بعاني من مشاكل في القولون من وانا صغيرة ومشاكل دي تعني إن أي أكل باكله بيسبب غازات وانتفاخات وأحيانا كتير وجع وأهلى بياكلو معايا نفس الأكل مش بيتعبوا و قولون عصبي ليا ٧ سنين أو يمكن أكتر وكنت باخد كولونا وكان كويس جدا وبيهدي الوجع لكن تبقى مشكلة الغازات وبغض النظر عن كونها محرجة لكن أنا نفسيا تعبت ومبقتش مرتاحة في الصلاة ومش عارفة أصلي صلاة من غير توتر وهل أنا نقضت وضوئي في نصها أو كملت للآخر ولا لأ والأمرأ يوصل لوسواس ...
معنديش أي مشكلة مع اللاكتوز، معنديش جرثومة وعمري ٢٠
كنت زيك والحقيقه ان القولون العصبي على اد ما هو ابتلاء ومتعب وبيضايق نفسيا بالذات في الوضوء والصلاة الا انك لما تتعاملي معاه صح بترتاحي بنسبه كبيرة باذن الله وبتعيشي حياة صحية اول حاجه لاااازم تعرفي ان طبيعة قولونك كده عصبي ولازم تتجنبي عصبيته ولااازم تقللي من الاكلات التي تهيج القولون واشهرها مخبوزات ومعجنات الدقيق الابيض والمقليات وكمان البقوليات زي الفلصوليا البيضاء والفول والعدس والاكل والاكل الحراق وال فيه توابل كتير وبعض الناس بيتعبها الفلفل الرومي واننت بقى مع الوقت بتكتشفي ال بيتعبك وبتقلليه بالتدريج غيري نظامك الغذائي وخليه يعتمد على الخضروات اكثر من النشويات لما تحوعي كلي خيارة جزرة زبادي موزة تفاحه اعملي سلطة فواكه من الفواكه المتوفرة عندك لو مش بتحبي الخضار بشكله العادي ابشري الجزر او افرميه فرم ناعم وقطعي معاه الخيار خلي عندك طبق شوربة خضار باستمرار ابعدي عن الفينو واستعملي عيش بلدي اسمر لما تاكلي ا لغداء ابداي بكوبايه مية وبعدها طبق سلطه كبير وبعدها شوربة خضار مع بروتين هتلاقي في الاخر بتاخدي بعد كل ده معلقتين رز او مكرونة ومش بتقدري تاكلي تاني بلاش تاكلي للغاية ما معدتك تتملي تماما دايما قومي قبل الشبع بشويه واشربي مية قبل الاكل وبعده اهتمي بكمية المياه اليومية ال بتدخل جسمك حاولي تعملي تمارين بطن كتير ومنها تمرين العجلة مريح جدا للقولون اشربي مشروبات شمر بابونج كمون كراوية مش هقولك ان تغيير النظام الغذائي سهل ولكن ابداي و حاولي وهتلاقي فرق في اليوم ال تلتزمي فيه بتقليل النشويات والمقليات والمعجنات عن اليوم ال مش بتلتزمي فيه حاولي تعملي حجامة جافة باكواب الحجامه على منطقة السرة وما حولها او تعملي زي تدليك دائري لمنكقة البطن بالنسبه للصلاة حاولي تتجنبي ان القولون يتهيج قبل الصلاة لانك فعلا مش هتعرفي تصلي ولا تركزي وهتحسي بان الصلاة ثقيله عليكي عشان كده حاولي تتصالحي مع عصبية قولونك عشان التوتر ده يخف وتعرفي تصلي شفاك الله وعافاك
تم النشر الجمعة، ٢٩ مارس ٢٠٢٤
فى حاجات افضل من كولونا ..استشيرى الطبيب مره اخرى الاكل لازم تكونى منتبه ليه اكتر وانصحك بالتمر صباحا بيريح المعده والقولون جدا مع الاستمرا عليه وجعله عاده صباحيه مش كل الاكل تاكليه ولا فى كل وقت ...والبقوليات والمخبوزات بالذات اعملى توازن فى اكلها
تم النشر الاثنين، ٢٥ مارس ٢٠٢٤
- ربنا يتولانا برحمته ، مرض القاولون العصبي مرض نفسي مُزمن.
تم النشر الأربعاء، ٢٧ مارس ٢٠٢٤
لعرض السؤال في فدني اضغط هنا