لحد امتى هفضل وحيدة ومحدش شبهي ولا حد فاهمني
مفيش حد فاهم دماغي ولا فاهم مشاعري وكله بيجري ورا التريند، الحاجة اللي بشوفها حلوة وفاكرة انه ده الطبيعي وكله شايفها حلوة زيي بلاقي العكس، والحاجة الوحشة بلاقي الناس منبهرة بيها ومتجمعة عليها.
نفسي الاقي الناس شبهي او على الاقل طبيعيين، مش بعرف ابقى سعيدة لان محدش شبهي ولا حد عنده نفس اهتماماتي، اصعب شعور بجد.
أبسط مثال اني بحب القطط اوي ولما بشوف قطة فالشارع بحب اشيلها واقعد احسس عليها وعلى شعرها مش بزهق بجد بعشقهم ودي متعة بالنسبالي اني احضنها واقعد احسس عليها كله بيقولي قرف وماما تقولي امراض، ماما بالنسبالها مدام باكل وبشرب وبتفرج على التليفزيون خلاص ابقى سعيدة، دي مش سعادتي انا بحب القطط ونفسي اربي قطة من زمان ومحدش من البيت عايز ولا موافق، حتى الاكلات اللي بحبها غير الاكلات اللي بيحبوها وبيصرفوا فلوسهم على حجات اغلى ومش حلوة، جدو بس هو اللي شبهي في العيلة وده بقابله كل اسبوع في يوم واحد حتى ماما مش بترضى تخليني ابات عند جدو وتيتة، محدش طيب زيي ولا حد بيراعي غيره زيي، ببقى نفسي اتصور صورة حلوة بيصوروني وخلاص مش زي ما أنا بصورهم ماما كتر خيرها بتعمل اللي عليها لكن اخويا بقعد اصور فيه بحب اجي اطلب صورة يصورهالي وخلاص ويضايق وميعوزش يصورني تاني بجد حاجة تقرف وعيل اناني.
محدش شبهي فأي حاجة فالدنيا دي انا تعبت وحاسة اني عايشة من غير طعم بجد
ببقى سعيدة لما بقعد مع صحاب زمان ودول مش بعرف اقابلهم خلاص الا فين وفين.
انضمى ليا انا برده كنت كدا بس نا عملت اى لما لقيت شخص ما يفهمنى وعرفته انى محتاجله عشان يبقى جمبى وفعلا بس اتعلقت بيه ونسيت ربنا فعذبنى بيه وبعده عنى فألجأ لربنا وهيبعتلك الى شبهك اسال مجرب وعود نفسك انك ملكش دعوى بحد
تم النشر الثلاثاء، ١٧ سبتمبر ٢٠٢٤
ناس كثيرون يشعرون بمثل شعوركِ لكن لا داعي لتجعليها مشكلة كبيرة تعيقكِ عن الحياة. لستِ في حاجة ليكون الأشخاص الذين يشبهونكِ حولكِ. والحياة إذا كنا كلنا نشبه بعضنا كانت ستكون مملة وباهتة... نحن مختلفون لنكمل بعضنا البعض. أنا لا أعرف كم عمركِ لكن ربما كنتِ صغيرة جدًا وهذا ما يجعل هناك مشكلة في التواصل مع أسرتكِ ومن هم في محيطكِ. أولًا، ربما إذا عرفتِ كيف توصلين أفكاركِ وتتواصلين مع أسرتكِ ستكتشفين نقاطًا مشتركة أخرى... لا يُشترط أن تكون القطط أو حبكِ للتصوير. حاولي التحدث معهم ومصارحتهم بما يضايقكِ ولا تنفعلي إن شعرتِ أنهم يستخفون بكلامك... استمعي لفيديوهات تتعلمين منها فن الإقناع والتواصل وستنجحين إن شاء الله... ربما ليس من أول مرة لكن لا تستسلمي بسهولة. ثانيًا، لا حاجة لتعقيد الأمر بشأن عدم وجود من يحملون نفس أفكاركِ حولكِ، بالعكس... الآن ومع وجود الانترنت يمكنك صنع صداقات مع أشخاص يشبهونكِ ويمتلكون نفس هواياتكِ وميولكِ... هناك جروبات لمحبي القطط... انضمي إليها وتفاعلي معهم ويمكنكِ سؤالهم عن كيف تقنعين أهلكِ بتربية قطة. كثيرون يقولون أن أهلهم كانوا يرفضون شراء قطة لكنهم في النهاية استطاعوا إقناعهم وصارت القطة جزءًا من الأسرة بل وصاروا يعشقونها بعد أن كانوا يرفضون وجودها.
تم النشر الاثنين، ١٦ سبتمبر ٢٠٢٤
طيب. وليه منقولش ان انت مميزه وفريده؟ وزهره جميله فوسط البستان الاخضر بس وما فيهوش ورود. لما بنبص لنفسنا بشكل. يبين الحاجه اللي فينا ان هي ميزه غير لما نبص على الحاجه انه احنا حاسين ان احنا شايفين ان كده بقينا. كاننا متوحدين وما فيش غيرنا. مع ان لو انت موجوده انت الظاهره الوحيده في وسط البستان اللي كله اخضر هتبقى انت اللي محليه للبستان والمكان. الطيبه بتاعتك وحبك للحيوانات واا انك بتحبي طبطبي عليهم وما حدش غيرك بيحبنا دي حاجه جميله جدا يعني انت الوحيده لو موجود اي قطط هتبقي انت بس اللي بتلعبي معك دي حاجه جميله. خليكي دائما عارفه ان احنا مش هنكون شبه بعض فحتى لو صدفه وقابلنا حد بيحب نفس الحاجه اللي احنا بنحبها هنلاقي في حاجات ثانيه فيه هو مش بيحبها زي ما احنا بنحبها. ده الطبيعي بتاع الحياه ما تعيشيش الحياه متضايقه او مستنيه تلاقي القريبين منك بيحبوا نفس الحاجات اللي انت بتحبيها شوفي الحاجات اللي انت شبههم فيها وتجاهل الحاجات اللي انتوا مختلفين فيها لانه ده طبيعي وعادي.
تم النشر الأحد، ١٥ سبتمبر ٢٠٢٤
عزيزتي، أقدر تمامًا مشاعرك وما تمرين به من شعور بالوحدة والاختلاف. من المؤلم أن تشعري أنك لا تجدين أحدًا يفهمك أو يشاركك اهتماماتك. الحياة قد تكون صعبة أحيانًا، خصوصًا عندما لا نجد من يتفهمنا بشكل عميق. لكن يجب أن تعي أنكِ لست وحدك في هذا الشعور. هناك الكثير من الأشخاص يمرون بتجارب مشابهة، وقد تكون الطرق التي تعبرين بها عن نفسك واهتماماتك مختلفة عن الآخرين، ولكن هذا لا يجعل منكِ شخصًا أقل قيمة أو أقل أهمية. الاهتمام بالقطط، على سبيل المثال، هو شغف جميل يعكس طيبة قلبك وحساسيتك. حاولي البحث عن مجتمعات أو مجموعات تشاركك اهتماماتك، سواء عبر الإنترنت أو في محيطك المحلي. قد تجدين صداقات جديدة تدعمك وتفهمك أكثر. يمكنك أيضًا محاولة التحدث مع والدتك أو عائلتك حول شغفك وإيجاد طرق للتواصل معها بهدوء أعطيهم فرصة لفهم مشاعرك. لا تستهيني بقدرتك على إلهام الآخرين أو خلق مساحات من الفهم والحميمية. ربما لو كنتِ تشاركين تجاربك وأفكارك مع أصدقائك القدامى، فقد تستعيدين بعض تلك اللحظات الجميلة وتروجين لتواصلٍ أعمق معهم. أخيرًا، تذكري أنه بمرور الزمن، قد تلتقين بأشخاص جدد يتشابهون معكِ في اهتماماتهم وقيمهم. كوني صبورة مع نفسك ومع الآخرين، ولا تفقدي الأمل في العثور على مجتمع يتفهمك.
تم النشر السبت، ١٤ سبتمبر ٢٠٢٤
هو مش شرط انك يكون عندك صحاب أو لا علشان تقولى انك وحيده أو لا اعملى الحاجه الى انت بتحبها ومتزعلش حد حبى القطط عادى مثلا فيلم كرتون انت بتحب أتفرج عليه اقرأى كتب قصص أتفرج على انمى مثلا والى يقول اطفال وكده انت بتعملى إلى حباه
تم النشر الأحد، ١٥ سبتمبر ٢٠٢٤
الاختلاف مش دايما حاجه كويسه الحل الامثل انك تحاولي الاندماج توفيرا للوقت والجهد الي هتضيعيه في حياة هتبقي فيها كلها لوحدك حتي لو جنبك الدنيا كلها
تم النشر الاثنين، ١٦ سبتمبر ٢٠٢٤
فهماك شكرا جدا❤️
تم النشر الاثنين، ١٦ سبتمبر ٢٠٢٤
لعرض السؤال في فدني اضغط هنا