أنا إنسانة بحاسب نفسي دايما عن كل حاجه عملتها سواء صح أو خطأ مش جلد ذات ولكن بشوف أنا وقفت فين واراجع حساباتي سواء مع رب العالمين أو مع نفسي
بس في نقطه مهمه حسابي لنفسي عن ذنوبي تاعبني نفسياً لأن بخاف من زعل ربنا
بحس كل ما بمشي خطوه لرب العالمين
بحس أن ربنا مش راضي عني أو أنا منافقة
رغم أن أنا مش برجع لنفس الذنوب الحمد لله وبجاهد نفسي الحمد لله وربنا يثبتني يارب
دايما بحس أن أنا في اختبار من ربنا وكل مره أصعب طيب كل ما بعدي ليه مش مرتاحه أو ليه حاسه أن مفيش قبول مني عند ربنا
أنا عندي يقين وثقه في الله وحسن ظن بالله الحمد لله بس قلقي دايما وخوفي من زعل ربنا واختبارات ربنا الكتير ليه سبب أن أكرهه نفسي من غضب ربنا مني
هل تفكيري ده صح ولا أنا كده غلط
تفكيرك صح وغلط في نفس الوقت .. يعني اولا - هو طبعا شئ ممتاز جدا انك كل شوية تراجعي نفسك، في الحقيقة كلنا لازم نعمل ده. لكن مراجعتك لنفسك تبقى بناءة مش هدامه، يعني اوكيه انا غلطت وغلطت علشان كذا وكذا، والمفروض اني عرفت غلطي ده واستغفرت عليه سواء كان حرام يعني وخلاص مش هيتعمل تاني. بس والموضوع خلص. الموضوع مش محتاج منك اكتر من انك تتوبي عن الشئ الحرام قدام ربنا ومتعملوش تاني. مش مطلوب منك دينيا اكتر من كده. اللي انتي بتعمليه بقى، هو جلد الذات .. وهنا مرتبط بعد الرضا عن النفس على اي حال، او على اي شئ انتي بتعمليه. وده لو زاد مش هيبقى كويس بتاتا. ف الحل انك تعرفي انه طبعا كويس اوي اللي بتعمليه، ولكن انتي بس بتعمليه بصورة غلط.
تم النشر الأحد، ١٠ سبتمبر ٢٠٢٣
شوفي انا صراحة من كلامك حبيت وحسيت انك شخصية حابة تتقربي من ربنا وبتحاسبي نفسك دايما ع تصرفاتك.. هالشي حلو لانو بخليكي تشوفي حالك لو غلطتي بتوبي لربنا ولو ماشية صح بتكمليه لاخره.. انتي كدا ماشية صح وحلو وعم دوري على رضا ربنا وهالاشياء هاي الك حسنات عليها ان شاء الله.. تتدايقيش من امتحانات ربنا ليكي لانو ربنا ما ببتلي عبده الا ليقربه منه اكثر او ليختبر مدى صبره ورضاه بقضاء ربنا وقدره ف الابتلاء حاجة حلوة مش وحشة صح بندايق منها بس لازم نصبر عشان ناخد اجر عليها.. ولازم دايما نحاسب نفسنا وننتبه ع تصرفاتنا عشان نتقرب من ربنا اكتر ولو فيه غلط نبقى نتوب ونصلحه. ربنا يوفقك ويقربك من ربنا اكثر واكثر يارب.
تم النشر الأحد، ١٠ سبتمبر ٢٠٢٣
اطلبي العلم الشرعي سيجعلك تعرفي كيف تتعاملي مع الله بشكل مريح وبدون ظنون وسوء تقدير الذنوب جزء من تكويننا ..والمهم التوبة من وقوع الذنب وليس جلد الذات على وقوعه
تم النشر الثلاثاء، ١٢ سبتمبر ٢٠٢٣
اطلبي العلم الشرعي سيجعلك تعرفي كيف تتعاملي مع الله بشكل مريح وبدون ظنون وسوء تقدير الذنوب جزء من تكويننا ..والمهم التوبة من وقوع الذنب وليس جلد الذات على وقوعه
تم النشر الثلاثاء، ١٢ سبتمبر ٢٠٢٣
بطلي جلد للذات وحاولي تحبي نفسك وتهدي روعك بداخلك جميل حساب النفس لكن السلبي انك كل شوية تخسسيها بالذنب وتجلديها هتتاذي جدا وتوصلي لمرحلة صعبه من عدم الثقة فيها ولكن علي الجانب الاخر شجعي نفسك وكافئيها لان ليها حق ومادام بترضي ربنا في كل شي وصريحة وواضحة مع نفسك حياتك هتبقي افضل وتتغير للاحسن لكن جلد النفس بدرن اسباب هيوقعك في مشاكل نفسه وانعدام ثقة صعب تخرجي منه ..وابدائي قراء كتب قي تنمية الذات وطوري مهاراتك والاهم اشغلي وقتك علي قد ما تقدري علشان الافكار السلبية تبعد لان العقل الفارغ معمل للشيطان وطوري مهارات جديدة واخرحي غيري جو باماكن جديدة ..والاهم توصلي لزيادة الثقة بنفسك انك تقدري تعدي المرحلة دي وياما عديتي باكتر من كدة .
تم النشر الأحد، ١٠ سبتمبر ٢٠٢٣
كل ما ليزيد الابتلاء اعرفي أن زاد حب ربنا ليكي صبرك علي الابتلاء ده ممكن يكون سبب في رفع درجه من درجاتك في الجنه ان شاء الله الشيطان هو اللي بيوهملك كده الرسول صلى الله عليه وسلم قال إن الانبياء أشد ابتلاء ثم الاحسن والاحسن. ربنا يثبتك ويثبتنا جميعا
تم النشر الأحد، ١٠ سبتمبر ٢٠٢٣
ربنا يثبتك علي هاد الشيء
تم النشر الاثنين، ١١ سبتمبر ٢٠٢٣
جزاك الله خيرا
تم النشر الأحد، ١٠ سبتمبر ٢٠٢٣
حاولي ان تقللي من التفكير!
تم النشر الأحد، ١٠ سبتمبر ٢٠٢٣
يارب العالمين اللهم آمين
تم النشر الأحد، ١٠ سبتمبر ٢٠٢٣
حلو انك تخافي من ربنا علي كل حاجه صغيره قبل الكبيره وده صعب في زمن الفتن اللي موجود دلوقتي
تم النشر الأحد، ١٠ سبتمبر ٢٠٢٣
لعرض السؤال في فدني اضغط هنا