت، ١٩ أبريل ٢٠٢٥
عادي + بصي عارفه ان مفيش صحوبيه بين الولد وي البنت بس هنسكب الحته دي دلوقت انا وهو بنحب بعض عادي كا اي اتنين صحاب حتي مش عارف تفاصيلي ولا اي حاجه مجرد عادي فاهمه؟ وهو بيكلم بنات وكده عادي
تم النشر الجمعة، ١٨ أبريل ٢٠٢٥
معلش لو فهمت أي حاجة غلط، المشكلة أي حد هيفهم من السؤال إن انتم متصاحبين كعلاقة حب وارتباط مش مجرد صداقة وكلام عادي ملوش دعوة بالحب. اللي فهمته دلوقتي إن صاحبتك مش ممانعة عشان أنتِ مش بتحبي الولد وأنتم بالنسبة لها مجرد صحاب بتتكلموا بس فهي مش زعلانة منك. دلوقتي لو استبعدنا نقطة صديقتك وإنك متسببتيش في جرحها هتفضل مشكلة صحوبيتك له... زي ما قلت لك المفروض فيه حدود بين الولاد والبنات... وخليني أقول لك مفيش حاجة اسمها صداقة بين ولد وبنت لأن أكيد هتلاقي طرف منهم بيحمل مشاعر للطرف التاني وهيتظلم في الآخر. حاليًا، أنتِ بقالكِ سنتين مع ولد اعترف إنه بيحبك، مش عارفة موضحتيش في سؤالك فوق إذا هو غيّر كلامه وبقى يحب حد تاني، بس هيبقى فيه مشكلة لو فيه مشاعر من ناحيته وتعلق بك على أمل إنك في يوم تبادليه المشاعر دي فممكن صداقتك له تكون أصلا بتعلقه أكثر وده ممكن يعمل مشاكل بعدين أنتِ في غنى عنها.
تم النشر الخميس، ١٧ أبريل ٢٠٢٥
يقلبي لا خالص مش اي حاجه من دول بصي هيا عارفه اننا بنتكلم وعارفه كل حاجه وهيا مش ممانعه وقولت اعمل بلوك قالت لا بلص انا عمري ما قابلتو ولا هاقبلو لأني عمري ما خرجت مع ولد ولا هعمل زي بنات اليومين دول وبلص في سنتين دول مكناش بنتكلم كل يوم وغيره وحب ومش عارفه اي لا احنا اه بنحب بعض بس كل واحد حر فاهمه قصدي؟ يعني يكلم ينام يخرج براحتو بس احنا صحاب قريبين فاهمه؟ وي انا مش مستنيه ولا بفكر زي بنات دول فل حب وارتباط بق وبتاع لا عادي هو مجرد شخص واصلا بقالي كتير مش اتكلمنا ويي اتا مش مستنيه انو يتجوزني اصلا لأني مش هوافق فاهمه؟ هو مجرد كا صديق بس مقرب حبه بسس ويي انا مش شرحت حلو بس ماشي
تم النشر الخميس، ١٧ أبريل ٢٠٢٥
لعرض الإجابة في فدني اضغط هنا