من ١٥ ل ١٨ مرحلة مراهقة مش سهلة مشاعر جديدة وكل حاجة هترتبط بالمشاعر هتثبت فى الذاكرة وهيكون اثرها كبير ..عشان كده بتقولى مش عارفه انساه الموضوع كله ميتحكمش عليه باى حاجة ولا قيمة له . القيمة هنا هى قيمتك انتى فى انك تشوفى كل ده سكة غلط اتجهتى فيها ولازم ترجعى منها فورا . ارجعى لسكتك الاساسية الدراسة وشخصيتك تبنيها للافضل .
تم النشر الجمعة، ٢٣ ديسمبر ٢٠٢٢
ايه اللي حصل وخلاكي فجأة مش طائفة تمسكي الكتاب؟ طيب لما لما انتي عارفه أنه حب امتلاك ليه بقيتي تتكلمي معاه بعدها؟ هل انتي شايفة أن الحب الامتلاك حب اساسا ولا مجرد أنانية (إن الشخص ده عايز يملك الحاجه اللي عايزها مجرد عايز يملك الشئ ده مهما كان هو ايه) هل شايفة أنه هو حب؟ هل مقتنعة إن كنتي بتحبيه فعلا وأنه كان حب؟ ولا كنتي محتاجة الاشياء اللي كان بيعطيهالك، زي الاهتمام مثلا، زي احساس الغيرة. انتي ممكن تحبي الاحاسيس ديه فعلا لأنها مثلا ممكن متكونش موجودة في حياتك والشخص ده أعطها ليكي، لكن انك تحبي الشخص ده لأ، عمر ما الحب كان كده، ازاي تحبي حد من على مجرد شاشة كده؟ شايفة أنه حب من انهي جهة؟ شايفة الحب ازاي من تعرفي الشخص فعلا من مواقف وتعارف فعلا بالشخص ده، وحاجات تانية كتير، مش مجرد شاشة فون. اللي حصل أنك تعلقتي بيه مش أكتر علشان كده مش عارفه تنسي أو محتاجة الحاجات اللي كانت بينكم (الاحاسيس). اعرفي قيمة نفسك، انتي لسه بتبدأي حياتك، لسه هتعرفي ناس كتير جدا، مستعجلة ليه على الحب، مش وقته لسه. انتي لسه بتقولي أنك شاطرة .. اعرفي نفسك ، واهتمي بيها .. وشوفي مذاكرتك، لسه الحياة قدامك. أول حاجه علشان تتعافي أنك تفهمي أن العلاقة ديه غلط في كل حال من الأحوال. تعملي ايه علشان تنسي كل ده .. أنك تعرفي قيمتك يا حبيبتي وتهتمي بيها. اهتمي بدراستك، وبالحاجات اللي بتحبيها رياضة أو مهارة .. دخلي لحياتك حاجات مختلفة غير السوشيال ميديا والفون، مش هيفيدك بأي حاجه. اعرفي قيمة وقتك كويس اوي، لأن ربنا هيحاسبنا احنا بنضيع وقتنا في ايه.. اعرفي وقتك ضايع في ايه واهتمي أنه يكون وقتك فعلا مثمر.
تم النشر الجمعة، ٢٣ ديسمبر ٢٠٢٢
لعرض السؤال في فدني اضغط هنا