انا خريج كلية الحقوق شعبة اللغه الانجليزيه وانا الان في فترة الجيش والحمد لله في نهاية الفتره وبدأت استعد لفترة ما بعد الجيش من حيث العمل وانا حابب المجال القانوني ولكن بيئة العمل مؤذيه ومرهقه لابعد الحدود سؤال كيف اتفوق في هذا المجال وماهي النصائح العامه للاستعداد لفتره البحث عن عمل
لو قررت تشتغل بره هتحتاج لغه وطبعا يبقي معاك شهاده. اما لو قررت العمل بالمحاماه ف مصر اولا مهم جدا انك متتاثرش بطريقه عمل الساده الزملاء ف كتابة المذكرات وصحف الدعاوى ع نماذج سابقة، هو طبعا دا سهل بس هيقتل عندك القدرة وشغف البحث، ولا يخفي ع احد طبعا ان المحاماه مهنه شاقة تحتاج الي الاطلاع والبحث دائما. انا ف النقطه دي عايز اكدلك ع اهمية البحث والاطلاع الدائم. النقطه التانيه طبعا تلتزم بالزي الرسمي، مش بقولك الروب، البدلة تكفيك، ومتنزلش المحكمه الا بزيك الرسمي، وحاول متتعصبش ع حد لا اثناء التحقيق ولا المرافعه، انت استاذ وانت الي بتقرر تحط نفسك في موضع الاحترام اللائق بيك او غير ذلك لا سمح الله. النقطه التالته، طبعا هتنزل تدريب مع مكتب، فانت حاول متطولش فترة التدريب دي يعني تحاول تفهم طبيعة العمل باسرع ما يمكن، لان المكتب بيستفيد منك اكتر مانت هتسفيد منه، وحاول بردو تحافظ ع علاقة الزمالة بينك وبين الاساتذة الزملاء باحترام متبادل ومتسمحش لحد يفرض شخصيته عليك. وربنا يوفقك ان شاء الله وتبقي من افضل المحامين، سيادتك محامي حر بالمعني الحرفي للكلمة، فهتلاقي بعض الضغوط اثناء مباشرتك لعملك، فحاول ان تتماسك ولا تعبأ لاي احد ولا لشئ، طالما سيادتك محافظ ع علاقتك بالغير ( نيابة شرطة قضاء موظفين) بالاحترام اللازم. ومتقلقش من حاجه كلنا بنتعلم من ممارسة الشغل نفسه مبنتعلمش من حد كتير يعني.
تم النشر الأربعاء، ٣ يناير ٢٠٢٤
ادعم نفسك فى القانون الدولى ..فرصتك فى بيئات عمل افضل بالخارج اكثر ابحث عن محامى محترم للتدريب معه ولا تكترث لاى صعوبات لان هذا ما سوف يعينك على العمل وحدك
تم النشر الجمعة، ٥ يناير ٢٠٢٤
اشتغل علي نفسك واتعلم ومتستعجلش النتيجة
تم النشر الجمعة، ٥ يناير ٢٠٢٤
لعرض السؤال في فدني اضغط هنا