ساعات بشوف اصحابي وناس كتيره محققه نجاح إلا انا وبحس إني بسعى ومش بوصل ولا بحقق حاجه بقيت أحبط كتير وحاسه اني في صراع مع نفسي وبجد مبقتش فاهمه نفسي وحاسه اني مشؤومه مش عارفه أعمل اي انصحوني
🎤 إجابة صوتية
تم النشر الأربعاء، ١٦ أبريل ٢٠٢٥
لا تقولي هيك الله كتبلك عاد الشيء ورج تحيط الفرحة عن قريت قولي إن شاء الله ورح تنجحي بحياتك اذا قررتي العزيمة و افرح للناس سوف تفرحين انت و قولي الحمد الله دائما و ابدا و لاتظلي تخبطي حالك بل قوي حالك و الناس كلها لديها حاجات مميزة عن البقية
تم النشر الجمعة، ١٨ أبريل ٢٠٢٥
السلام عليكم، فكرة مشاركة الناس إنجازاتهم على السوشيال ميديا تحديدًا أحد الأسباب وراء شعور كتير من الناس نفس إحساسك، أنا لسه واقف مكاني والكل بيتقدم وبينجز وأنا لأ. وده للأسف بيسبب إحباط وممكن يدفعنا للتوقف عن السعي. ** ممكن قوي تكوني أنتِ في رحلة سعيك، يقابلك خبر عن فلانة حققت كذا أو فلان عمل كذا. فتفتكري إن المشكلة فيكِ، مع إن ممكن هم بادئين رحلة سعيهم نحو الهدف اللي نجحوا فيه بدري عنك، ممكن أنتِ هدفك مختلف فمحتاج خطوات أكتر أو طريق تاني أطول شوية، فتكوني أنتِ مثلا باقي لك خطوات فتوقفي ظنًا منك إنك مهما عملتِ أهو مش بتوصلي زي البقية. ** المقارنة أسوأ حاجة ممكن تعمليها وأقصر طريق للفشل. كل واحد فينا رحلته مختلفة عن البقية وأهدافه مختلفة وخطواته مختلفة. كل واحد فينا عنده مهارات وقدرات تختلف عن الغير. فالحل بالنسبة لك هو، توقفي مقارنة تمامًا وتتجاهلي أخبار الغير وإذا قابلتك بالصدفة فباركي لهم وارجعي ركزي على رحلتك أنتِ، المطلوب منك، تكتبي أهدافك واضحة وخطتك لها مكتوبة وواضحة وبخطوات محددة تتابعيها واحدة واحدة وتركزي على الطريق لحد الآخر. مهم جدًا كمان، تحتفلي بإنجازاتك مهما كانت صغيرة... أهدافك الكبيرة قسميها لأهداف أصغر وأصغر وكل محطة توصليها احتفلي بها وكافئ نفسك. ده هيعطيكِ شعور بالإنجاز ويحمسك أكثر للاستمرار. استعيني بالله وابدئي وارمي أي أفكار سلبية خلف ظهرك. بالتوفيق إن شاء الله.
تم النشر الأربعاء، ١٦ أبريل ٢٠٢٥
أختي العزيزة، أشعر بمعاناتك وأتفهم مشاعرك. من الطبيعي أن نشعر بالإحباط أحيانًا عندما نرى الآخرين يحققون النجاح، لكن يجب أن نتذكر أن كل شخص يسير على مسار مختلف وأن النجاح يأتي بأشكال مختلفة. إليك بعض النقاط التي قد تساعدك في تجاوز هذه المرحلة: تحديد الأهداف : قومي بتحديد أهداف واضحة ومحددة لنفسك. يمكنك تقسيم هذه الأهداف إلى خطوات صغيرة تسهل عليك تحقيقها، مما يساعدك على رؤية التقدم بوضوح. الإيجابية : حاولي التركيز على ما حققتيه حتى الآن بدلاً من مقارنة نفسك بالآخرين. قومي بتدوين كل إنجاز صغير تحققيه؛ فهذا يمكن أن يساعدك على تعزيز ثقتك بنفسك. طلب الدعم : لا تترددي في التحدث مع أصدقائك أو عائلتك عن مشاعرك. في بعض الأحيان، مجرد مشاركتك للمشاعر يمكن أن يخفف من وطأتها. التطوير الشخصي : اعتبري الوقت الذي تقضينه في السعي لتحقيق أهدافك بمثابة استثمار في نفسك. تعلمي مهارات جديدة أو واظبي على القراءة في مجالات تهمك؛ هذا سيساعدك على تطوير ذاتك وتعزيز فرصك. الصبر : تذكري أن النجاح لا يأتي دائمًا بسرعة، والصبر هو المفتاح. الاستمرار في السعي مع الإيمان بنفسك هو ما سيقودك في النهاية إلى أهدافك. تذكري أن الله مع الصابرين، وأنتِ لست وحدك في هذا الطريق. كوني صادقة مع نفسك وامنحي نفسك الوقت اللازم للتحسين والنمو.
تم النشر الأربعاء، ١٦ أبريل ٢٠٢٥
اسع يا عبد وأنا أسعى معاك وأنتي بتعملي اعملي الي تقدري علي والباقي على ربنا وكل واحد بياخد نصيبو ومفيش حد بيياخد رزق حد وربنا يعوضك خير ويحققلك كل اللي بتتمني بس خليكي قريبة من ربنا. وبامر الله هتوصلي للي انتي. عاوزه
تم النشر الأربعاء، ١٦ أبريل ٢٠٢٥
كل واحد ليه ظروف حياته محدش عاش ظروف حد.. متقارنيش نفسك
تم النشر الجمعة، ١٨ أبريل ٢٠٢٥
عليكي السعي فقط والنتيجة من ربنا
تم النشر الأربعاء، ١٦ أبريل ٢٠٢٥
وربنا يوفقك ويوفقنا كلنا 😍
تم النشر الأربعاء، ١٦ أبريل ٢٠٢٥
ركزي مع نفسك اوعي تبصي للي حواليكي واوعي تبقي بتحققي حاجات لمجرد ان الي قدامك حققها بس لا ده غلط شوفي انتي عايزه تعملي ايه وتنجزي و اعملي الي انتي عايزاه 😍❤
تم النشر الأربعاء، ١٦ أبريل ٢٠٢٥
ركزي مع نفسك بس و ملكيش دعوه باصحابك و اجتهدي جامد جدا و ركزي على هدفك انتي و متبصيش لغيرك
تم النشر الأربعاء، ١٦ أبريل ٢٠٢٥
لعرض السؤال في فدني اضغط هنا