اقولك حاجه انت لسه ف بداية الرحلة ممكن تحطي برنامج حلو فضّي يومين م الدروس ف الأسبوع اتنين وخميس مثلا دول يبقوا للمذاكرة لانك بقية الايام هترجعي تعبانه وكدا التلخيصات مش ل كل المواد يعني بتبقى للمواد النظري اكتر. المواد العلميه القوانين وكدا بتفرغيها برا لو صعبة الحفظ ممكن تذاكري بطريقة الخريطه الذهنيه يعني عنوان رئيسي ف النص وفّرعي منه عناوين فرعيه وعلمي عليها بالهايلايتر ودخلي الالوان في المذاكرة عشان ذاكرتك البصريه تشتغل وتحفظ شكل الكلام بتفرق اول حاجه تشتغل في المذاكرة هي الذاكرة البصريه بلاش طريقه التفريغ التقليديه اللي هي تاخدي الكلام م الكتاب للكشول زي م هو لأ بتفرغي المهم او اللي يخليك تفتكر باقيه الجزئيه دي حاجه اسمها مفاتيح الاجابه تعلمي اجابة السؤال بمفتاح كلمه معينه فيه هي اصل الاجابه المذاكرة ف صورة سؤال وجواب للمواد النظريه احسن حاجه والعملي هتفهمي قبل م تفرغي اذا كان قوانين او نظري. ** تكرار اي معلومه ع فترات متباعده مهم م فترة للتانيه تعيدي وتزيدي ف اللي فرغتيه اما لو فرغنيه وسيبتيه او مشيتي عليه مرة واحده كدا مش هيثبت لازم من فترة ل فترة تبصي عليه عشان يثبت ف ذاكرة المخ الطويلة(بصريه، لحظيه، قصيرة، طويلة) ع عبال الامتحان تبقي جاهزة.
إجابة من . .
تم النشر الاثنين، ٨ أبريل ٢٠٢٤
2 تعليق
بالتوفيق
تم النشر الثلاثاء، ٩ أبريل ٢٠٢٤
شكرا ❤️
تم النشر الثلاثاء، ٩ أبريل ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك