الطلاق صعب ايوه صعب انك تكوني بداتي مرحله كنتي خلاص شايفة إنك هتبدأي تطوري في المرحله دي لمرحله الجواز وبعد كده اكتشف ان المرحله دي خلصت ما فيهاش تطوير ولا اي حاجه بالعكس دي خلصت وممكن تكوني اعتقد بما انك بتقولي سنك 22 فممكن تكوني من جوازك ما كانش لمده طويله عشان تتخطي وعشان تقدري انك تتعايشي مع بعض الطلاق هو لازم تعملي اول مرحله وهو انك تقبلي ان ده الواقع اللي حصل فعلا لو لسه انت جوه الاسئله بتاعه ليه حصل كده؟ يمكن لو كنت عملت كذا او يمكن لو كان طليقي عمل كذا او يمكن لو كانت الظروف الفلانيه حصلت ما كناش وصلنا للطلاق فهيبقى احنا هنا لسه ما وصلناش خالص ولا قربنا لمرحله التقبل. كل الاسئله بتاعه يمكن ومش ممكن لو كان كل الاسئله دي لازم نتخلص منها كل الاسئله دي لازم تعرفي انك مش مفترض تطرحيها على نفسك حتى لو اللي حواليكي بيطرحوا عليك الاسئله دي ضروري يكون في عندك اجابه وهي قدر الله وما شاء فعل واللي حصل حصل الاسئله دي كلها مش هتغير من الواقع شيء وهنا هننقل لمرحله التقبل ده حصل خلاص ده حصل موجود في الواقع دي اول مرحله مرحله التقبل طيب قبل ما تتقبلي وقبل ما تسالي الاسئله خليني اسالك انا بقى انت زعلك على الانفصال خلصتيه ولا انت لسه زعلانه؟ انت زعلانه اصلا ولا انت كنت في وضع مؤذي ومصدقتي خلصت منه؟
لعرض الإجابة في فدني اضغط هنا