حابه اتكلم لاني مليش حد اتكلم معاه .. انا مامتي متوفيه ومن وانا صغيره وانا مش بعرف اشتكي بحس اني هشيل اهلي مسئوليتي وخوف عليا رغم ان علاقتي بأهلي واختي خاصه حلوه الحمد لله وعمرهم م حسسوني اني بمشاكل او كدا .. المهم .. انا شباب دفعتي من ابتدائي ناقصين تربيه كل حياتهم هزار وتريقه وتنمر وانا كنت ف حالي من جهه الولاد.. الحمد لله ربنا من صغري مخليني ف الطريق الصح واني عارفه ان كلام الولاد حرام ولو كانوا بيهزروا معايا زي الباقي كنت ببعد ومش بضحك ودا خلاهم يحقدوا عليا جامد خاصه الشاطرين منهم لاني كنت دايما بطلع الاولى والمدرسين الله يسامحهم كانوا بيجعلوا بيني وبينهم تنافس غير شريف زي (بنت علمت عليكم والجو دا ) .. المهم انهم كان مبدأ هزارهم التنابز بالالقاب وكانوا بيطلعوا اسماء ع البنات حتى لو معملتش معاهم حاجه .. زي مثلا واحده بتاكل بسكويت يسموها بسكوته والجو دا !! 😂🤦♀️ المهم انا محكتش لاهلي طبعا لاني شفت ان دا كلام عيال ومش مهتمه بيهم .. الموضوع زاد والامر فضل معايا اعدادي وثانوي وقلت الجامعه هتريحني منهم بس للاسف .. رغم ان مفيش حد اعرفه ف الكليه بس ف ولد معانا كان يعرف ولد من الكليه وقاله وطبعا عرف صحابه .. ف البدايه مكنتش فاهمه وبعدين تأكدت انهم عرفوا ولأول مره احس ان الموضوع مأثر ع نفسيتي كدا واني كرهت حياتي كدا وتعبت من ادعاء اني بخير ومش بتأثر اودام نفسي .. انا عشت دا كله بتمنى الكليه علشان ارتاح ف ليه كدا !! انا عملت ايه طيب دا انا عمري م هزرت مع ولد ولا ضايقت حد منهم .. مش عارفه اعمل ايه وجو اللي قادره ع المواجهه دا تعبني وتعبت وانا بسمعهم بيتكلموا عليا ويضحكوا وانا اكمل ضحكي كأن مفيش حاجه تعبت من احساس اني بتعاقب ع حاجه معملتهاش ومش عارفه المفروض اعمل ايه وحتى لو حولت من الكليه ايه اللي يضمنلي ان الموضوع ميكملش معايا تاني بسبب ناس ناقصه دين وحاسيين بالنقص وبيأذوني نفسيا وهما ميعرفوش مني غير شكلي بس !! واسم قرروا يلزقوه فيا للعمر كله
الاذى اى كان شكله مش بيجى عشان احنا نستاهله او عشان ده رد على اذيه مننا. هى حاجة بتصدر من شخص ضعيف وفاكر ان اذيته لغيره هتفيده وهتحسسه بالقوة. طيب انتى دلوقتى لما تلاقى حد عيان ...هتشفقى عليه ولا هتخافى منه. زى ما انتى قولتى هو شغل عيال اصلا ....بس عشان انتى حاسه انها بقت تهدد شكل شخصيتى وانطباع الناس عنك فبقت تأثر فيكى. هقولك على حاجة مجرباها بنفسي...يا اما تبقي قوية قصاد الناس دى وترفضى المسميات دى بكل قوة وتاخدى رد فعل قوى . يا اما تاخدى انتى الموضوع وتهزرى بيه ...وتحكى انتى الحدوته قدامهم فهيعرفوا ان الحاجة دى مش بتضايقك خلاص ( لو قاصدين يصايقوكى هيبطلوا ) او هيشوفوا ان دى حاجة انتى بقيتى بنفسك بتستخدميها بس بمزاجك ومش هيعرفوا يبقوا براحتهم فيها. اهم حاجة اوعى تهربي ...الهروب عمره ما هينفعك ..الحاجة اللى هتهربي منها هتفضل تجرى وراكى.
تم النشر الأربعاء، ٢٦ يوليو ٢٠٢٣
اولا ربنا يرحم والدتك ويجعل مثواها الجنة ثانيا مينفعش انك متشتكيش لحد لازم تفضفضي لحد وتطلعي اللي جواكي بس طبعا تختاري حد انتي واثقة فيه ثالثا انا شاب وعارف الحركات ده كويس وفعلا زي ما قولتي ناقصين تربية وفي منهم كتيييير اوي بس عايز افكرك بمقولة للشيخ الشعراوي كان بيقول (ان لم لنفسك حاقدا فاعلم انك انسان فاشل) ف ده دليل انك إنسانة ناجحة جدا جدا جدا وكل ما يزيد عدد الحاقدين كل ما يدل انك بقيتي ناجحة اكتر و اوعي تبيني لحد انك بتضايقي من التصرفات ده حتى لو من جواكي هتموتي بس اوعي تبيني ده لحد وانتي كدة كدة مش هتقدري تعملي ليهم حاجة ولا هتخليهم يبطلوا اللي بيعملوا ده ف كبري دماغك منهم خليكي ناجحة زي ما انتي و اوعي الحاجات الهبلة ده تحبطك بل بالعكس المفروض تحمسك وربنا يكرمك في حياتك
تم النشر الأربعاء، ٢٦ يوليو ٢٠٢٣
انتي قولتي بنفسك ناس ناقصة دين! في الحقيقة السؤال بتاعك ده مينفعش يتسأل ...! وهقولك ليه؟ لو فيه ناس مؤذية .. يعني هما ناس كده بتأذي حتى لو انتي معملتيش اي حاجه ولا حتى بالخير ولا بالشر .. لو فيه طبعهم الاذي هيأذوا طبعا. الموضوع شبه مثلا الطلبة اللي بتحب تدمر اي حاجه حواليها .. تكسير الكراسي، الشخبطة على الحيطان، هل مثلا الكراسي ديه اذتهم في حاجه ولا البيئة نفسها عملت ليهم حاجه علشان يعملوا كل الاذي ده ليهم؟ اكيد لا .. هما طبيعتهم كده .. ناس مؤذية فعلشان كده مينفعش نسأل حد مؤذي انت مؤذي ليه؟ خليكي واثقة من نفسك وتأكدي انك مش بتعملي حاجه غلط، وانك محافظة ع نفسك وانك صح وبترضي ربنا في كل حاجه .. واي حاجه تحصل منهم في الحقيقة هي قلة دين وتربية كمان. انتي مش غلط .. وخليكي متأكدة من كده.
تم النشر الأربعاء، ٢٦ يوليو ٢٠٢٣
للأسف مشكلتك سببها الانحطاط الذي أصاب بعض أو كثير من أبناء الشعب المصري العظيم وهو الذي يؤدي لسلوكيات حقيرة كالتنمر وغير ذلك وعلاج مشكلتك هو أن لا تتعاملي مع هؤلاء الأشخاص الذين يسخرون منك وتخرجيهم من حياتك تماما .. اعتبريهم غير موجودين لأنهم فعلا شيء مؤقت في حياتك وكلها كم سنة وستتخرجين من الكلية ولن يكون لهم أي وجود في حياتك .. وربما طبعا يسقطون من منظورك قبل ذلك بالرسوب في الجامعة وفجأة في ليلة واحدة تجدينهم في عام دراسي مختلف عنك ولم يعد لهم أي تداخل معك!
تم النشر الأربعاء، ٢٦ يوليو ٢٠٢٣
جربي لو قالو حاجة ضايقتك تبتسمي ابتسامة كده كأنك وخداهم ع قد عقلهم ،، عيال صغيرة بتتكلم لو متلموش ساعتها خدي موقف ي أما تكلميهم أو تكلمي الليدر أو دكتور او اي حد مسئول
تم النشر الأربعاء، ٢٦ يوليو ٢٠٢٣
ممكن توقفيهم عند حدودهم وتقوليلهم إن دي مش خفت دم وإن هما مش محترامين بس وادعي ربنا يبعدهم عندك.
تم النشر الأربعاء، ٢٦ يوليو ٢٠٢٣
لعرض السؤال في فدني اضغط هنا