انا بنوتة ٢٢ سنة وكنت عايزة اسأل
هو طبيعي طول الوقت ابقي عايزة اتجوز علشان الحاجة اللي كلكم عارفينها دي ؟
يعني مكنتش كدا الاول ولكن بقالي فترة بتخيل الموضوع كتير اوي وبقول امتي اتجوز علشان اجرب ويبقي حلال ويجي ف بالي كتير اوي ان ممكن اي حد يتقدم اوافق لمجرد اني الاقي حد يشبع رغبتي وانا كمان
مع ان الاول كنت عقلانية في موضوع العرسان ودايما بفكر من كل الجوانب مش الجانب دا بس لكن دلوقتي دي اكتر حاجة شاغلة بالي اللي هو امتي اتجوز بقي علشان البس كذا واعمل كذا ومن دا كتير واتخيييل كتير ودا وضع مش مريحني ومش عارفة اتخلص منه
انا قريبة من ربنا جدا الحمد لله بس دي حاجه مديقاني قوي
احييكي علي جرأتك و أنك متجاهلتيش المشكلة و حبيتي تشوفي حل .. نصيحتي ليكي هي اشغلي وقتك عشان متفكريش في الحاجات دي يعني اتعلمي مهارة خدي كورس اسمعي دورة دينية ... و طبعاً لو في حاجه معينة هي اللي بتخليكي تفكري في الحاجات دي لازم تبعدي عنها سواء كانت سوشيال ميديا و صور الشباب( مثلاً )علي انستجرام ، أو حتي أفلام و مسلسلات أو واحدة صاحبتك بتكلمك في المواضيع دي ... طول ما حاجه بتفكرك بالموضوع هتكوني بتصعبي الموضوع علي نفسك اوي.. ابدأي دخلي لعقلك أفكار تانية عن الجواز زي مثلاً أن الجواز مسؤولية و حب و احساس بالأمان مش مجرد علاقة جنسية ، و بالتالي هتبدأ تحطي معايير لنفسك و للشخص اللي هييجي يتقدملك .. يعني تبدأي بنفسك و تاخدي دورات عن تربية الأطفال مثلا ، أو عن ازاي تعيشي حياة سعيدة مفهاش مشاكل بعد الجواز .. وسعي مداركك و حاولي تشوفي الصورة كاملة .. ونفس الكلام مع الشخص اللي هييجي يتقدملك هتحتاجي توافقي علي شخص ملتزم و تقي و عارف ربنا و كمان بيتحمل مسؤولية و تقدري تحسي معاه بالأمان .. الخ من الآخر فلتري الأفكار اللي في مخك دي عشان تقدري تشوفي الصورة كاملة زي ما قولتلك.
تم النشر الأربعاء، ١٠ يوليو ٢٠٢٤
أنا أصغر منك و زيك حاولي تبعدي عن المواضيع اللي بيتذكر فيها الجواز و الافلام والمسلسلات اللي بتسلط الضوء علي الحاجات دي ودايما تذكري الحياء و استمتعي بحياتك كسنجل عشان الجواز مسئولية تقيلة ومرهقة جسديا و غير الحمل صعب و الولادة وموال كده ف استمتعي بشبابك وافتكري دايما ان دينك واهلك ربوكي علي الحياء ف خلي تفكيرك راقي و محترم وبعيد عن الحاجات دي و اقعدي اقنعي نفسك انك لسه صغيرة و كتكوتة 😂 وان الحاجات اللزجة دي متفرقش معاكي بحاجة 😌 ولو يومك بيعدي وانتي مش بتعملي أي حاجة لا انزلي العبي رياضة اخرجي مع صحابك الكويسين اعملي حاجة جديدة و طلعي الموضوع ده من دماغك خاااااااالص
تم النشر الخميس، ١١ يوليو ٢٠٢٤
مايحدث لك له سبب واحد "بسبب الفراغ " وبعض الامور الاخرى كمشاهده مسلسلات او اغاني والحالاتين فيهم حرمانيه....وشيء اخير انك لازم تتبعي الاوامر المفروض عليك كانثى من حجاب كامل و"غض البصر "
تم النشر الخميس، ١١ يوليو ٢٠٢٤
يا حبيبتي، طبيعي جدًا إنك تحسي بالأحاسيس دي في سنّك، وخصوصًا وأنت قريبة من ربنا الحمد لله. الرغبات الجسدية جزء من الحياة والانجذاب بين الجنسين شيء طبيعي. هنا شوية نصائح ممكن تساعدك تتعاملي مع الموضوع ده: التوجيه الديني: بما إنك قريبة من ربنا، فكري في كيفية وضع اهتمامك وحماسك تجاه حاجة تكون مفيدة وتساعدك تكوني أقرب لربنا. ممكن تجددي نيتك وتستغري الوقت ده في عبادة أو نشاطات دينية. الهوايات والاهتمامات: املأي وقت فراغك بهوايات وأنشطة تحبيها. ده هيساعدك تخرجي الطاقة دي بشكل إيجابي ومثمر. الرياضة: ممارسة الرياضة ممكن تخفف من التوتر والرغبات الجسدية شوية. كمان هتساعدك تبقي نشيطة وحيوية. تحديد الأولويات: فكري في الأولويات في حياتك واخدي خطوة خطوة في حياتك من غير ما تتسرعي في قرار مهم زي الزواج، الزواج قرار كبير ومهم، وضروري إنك تفكري في كل جوانبه بواقعية. الصداقة والدعم العاطفي: اقضي وقت أكثر مع أصدقائك وعيلتك، وجود ناس تحبيهم حواليك هيساعدك تحسي بالحب والدعم اللي ممكن يكون ناقصك وتوجهي رغباتك بشكل صحي. القراءة والتثقيف: اقرأي كتب أو مقالات عن كيفية إدارة الرغبات والطاقة الجنسية بطريقة صحية. ده ممكن يساعدك تفهمي نفسك أكتر وتتحكمي في مشاعرك. معالجة نفسية: لو لقيتي إن الموضوع بيأثر على حياتك اليومية بشكل كبير، مش مشكلة إنك تروحي لمعالج نفسي يساعدك تفهمي مشاعرك أكتر وتتعلمي طرق أفضل للتعامل معاها. لو احتجتي أي حاجة ثانية، أنا هنا دائمًا تحت أمرك يا حبيبتي. ربنا يوفقك ويهديك للطريق السليم.
تم النشر الأربعاء، ١٠ يوليو ٢٠٢٤
فطرتك وكمان فراغ وقت ممكن
تم النشر الخميس، ١١ يوليو ٢٠٢٤
لعرض السؤال في فدني اضغط هنا