السلام عليكم ورحمة الله وبركاته.
مش اول مره احس الاحساس ده لا ده علي طول ملازمني
دايما ابويا وامي بيفضلوا (اختي) عني عمرهم ما بيساوي بيني وبينها دايما هي الأحسن والافضل بالنسبة لهم لأنها اشطر مني في التعليم رغم انها 1 ثانوي
بتأذى دايما بالتفكير ف كده وبنهار حرفيا بشكل كلي مش عارف اعمل ايه،
اللي بتطلبه بيجي لها ف وقتها انما انا لو طلبت مبيجليش دايما في كل حاجه بطلبها يقولوا لي انت الكبير اطلع واشتغل وهات لنفسك
اشتغل وانا ف دراسه؟ (للعلم انا طالب ثانويه عامه 3 ثانوي)
كل م اطلب ميجليش الحاجه بلبس وبصرف من معايا لكن معييش فلوس حاليا وانا حاليا في 3 ثانوي وشقتنا اوضه وصاله بقعد ف الاوضه اذاكر الاقيهم بيقولوا لي يلا عشان ننام واطلع الصاله اذاكر برضو يقولوا لي اطفي النور
مبقتش عارف اذاكر ولو اختي اللي طلبت كده هيمشوا كلامهم عليا ويفتحوا النور وهيخلوها تذاكر
اللي أنا عمال افكر فيه هما ليه مش مقدرين اني في 3 ثانوي مش مهم انا يدمروني بكلامهم او بأي حاجه ميهمنيش بس يسيبوني اذاكر
ياريتني كنت اقدر اختار اهلي (مش كرهاا فيهم والله) بالعكس ده انا كل ساعه مش كل يوم بفكر فيهم قبل مني ودايما بتمنى من ربنا اني أبقى حاجه كويسه ويبقي معايا فلوس عشان اغير شقتنا واجيب شقه اكبر
دايما نفسي اجيبلهم الحلو كله وكل اللي نفسهم فيه والله انا مبفتكرش نفسي غير بعدهم نفسي اتبسط ولو يوم حتي، وانا هتأذي حتي ف دراستي بسببهم
دلوقتى مش عارف اعمل ايه بقيت خايف بسببهم مجبش مجموع
هل ازعقلهم؟ ولا اسكت وارضي ربنا عشان ربنا يراضيني دايما بحس اني قليل بسببهم وهبقا فاشل في نفس الوقت ربنا بيديني شغف وبيقولي أنت هتنجح بس هما ليه بيعاملوني كده ومش زيها ليه دايما مميزنها عني (انا والله عمري ما كرهتها وبتمنى لها كل خير وبحبها يمكن اكتر من نفسي وهي بحسها اوقات طيقاني واوقات لا) بس يساوي بينا اهلي، ده حتي انا الولد الوحيد علي اخواتي خايف من كتر الزعل اللي جوايا يتولد قسوه واقسي عليهم وانساهم لما اكبر انا كل حته جوايا بتتأذي والله انا اسف لنفسي. بس كنت عايز اعرف اتصرف ازاي؟
وعليكم السلام طبعا على حسب البيئة اللى انتوا فيها ودرجة وعى وتعليم اهلك بيكون نظرتهم وتصرفاتهم هما فعلا اكيد مش مراعيينك عشان شايفين ان من بعد إعدادى انت كبرت وتقدر تشيل نفسك ومش محتاج حد يدعمك انت ضرورى ما تعافرش فى مسألة انهم يتفهموا ويعاملوك بشكل مختلف ...لان الموضوع بيبقى ثقافه عامه متورثه من اجيال انت ظبط ظروف مذاكرتك على الاوضاع الحاليه وانوى انك ترضى ربنا وتبر اهلك فى كل وقت ربنا هيقويك وهيراضيك بنتائج كويسه ان شاءالله
تم النشر الاثنين، ٣٠ ديسمبر ٢٠٢٤
ربنا ينجحك اولا وتحقق اللى نفسك فيه كلمهم واجههم قولهم مش هينفع كدا لو معجبهمش كلامك ذاكر في المسجد هيبقي مريح اكتر وادعي لهم بالهدايه وحاول متتاثرش بالتميز اللي بيعملوه بينك انت واختك مفيش غيرك هيتعب هما مش هيحسوا بيك صدقني وصلى دايما لما تضايق واقرا قرآن.
تم النشر الاثنين، ٣٠ ديسمبر ٢٠٢٤
ذاكر وشوف مستقبلك معظم تصرفات الاهل بتبقى مبنيه ع ان الولد المفروض نشد عليه عشان يتحمل مسئولية من صغره... نظم وقتك ووف دنيتك وحاول تتكلم معاهم بهدوء وعرفهم ان طريقتهم بتإذيك نفسيا وانك خايف مستقبلك يضيع بسبب ده بس اتكلم براحة لان دول اهلك وطاعتهم واجبة ربنا يوفقك وتحقق اللي نفسك فيه
تم النشر الاثنين، ٣٠ ديسمبر ٢٠٢٤
وعليكم السلام ورحمة الله وبركاته، أخي العزيز، أقدر مشاعرك وتحدياتك التي تمر بها، وأفهم كيف يمكن أن تكون المقارنة بينك وبين أختك مؤلمة جدًا. من الطبيعي أن تشعر بالضغوط النفسية في مثل هذه الظروف، خاصةً وأنت في مرحلة حساسة مثل الصف الثالث الثانوي. السماح لمشاعر الإحباط بالاستحواذ عليك لن يساعدك على المدى الطويل. إليك بعض النقاط التي قد تساعدك في التعامل مع هذا الوضع: التعبير عن مشاعرك : حاول التواصل مع والديك بوضوح وباحترام حول مشاعرك تجاه المقارنة. قد يكون لديهم فكرة مختلفة عن الأمور، وقد يحتاجون فقط إلى فهم كيف يؤثر ذلك عليك. التركيز على نفسك : بدلاً من مقارنة نفسك بأختك، حاول التركيز على أهدافك وأمورك الشخصية. كل شخص له رحلته الخاصة، ونجاح الآخرين لا يعني أن نجاحك أقل قيمة. تحديد الأولويات : بما أنك تستعد لامتحاناتك، حاول إنشاء جدول دراسي يناسبك ويتيح لك التركيز على دراستك. استخدم الوقت بفاعلية وابتعد عن المقاطعات قدر الإمكان. الدعاء والتفاؤل : اجعل إيمانك بالله قويًا وادعُ الله أن يوفقك في دراستك. التوكل على الله يساعد في تجاوز الصعوبات. مساعدة نفسك : قم بأعمال تطوعية أو أنشطة تخرجك من دائرة الفشل في الدراسة. يمكن أن تكون هذه الأنشطة وسيلة لزيادة إحساسك بالقيمة الذاتية. استشارة مختص إن لزم الأمر : إذا استمرت مشاعرك في التأثير عليك بشكل كبير، قد يكون من الجيد التحدث إلى مستشار أو معالج نفسي يمكنه مساعدتك في فهم مشاعرك والتعامل معها. تذكر أن الصبر والمثابرة هما المفتاح. أنت في مرحلة حرجة، وسرعان ما ستترك هذه اللحظات خلفك لتبدأ حياة جديدة. وفقك الله لما فيه خير.
تم النشر الأحد، ٢٩ ديسمبر ٢٠٢٤
متشكر جدا
تم النشر الاثنين، ٣٠ ديسمبر ٢٠٢٤
وصلي واقرأ قرآن.
تم النشر الاثنين، ٢٠ يناير ٢٠٢٥
بصي انا قصتي مشابه ليك بس نصيحتي ليك انك تذاكر مثلا فاوضتك لو طلعوك حوش فلوس علي جنب واشتري ليك بيت صغير او استاجر ومش معنى انو انت متاجيش عنديهم لالا روح عندهم بس في اجازة لكل مشكلة ليها حل بس انت حاول مستلمش زي
تم النشر الاثنين، ٢٠ يناير ٢٠٢٥
الحال من بعضو يصحبي .. بس خليني اقولك تصبر علي ال انت فيه وتجتهد وتشد حيلك وتعمل لنفسك قيمة وتستقل بنفسك وتبعد عنهم وربنا يوفقك يخويا 💟
تم النشر الاثنين، ٣٠ ديسمبر ٢٠٢٤
اهدا حتى لو ازتهم او اتعملت بقسوة دلوقتى وانت عندك ضمير ممكن متتعبش دلوقتى بس عتتعب بعدين ركز فاللى انت فيه سيب كل واحد اللى يميز يميز ركز عل اللى انتا فيه اتصرف بحكمه حتى لو حكمت تطلع برا الشقه خالص وتفتح كشاف الموبايل وتذاكر عليه ومتحطش على نفسك كل دا بيخليك اقوى
تم النشر الاثنين، ٣٠ ديسمبر ٢٠٢٤
لعرض السؤال في فدني اضغط هنا