انا تعبت من كتر الشعور بدناءة واني قبيح وكل يقول ذلك احسست انى شي غير موجود واسرتي ايضا لها نفس الرأى حاولت أن اصبح الشخص الذي يرقى لكل امالهم اصبحت الأولى في المدرسه والان سأدخل كليه الطب حسنت من لياقتي البدنيه ولكن الامر كما كان
انا فاهمة شعورك كويس جدا لاني حسيت بيه فى فترة من الزمن ولكن عايزة اقولك انه لو بحثتي عن رضا الناس صدقيني مش هتوصليله حتى لو قطعتي نفسك زي ما بيقولوا رضا البشر غاية لا تدرك، انت بجد رائعة انك جبت المجموع ده وهتدخلي كمان طب بإجتهادك ايوة الاهل بيفرحوا وايوة معظم فيديوهات التحفيز بتقول اجتهد جبرا بخاطر والديك، ولكن اولا واخيرا ده كله علشان نفسك وعلشان رضا ربك اجتهدى لنفسك فقط مجرد انك تشعري انك بتعملى الحاجة دى علشان نفسك ولإرضاء ربك فربنا هيبارك فى الحاجة دى وهيخلي منك منارة لناس وإن كنت مش حاسة لانك انت بترضي ربنا، الاهل بيفرحوا صدقيني وإن كانوا مش بيبينوا وبيحبوا ولو مشفتيش ده ابدا ولكن مش ده المهم، المهم انك تثقي في نفسك اكتر انت جميلة وقوية جدا وجلب مجموع طب مش حاجة سهلة واي حد قالك انك قبيحة انت مش كده صدقيني يا قمر ارضى ربنا وهتلاقي الجمال كله بتحسي بيه ووقتها ممكن تلاقي ناس بتقولك انت وحشة برضو برغم جمالك ده كله. صدقيني انا قفلت فى تالته اعدادي علشان اثبت للناس اني مش وحشة زي ما بيقولوا ولا اني فاشلة ولكن ياللي شايفك وحشة هيفضل كده وإن تغير الشخص ده بسبب ربنا انه حسن نظرته للناس. وقتها عرفت انه محدش بيتمني الخير لحد وانك تجيبي حاجة عالية ممكن الناس تضحك فى وشك وتقولك الف مبروك ولكن هتقول عليكي وحشة من ضهرك برضو
تم النشر الثلاثاء، ١٣ أغسطس ٢٠٢٤
أولاً، عايزة أقولك إنك مش لوحدك، وفي كتير من البنات بيحسوا بنفس المشاعر. لكن مهم جداً إنك تتذكري إن الجمال مش بس في الشكل، لكن كمان في الشخصية والقلب. أنتي حققتي إنجازات كبيرة زي التفوق في المدرسة ودخول كلية الطب، وده دليل على قوتك وطموحك. حاولي تركزين على النجاحات دي وكل حاجة حلوة عندك. ممكن كمان تشتغلي على حب ذاتك. يعني حاولي تعتني بنفسك، وتفكري في حاجة تحبيها في نفسك، حتى لو كانت صغيرة. حاولي تقضي وقت مع أصدقاء أو ناس إيجابيين يشجعوك، وتجنبي اللي ينقدوك أو يقولوا لك أشياء تضايقك. في النهاية، اللي يهم هو كيف تشعري تجاه نفسك، وصدقيني الجمال الحقيقي بيظهر من جوه. حابة تتكلمي أكثر عن أي حاجة تحسي محتاجة دعم فيها؟
تم النشر الاثنين، ١٢ أغسطس ٢٠٢٤
خلينا نشوف الأحاديث ديه سوا، 1-عن عبداللّه بن مسعود رضى اللّه عنه أنه كان يجتنى سواكاً من الأراك، وكان دقيق الساقين،فجعلت الريح تكفؤه "تحركه يميناً ويساراً"،فضحك القوم منه ،فقال رسول اللّه صلى اللّه عليه وسلم مم تضحكون ،قالوا يا نبى اللّه من دقة ساقيه فقال والذى نفسى بيده لهما أثقل فى الميزان من أُحُد"جبل أُحُد". 2-إنه ليأتي الرجل العظيم السَّمين يوم القيامه،لا يزن عند اللّه جناح بَعُوضة. الراوى أبو هريرة وقد قرأ الآيه"فَلا نُقِيمُ لهمْ يَومَ القِيامَةِ وزْناً"مصداقاً لقول رسول اللّه صلى اللّه عليه وسلم 3-قال رسول اللّه صلى اللّه عليه وسلم :إن اللّه لا ينظر إلى أجسامكم ولا إلى صُوُرِكُم،ولكن ينظر إلى قلوبكم وأعمالكم. أحاديث بتأكد على مفهوم واحد وهو أنا مقدارى إيه عند ربنا، وربنا كيف يرانى،هل أنا فعلاعملت الى يرضى ربنا، وتكون أعمالى ديه أثقل من جبل أُحُد عند ربنا ،لازم يكون رضا ربى هو المعيار والمقياس الأول فى كل حياتى ،ورضا الناس يأتى بعد رضا الرحمن الودود الحكيم ،ونحن فى دار بلاء دار إمتحان أتينا هذه الحياه لنُخْتبر ونسلم الورق ونمشى عشان نشوف نتيجة الإمتحانات بتاعتنا هتبقى إيه ، جنّه....... ولا نار. ربنا يهدينا إلى ما يحبه ويرضاه
تم النشر الأربعاء، ١٤ أغسطس ٢٠٢٤
لا تحاولي أن تصبحي الشخص الذي يرقى لتطلعات أحد، مقاييس تقبل البشر متفاوتة، ولم ولن يتفقوا. أنت فقط ركزي مع نفسك وانظري ما الذي يزعجك في نفسك؟ ما الذي يضايقك، يعني عندما تذكرين لفظة قبح وأنت تتكلمين عن نفسك ما الذي يدور بذهنك حينها؟ لون بشرتك؟ الجمال لا يختص بلون، لا أريد أن أستدل بشيء مثل ملكات جمال الكون، ومنهم ذوات البشرة القاتمة، لكن هذا فعلًا ما يحدث. المهم في البشرة أن تكون نضرة وصحية وخالية من التصبغات والحبوب، وهذا كله يمكن علاجه بطريقة أو بأخرى. وزنك؟ يمكنك اتباع نظام غذائي صحي، تدريجيًا ستتمتعي بلياقة بدنية عالية. شعرك؟ طال أو قصر، اهتمامك به هو المطلوب. طباعك الشخصية؟ يمكنك العمل على التطبع بطباع حميدة، هي مهارات نعمل على اكتسابها، إنما الحلم بالتحلم. هل يوجد شيء يؤرقك لم أذكره؟ يا فتاة يكفي أنك اجتهدت حتى درستِ في كلية الطب، هذه في حد ذاتها ميزة!
تم النشر الثلاثاء، ١٣ أغسطس ٢٠٢٤
انا عارفه أن الموضوع صعب انا حاسه بيكى اكيد مش سهل اقولك حبي نفسك ف هتحبيها الموضوع بياخد وقت ومحتاجه تعرفي نفسك اصلا انا ممكن أسألك سؤال هو لو انتى شوفتى بنت صغيره اهلها بيتريقوا على شكلها وكل حاجه فيها وهى صداقتهم ونفسيتها تعبت ومبقاش عندها ثقه هل هتكرهيها انتى كمان وتتريقي عليها زيهم ولا هتقفي جمبها وتواسيها ؟ اكيد هتواسيها وتقفي جمبها مش كده ؟ طيب ما ده نفس الشىء الي بيحصل معاكى تماما حاولى تشوفي نفسك بنظره بعيده كأنك بتطلعي علي حد هتلاقي انك اكيد مش هتحبي الي عملوه فيكي واكيد بدل ما تحسي انك زيهم مش حابه شكلك هتحسي انك لازمه تقفي جمب نفسك وتواسيها لأن انتى اكتر حد محتاج يحب نفسو المفروض بدل ما تسألي نفسك انتى ازاى تحبي نفسك اسألي نفسك ليه ممكن متحبيش نفسك ايه السبب الي هيوقفك عن ده انتى عارفه كويس انك لو عندك صديقه حصلها زى ما حصلك وكل حاجه كانت ملهاش تدخل فيها وعاشت نفس قصه حياتك اكيد هتقفي جمبها طب اشمعنا مع نفسك مش بتعملي كده انا كنت ف فتره زيك بس سألت نفسي أن انا مستاهلش ده ليه هما عايشين طبيعي وانا حتى ابسط حاجه وهى انى اقف اشوف نفسي قدام المرايه بقت شىء صعب عليا كل ده عشان ناس هما مش فارق معاهم مشاعرى طب كلامهم يفرق معايا ليه فى ناس بأشكال كتير ممكن نشوفهم جمال ورغم كده مش واثقين ف نفسهم لأنهم صدقوا كده اعرفي نفسك حبيها واسيها هى محتجاكى 🤍
تم النشر الثلاثاء، ١٣ أغسطس ٢٠٢٤
متفهمة شعورك جدا لكن مهم جدا انك تتقبلى نفسك وتحبى ذاتك كما هى خليكى حنونة على نفسك حتى لو حسيتي الرفض من كل اللى حواليكى ، انتى ماشاء الله داخلة كلية الطب اثبتى نفسك لنفسك مش لحد تانى أهم حاجة انك تعملى الشيء دون النظر لاعجاب الناس لأن مهما فعلتى لن تحصلى على إعجاب كل الناس وهتلاقى نفسك فى حلقة مفرغة تايهة عن نفسك مش عارفة انتى عاوزة ايه بجد .
تم النشر الثلاثاء، ١٣ أغسطس ٢٠٢٤
انت اجمل مخلوق ع الكوكب تخيل كده ربنا قعد يفنن ف خلقك تفتكر أن ربنا هيخلق حد وحش ؟
تم النشر الثلاثاء، ١٣ أغسطس ٢٠٢٤
حب نفسك اكتر وشوف نفسك دايما انك جميل ومش مهم اللي حواليك شايفينك اي
تم النشر الاثنين، ١٢ أغسطس ٢٠٢٤
انتي جميله بروحك وبصفاتك لا تهتمي لكسب رضي الآخرين كوني انتي لا يهم هم كوني واثقه في نفسك فقط قولي انا جميله ورائعه والجميع سيرى هذا
تم النشر الثلاثاء، ١٣ أغسطس ٢٠٢٤
انت انسان مكرم ليش تشعر بالدناءة وتصف نفسك بالقبح قولي لرأيي الناس طززززززززززززززززززززززز وقول لنفسك الله خلقني كذا وانا لازم ارضى انتبه الناس تلعب في عقلك وشعورك والله لو كنت اوسم مخلوقات الله الناس مش هتسيبك
تم النشر الثلاثاء، ١٣ أغسطس ٢٠٢٤
ارمي كلام الناس ورا ضهرك الناس مش هينفعوك لو جيت ف يوم ووقعت والله ولا حد هيعرفك.. ومتهتمش بكلامهم لا الحلو ولا الوحش.. وحاجه كويسه انك معترف انك حققت نجاحات كتير استمر عليها ومتهتمش لحد ابدا حتي لو مين... غير كده أهم حاجه ف اي انسان جوهره وقلبه وكل واحد ربنا خلقه ف احسن هيئه ( ولقد خلقنا الإنسان في أحسن تقويم) مش لازم نبقي شبه بعض ربنا خلق لكل واحد شكل وملامح تميزه عن غيره ودي احسن حاجه...ف لازم تعرف ان مفيش مقياس للجمال الظاهري.. المقياس الحقيقي ف الجمال الداخلي والجوهر
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا