صباح الخير ازيك بصي اولا انت شاطره جدا وحد ناجح جدا وحد عنده شغف وعنده حماسه وعايز يبدا حياته وينجح ويبقى حد جامد قوي ما فيش حاجه اسمها هل انا فاشله ولا لا ما فيش فشل في حاجه انت بتوصفي التجربه نفسها ان التجربه ما نجحتش قوي او كده ولكن انت احنا مش بنفشل احنا بنمر بتجارب نتعلم منها نغلط فنصلحها ونبدا تاني فكره ان مدير الشركه او صاحب الشركه او المشارك ليه هم شافوا فيك حاجه طبقا لخبرتهم عارفين انك حد شاطر.انت بقى اللي.انت بقى اللي بتبصي لعيوبك بس مش بتخلي عينيك تبص للمميزات هو ايه الحاجه الحلوه اللي شافوها فيك ان انت هتنفعي في السن الصغير وانت خريجه جديده انك تشيلي المحل بحاله وتشيلي حسابات المكان كله لما تبقي نازله في سوق العمل لازم تبقي حاطه في اعتقادك انك ما بتثقيش في اي بني ادم غير انت بس ما فيش حاجه اسمها جابوا حد تاني وهو نيمك في العسل انت مسئوله عن كل حاجه لما تشيل المسئوليه بتاعه كل ده وتتعلمي من المرحله اللي فاتت كلها هو ده اللي هيساعدك تنجحي انت ما مشيتيش وهما ادوكي فرصه ثانيه استغليها وانجحي وتثبتي المدير بتاعك مش للمدير بتاعك كمان تثبتي لنفسك قبل اي حد ان انت حد جامد وان انت قدها.
تم النشر السبت، ٣٠ سبتمبر ٢٠٢٣
,وعليكم السلام منقدرش نسميه فشل قد ما هو سوء تقدير لمهاراتك منك ومن صاحب الشغل لو قيسنا خطأك وخطـأه ...فهو اكثر منك بكثير لان خبرته كانت تسمح له ان يعطيكى فرصة للتعلم بدلا من مسئولي انتى غير واعية بها وانتى كان عليكى الرفض فى كل الاحوال هذه هى تجارب الحياه والعمل بشكل خاص وايضا انظرى ان الله رزقك احدهم يعطيكى فرصا ومكانا لتتعلمى وتخطأى ....فهذا يبحث عنه الكثيرين ابذلى جهدا فى مكانك ...اعترفى بحدود معرفتك وخبرتك الحاليه...استفيدى من اللخبرات المتاحة حولك اثبتى كفاءتك بجهودك فى ان يظهر تطورك دائما وهذا يعيد الثقة اليكى باذن الله امام نفسك وامام الاخرين
تم النشر السبت، ٣٠ سبتمبر ٢٠٢٣
بصي هو مش فشل بمعنى الفشل .. ولكن هو عدم خبرة وسوء ادارة مش اكتر .. والتجربة ديه تعلمك. يعني انتي اخدتي خبرة اهو ف تجربة علشان لو اتكرر الموقف ده تاني تعرفي تتصرفي فيه. ف الافضل تشوفي ايه هي الدروس المستفادة من الموضوع.. يعني مثلا تعالي نعمل سيناريو لو الموقف اتكرر انتي ف الاول ممكن تقولي لصاحب الشركة انا معنديش الخبرة الكافية اني اعمل ده، ولكن لو انتي حابه تتعلمي وتجتهدي قولي له ممكن اخد فرصة مثلا (مدة) ولو لقيت نفسي شغاله كويس يبقى تمام، لو لقيت العكس ف الافضل انسحب. انتي هنا هتكوني واضحة مع نفسك ومع غيرك .. علشان كمان تكوني شخص مسؤول قدام مديرك. وانتي لسه بتبدأي .. فحاولي انك تطوري من نفسك ومتسبيش الشغل. اثبتي نفسك فيه. والفشل ده ميتقالش لحد لسه مبدأش وخبرته قليلة. انتي بس حاولي تطوري من شغلك وتثبتي نفسك فيه واهم حاجه تكوني واضحه مع نفسك ومع الناس.
تم النشر السبت، ٣٠ سبتمبر ٢٠٢٣
صباح الخير انتي لا فاشلة ولا وحشة ولا حتى سبب في وقوع الشركة هو في حد فاشل عايز يبدا حياه ناجحة ايوه انتي عايزة تبدإي حياة ناجحة الفمرة انك مش لاقية نفسك عايزة تقعدي مع حد تتكلمي معاه انتي شاطرة جدا وعندك شغف وطموحة انتي مش فاشلة انتي مريتي بتجربة ماكنتيش جاهزة ليها ولا كنتي مخططالها وللاسف انتي مش واثقة من نفسك بضي على مميزاتك اقعدي مع نفسك وغمضي عينك واكتشفي نفسك من جوا عاملة ازاي بمميزاتها وسيبك من عيوبها..... هو انتي ليه مفكرتيش ان صاحب الشركة او المطعم مش عايز يفرط فيكي بالساهل؟ هاا؟ ...... عشان شاااف فيكي حاجه حلوه وفعلا اللي بيأنب ضميره وبيقعد يراجع نفسه عشان خايف ليكون عمل حاجه غلط دي في حد ذاتها انجاز وانتي فيكي حاجه كويسة جدا خليكي واثقة في نفسك وفي شغلك ةنتي قدها وارجعي الشغل انتي تقدي تعمليها اثبتي لنفسك ان انتي قدها
تم النشر السبت، ٣٠ سبتمبر ٢٠٢٣
أنت اللى بتقرر اذا كنت فاشل او لا وبناء عليه بتبدأ تنفذ هذه الصورة الذهنية بدون وعى، ودى سببها رسائل سلبية من الطفولة وانتي بتحاولى تثبيتها وانتى كبيرة. الوعى بالموضوع ده البداية. الشغل على نفسك بتذكر موقف ولو بسيط كنتى ناجحة فيه وعدتى منه وامسكى فيه لما تمسكى شغل اسألى كويس مهام الوظيفة ولا تخجلى أن تسألى ما هو المطلوب منك بالضبط انتى بتعملى الشغل علشان ده شغلك وتقديرك لنفسك لا من أجل أشخاص بمعنى لازم تقديرك لنفسك يرتفع تشتغلى على الثقة بالنفس تعرفى ان وجود الأشخاص فى حياتك بيعلمك بمعنى رسالة الشخص البخيل هو انك لازم تحبى نفسك وتكونى كريمة مع نفسك
تم النشر السبت، ٣٠ سبتمبر ٢٠٢٣
لأ أنتِ مش فاشلة خالص عادي تجربة وعدت وأكيد اتعلمتي منها، غلطك هنا بس أنك كان لازم تقولي من الأول أن مش مهيئة ولا مهاراتك دلوقتي تسمحلك أنك تمسكي منصب زي ده لأنك لسه متخرجة وبتتعلمي ومش عيب أبدًا ولا يقلل من شأننا أننا نقول أننا مش مستعدين للحاجة دي دلوقتي، والدليل أنك شاطرة أن صاحب الشركة ممشكيش ومخليكِ في الشركة، فعادي دي تجربة واتعلمتي منها
تم النشر السبت، ٣٠ سبتمبر ٢٠٢٣
واضح جدا انك لسه مفيش خبرة ... اتعاملى ان ده طبيعى جدا انك متبقيش فاهمه... مع الوقت هتتغيرى... كلنا كنا كده بس انتى متبطليش يكون عندك امل ان بكرة احسن ... متبطليش تتعلمي كل اللى يخليكى كبيرة فى مجالك .... وخدى بالك نظرة الناس ليكى هى هى نظرتك لنفسك ... كل ما كنتى واثقه فى نفسك بتخلى الناس وتجبريهم يبصولك بنفس النظرة
تم النشر السبت، ٣٠ سبتمبر ٢٠٢٣
المشكلة عندك انتي علشان انتي مش واثقة من نفسك ومينفعش تيجي عند نقطة معينة وتقفي لازمة تحاولي وتفشلي تاني وتقومي وتففشلي تالت لحد متلاقي نفسك في الاخر ربنا مبيحطش حد في مكانة الا لما يكون الشخص دا قد المسئولية حاولي تنجحي مش لحد دا لنفسك علي فكرة محدش هيساعدك
تم النشر السبت، ٣٠ سبتمبر ٢٠٢٣
منك فاشله كلنا نغلط حاولي تعلمي من اغلاطك وصلحيها وكوني اقوى وكل شي بيتصلح حاولي ترجعي ترجعي الثقه و تبيني قوتك عادي تغلطي 💗
تم النشر الاثنين، ٢ أكتوبر ٢٠٢٣
ع فكره انتي م فاشله خالص انتي بس مستغلتيش الفرصه وحاولتي تتطوري بس برضو دا م فشل ولا اي حاحه وكمان لسع متخرجه جديد وبرضو م عندك الخبره الكافيه ف الموضوع دا بس خلاص اللي عدا عدا انتي دلوقتي قدامك فرصه تاني انك تثبتي نفسك وتستغليها بقا وتحاولي تتعلمي اكتر ف المجال دا عشان برضو المدير اللي عطيكي فرصه وثقه وعشانك ف انسي اللي فات وابدئي من جديد مفيش حد مولود شاطر يعني وجامد كلنا بنغلط الفكره هنا اننا بس نتعلم من الغلط ومنكرروش لكن احنا م ملايكه نغلط عادي اغلطي يحبيتي واتعلمي وربنا معاكي ويوفقك يارب
تم النشر السبت، ٣٠ سبتمبر ٢٠٢٣
take it easy bro . ولا اي حاجه خالص اي مشروع أو اي فكره في الدنيا تخضع تحت النجاح و الفشل . تجربه جديده ف حياتك اتعلم منها اكسب خبره جديده انت خدت ال risk و دي ف حد ذاتها شجاعه ف انت زي الفل النجاح و الفشل ده بتاع ربنا انت واثق من حالك و قدرت حتي تستحمل ضغط الشغل الجديد . ثقة المدير بقا و نظرته اللي اتغيرت و الكلام ده مع الوقت هينسي و في محل شغل القديم انت شاطر فيه فتقدر تغطي علي التجربة القديمة . متهربش ولا تفكر تسيب الشغل متبقاش خواف .
تم النشر السبت، ٣٠ سبتمبر ٢٠٢٣
اول حاجه سيبك من نظرات الناس ولا نظارات المدير وكلامه وتأثيره عليكي ده هيضعف ثقتك بنفسك وده مش كويس اي شخص يقدر يعمل اي حاجه حتى لو كانت صعبه طلما هو عاوز كدا يعني انتي لو عايزه تصححي غلطك لازم تفهمي المجال ده لازم تتعبي فيه يعني شوفي حاجات علي اليوتيوب ممكن تساعدك في مجالك دوسي علي نفسك اوي لازم تكوني واثقه من نفسك عشان أما تكوني واثقه من نفسك هتقدري تعملي اي حاجه وتثبيتي نفسك قدام الكل بس اكيد هتفشلي مش من الاول هتلاقي كل حاجه سهله بس اهم حاجه انك متيأسيش وحاولي كثير لحد ما تتمكني من الموضوع وشتغلي وخلي عندك ضمير ف الشغل أن ربنا شايفك وانك بتكسبي ثواب لو انتي اتقنتي عملك ف حاجه حابه اقولها لك انتي المفروض من الاول مش فاهمه طبيعه الشغل كنتي قلت لاي حد هناك يفهمك عشان على الأقل تقدري تفهمي تبقي واخده معلومات تقدر تساعدك وحاولي أما تبداي شوفي حد عارف ف الشغل دا وسأليه ومتتكسفيش التعليم مفهوش كسوف وربنا يوفقك يارب 🤍
تم النشر السبت، ٣٠ سبتمبر ٢٠٢٣
لعرض السؤال في فدني اضغط هنا