عندي مشاكل متنوعة مع أهلي لا أعرف كيف أتصرف معها، ما العمل؟

Question

دايما حاسه اني عمري ضاع انا لسه ف سن صغير انا ١٦ سنه يعني المفروض اعيش ذي سني و اخرج و اروح و اجي انا اهلي محاصرني جوا دايره يعني مثلا الخروج مبيرضوش اروح كافيهات او ملاهي او اماكن جديده دايما اتمشى ف الشارع بس عشان كل دا غالي انا معنديش مشكله ان حاجه غاليه ف مروحش بس المشكله عندي إن ليه غالي عليا و مش غالي ع اخواتي يعني انا اخواتي اللي هم اصغر مني ونا اكبر واحده بيخرجوا و يصرفوا كتير و ماما ساعتها مبتزعلش انا دايما اخرج ب فلوس ع قد مواصلات و كيس شيبسي بس يعني مره اختي خرجت ب ١٥٠ بس مكنتش اعرف ف جت قالتلي انا معيش فلوس و عايزه عشان اخرج ف انا اديتها من الفلوس اللي بحوشها عشان اخرج و قولتلها اتبسطي بعدها اتفاجئت انها واخده اكتر من اللي باخدو لما جيت طلبت منها فلوس بقا عشان انا خارجه قالتلي انتي هتذليني عشان ادتيني فلوس و عملت حوار و ماما حلفت ماخدش منها ولا جنيه روحت لما خرجت قولتلهم هاخد فلوس زياده تأكيد مش هصرف منها ادتني ١٠٠ ف صرفتها مع صحابي ف زعلت مع ان اللي اصغر مني صارفه اكتر و مزعلتش بحسهم بيفرقوا بيني و بين اخواتي ونا مش عايزه اكرههم انا مش كارهه ليهم الفرحه و الخروج و انهم يعيشوا سنهم بس انا كمان عايزه افرح و اخرج و اعيش سني يعني مثلا هم بيتمرنوا سباحه اللي طول عمري نفسي اتمرنها و قولت لماما عايزه اتمرن بس حابه اتمرن ف مكان تاني مقفول و بنات بس قالتلي لا عشان بعيد و تاكسي هتركبيه لوحدك ازاي 😅 انا فاهمه كويس انها قصدها عشان فلوس التاكسي و بابا بردو رفض عشان فلوس التاكسي بس اللي مزعلني إني ف وقت الدراسه اصلا بروح ب تاكسي و لوحدي هم دايما بس عايزيني اذاكر و ارتب ف البيت بس لكن اعيش سني و اخرج لاء خلتني افقد امل ف فكره اتعرف ع ناس جديده و اخرج ف حتت جديده مش افقد امل و بس انا بقيت اخاف اتعامل مع حد او اخاف اروح حتت جديده من كتر منا محصوره جوا دايره مبخرجش منها ف قررت عادي اقعد ف البيت لما يبقوا خارجين و اتفرج ع افلام و مسلسلات حتى دي مش عايزني اعملها بييجوا يخرجوا من البيت يقولو رتبي كذا و كذا و كذا اقولهم اعتبروني خارجه يزعقولي انا معنديش مانع ارتب و اذاكر بس ذي م بعمل دا عايزه اعيش ذي اللي قدي عايزه اشوف ناس جديده و اروح حتت جديده و اتعلم هوايه جديده لو انا اهلي مثلا مش قادرين ف المصاريف كنت عادي معنديش مانع بردو اني ماخدش مصروفي ولا فلوس اصلا بس ذيي ذي اخواتي يعني ليه يكون اخواتي ياخدو ونا ماخدش و بحِجه انتي الكبيرة طيب انا الكبيره بس انا لسه صغيره عايزه تعيش حياتها ذي اللي حواليها و ذي اخواتها حتى لما كلمتهم ف ده زعقولي و قالوا اني بنكر الجميل انا مش بنكر حاجه انا طول عمري بشكرهم ع اي حاجه و بكون مقدره اللي جابوه بس انا كل اللي طالباه ابقا ذي اخواتي او ذي اللي حواليا اللي بينزلوا ف كل حته و يتعرفوا ع اصحاب جداد و يتمرنوا و يعملوا اللي يبسطهم ليه انا كمان معملش اللي يفرحني ليه دايما يشجعوني ف مذاكره بس مش ف مثلا فكره قولتها او هوايه اتعلمها انا بتعب وقت الدراسه انا بتعب من فكره اني هروح دروس و اذاكر لإن انا بذاكر بس مبعملش حاجه تخليني أفصل انا عامله ذي الروبوت اللي بيذاكر بس و يبسط اللي حواليه و ميفرحش هو كل كلامهم عايزينك تطلعي دكتوره بس حتى مسألونيش انتي عايزه تبقي ايه 😅 مبقتش فاهمه هم ليه عايزين انا ابقا ع مزاجهم و معملش اللي يعجبني لكن اخواتي براحتهم و يعملوا اللي يعجبهم و يعيشوا حياتهم لكن انا لاء اذاكر و ارتب بس

Accepted Answer

أفهم تمامًا شعورك يا عزيزتي ذكية. الوضع ده يمكن جدًا يكون مزعج ومحبط. خليني أقولك بعض الأفكار اللي يمكن تساعدك تتعاملي مع الوضع ده. أول حاجة، جربي تعملي جلسة حوار هادية مع أهلك، اختاري وقت يكونوا فيه رايقين واسأليهم بصدق إذا كانوا شايفين فرق في المعاملة بينك وبين إخوتك وليه بيحصل الكلام ده. مهم تبيني لهم مشاعرك من غير اتهام، يعني مثلًا تقولي: "أنا حاسة إن في فرق بيني وبين إخواتي وده مخليني زعلانة ومش فاهمة السبب." حاولي تخلي الحوار مرتبط بمشاعرك الشخصية وتجنب الجدال. ثاني حاجة، جربي تحددي أوقات لتكوني براحة نفسية. يعني، حتى لو مش قادرين يوفروا لك فلوس للخروج، شوفي إيه ممكن تعملي في البيت أو في المنطقة حواليك وتعلّمي حاجات جديدة تساعدك تنسي الضغط وتستمتعي بوقتك بطريقتك. وحاجة كمان، جربي تتعلمي مهارات جديدة من شبكة الإنترنت. مثلاً تعلمي لغة جديدة، أو الرسم، أو الطبخ، أو أي حاجة تانية تهتمي بيها. ده هيخليك تشعري بإنك بتتعلمي وبتنجزي حاجات لروحك. يمكن تحتاجي كمان تأخذي نصيبيك من الدعم العاطفي من أصدقائك. حتى لو مش بتشوفيهم بانتظام، تقدري تتواصلي معاهم عبر تطبيقات التواصل الاجتماعي. أنا عارفة إنها فترة صعبة عليك، وخاصةً وانتِ في سن بتحاولي تكتشفي فيه نفسك وتعيشي حياتك. بس تذكري إنك قوية وقدرتك على التغلب على الصعاب هي اللي هتكبرك وتعلمك حاجات كتير في الحياة. إذا استمر الوضع واحتجتي تدخلي أي حد جديد بالحياة يساعدك تنظمي أمورك أو حتى مجرد شخص تثقي فيه يتكلم بموضوعك مع أهلك، متتردديش تطلبي المساعدة. احاولي تفضي حديثًا داخليًا يعبر عن أحلامك ورغباتك، وخذي خطوات بسيطة عشان تحققي ده بغض النظر عن العقبات اللي ممكن تواجهك. دايمًا بتمنالك التوفيق والسعادة، ويسعدني أساعدك بأي شكل ممكن.ابقي قوية وإن شاء الله الأمور تتحسّن.

Answer

متخليش أهلك يأثروا في حياتك اركني مشاكلك معاهم على جنب متعش في حياتك كدا واسأل نفسي ذنبي اي اعيش بمشكله تجاهل او ايا كان المهم طاعتهم في ما يرضي الله لكن خرجي عيشتك من مشاكل غيرك

Answer

لأنهم بيحبوكي وعوزينك تكوني أحسن من الكل وبيخافو عليكي لأنك في مرحلها حساسه ...أنا أب وعندي أولاد في عمرك وحاسس بيك

عندي مشاكل متنوعة مع أهلي لا أعرف كيف أتصرف معها، ما العمل؟

اجتماعية

نفسية

أهل

سؤال من احد أعضاء فدني

تم النشر الأربعاء، ١٠ يوليو ٢٠٢٤

3 إجابة

7 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك