مساء الخير
أنا مُدرسه جديده دي تاني سنه ليا ف المجال بشتغل ف مدرسه ودروس ف باعتبار أننا ف اجازه محتاجه أحسن من مستوايا ف اللغه وعندي تقريبا مصادر
بس أنا من أول م الاجازه بدأت وأنا مبعملش أي حاجه خالص
يدوب بصلي وبقرأ الورد ومش ع طول وبقول الاذكار مبعملش حاجه تانيه غير اني مدمنة التليفون
أنا ف الاجازه بشتغل ف مكتبه ومقضيه فيها نص اليوم
ويبقي عندي درس واحد ف اليوم وبس
ف عايزه حلول عمليه لان أفوق لحياتي
بعمل خطط ومش بنفذها
المشكله عندي أن روحي ضعيفه تجاهي
السلام عليكم ورحمه الله اهلا بيكي الدافعيه بتزيد و بتقل و دا أمر طبيعي جدا ، و لكن لما تقل فكري نفسك بالحلم اللي بتسعي ليه علشان ترجع الداعيه تزيد تاني و تكملي مهمامك. 1️⃣علشان تقومي بالالتزامات اللي معاكي لازم يكون عندك جدول الأعمال اللي بيساعدك هتقضي يومك ازاي. 2️⃣ تقسمي المهامات الي اجزاء صغيره علشان تقدري تعمليها. 3️⃣ تكافئ نفسك علي كل إنجاز عملتيه ، دا هيساعدك و يزود عندك الدافعيه تكملي اكتر و اكتر. 4️⃣ شوفي حد من الزملاء يشجعك علي التعرف اكتر علي اللغه ، اي لغه محتاجه ممارسه شوفي جروبات و اشتركي فيها. و ربنا يوفقك 💐 تحياتي
تم النشر الأحد، ٩ يونيو ٢٠٢٤
في الحالات اللي زي دي بنحتاج حد يساعدنا نخرج من الدايرة المغلقة دي ويحفزنا ويشجعنا على التنفيذ ، دوري على حد عنده نفس الرغبة او انضمي لجروب بيمارس النشاط اللي عايزاه واندمجي وسطيهم
تم النشر الأحد، ٩ يونيو ٢٠٢٤
مساء النور . انتي علي حد قولك (بتصلي ، بتقرائي قرأن ، عندك شغل خاص بخلاف الشغل الحكومي ) ودا في حد ذاته ممتاز 🤲🏻 🌸 النقطه المهمة انتي نفسك تعملي اي جديد في حياتك أو تتعلمي اي جديد.؟؟ حضرتك مشكلتك كما ذاكرتي انك غير منتظمه أو عدم الاستمراريه في فعل الشيء علشان كده انتي محتاجه اولا تشجيع ولو حتي من نفسك ، ثانيا محتاجه تبدأ ولو بداية بسيطة حاولي تسهيلي الأمور علي نفسك خالص يعني انا عن نفسي عاوز اروح الچيم فكان عندي كسل كبير اووي علي رغم إن دا كان احسن شي بحب اعمله كل يوم لكن سبحان الله أصبح اثقل شئ علي قلبي موش عارف ليه ومن هنا حبيت اشوف اي المعوقات أو الحجج التافه إلا في دماغي وبدأت اسهل الأمر علي نفسي يعني بلاش چيم كل يوم ، نخليها يوم ويوم. ملابس الچيم هخليها في چيم لو دا مشكله ، هروح الچيم بعد شغل حاولت اني ايسر علي نفسي هكذا انتي يسري علي نفسك ونجزي ولو شئ بسيط كل يوم من أهدافك الجديدة. ممكن حضرتك تشاركينا أهدافك الجديدة تحياتي 🕊️ 🤍🌸
تم النشر الاثنين، ١٠ يونيو ٢٠٢٤
تم النشر الاثنين، ١٠ يونيو ٢٠٢٤
مساء الورد، شوفي، كلنا بنمر بأوقات بمستوى الحماس بينخفض والتشتت بيزيد، خصوصًا في وقت الإجازة. اللى انتي بتحسيه ده طبيعي ومش حاجة تستدعي القلق، بس محتاجين نركز شوية ونلعبها صح. ١. تحديد أهداف صغيرة: بدل ما تحطي لنفسك خطط كبيرة ومتعبة، ابدأي بأهداف صغيرة تكون سهلة التحقيق. زي تخصيص 10-15 دقيقة كل يوم لتحسين مستوى اللغة. ٢. جدول محدد: اعملي جدول يومي ليكي واتميي فيه بين العمل في المكتبة والدروس وبين وقت للراحة والتطوير الشخصي. مثلاً، بعد ما تخلصي شغلك، خصصي ساعة للتليفون وساعة للتعلم. ٣. جربى تحديات صغيرة: اعملي تحديات صغيرة لنفسك، زي 30 يوم لتعلم كلمات جديدة أو قراءة مقالات بلغة أجنبية. ٤. تقليل التشتيت: حاولي تخصصي وقت محدد لاستخدام التليفون، مش طول اليوم، حطي التليفون على وضع الطيران وانتِ بتذكري. ٥. الراحة الكافية: لازم تدي جسمك وعقلك الراحة الكافية علشان تبقي على أتم استعداد للتطوير. ٦. تحفيز مستمر: افتكري ليه انتي بتعملي ده، فاكتبي أهدافك الكبيرة وصغريها خطوة بخطوة، وحطيها قدامك علشان تفضلي متحمسة. ٧. جروب دراسة: لو عندك زميلات أو زملاء حابين يطوروا لغتهم برضه، تواصلوا وادرسوا مع بعض، هتحسي إنك ملزمة ومسئولة أكتر. افتكري إن كل خطوة صغيرة بتاخديها بتحسن من وضعك وتخليكي أقرب لأهدافك. وافتكري دائمًا إنك بتستحقي إنك تحققوا أهدافك! بالتوفيق يا حلوة!
تم النشر الأحد، ٩ يونيو ٢٠٢٤
لعرض السؤال في فدني اضغط هنا