1-ابويا كتير جدا بيتكلم وهو نائم بتخانق وهو نائم وأحيانا ممكن وهو بيحلم يطلع يجري واخر مره حصل مشكله كان ممكن يكون فيها كان هو نايم وانا كنت قاعد في الصاله وفجأة سمعت حاجه بتقع لقيت ابويا واقع علي الأرض ومنخيره بتنزف وقلبه بيدق جامد ده طبعا عشان هو كان حلم حلم وكان يتخانق فيه فطلع يجري وكان ممكن لقدر الله يروح مني لأن هو التخبط جامد في دماخه ونبضات قلبه كانت سريعه جدا ممكن حد يقول ازاي نحل مشكله زي ديه؟
٣-انا في حد مكنتش بحبه من ساعة ما شوفته وهو كان دائما بيحاول يصاحبني مكنش في قبول بيني وبينه المهم الشخص آذاني نفسيا بدون الدخول في التفاصيل من ضمن الأذيه ديه إن في شخص انا كنت بحبه أخد عني فكره وحشه بسببه فأنا الشخص قطعت علاقتي معاه تمام لدرجه إني كنت بدعي عليه انا قطعته لدرجه إن هو لما يبعتلي كل سنه وانت طيب مش برد عليه فهل انا كده اذيته يعني هل القطيعه ديه ظلم ليه ولا لأ؟
بص يا جميل من الواضح انك انسان بتحب اهلك وبتخاف عليهم وكفايه عندهم انسان طيب زيك كدا النقطه الاولى بتاعت والدك... لو علاجها طبي فلازم والدك يشوف الاضطراب دا فين عنده وهو حتما في المخ ويستمر في علاجه وعليك الدعاء بالشفاء ممكن العلاج يكون روحي ليه بقا لان ممكن والدك يكون محتاج رقيه تعفيه الضرر وهمزات الشياطين ودا من خلال شيخ ان شاء الله هيرتاح ويتعالج النقطه التانيه بتاعت اختك.... عجبني فيك تصرفك وغيرتك على اهل بيتك بص اللي زرع فيك كدا حتما ربنا وبكونك مسلم فأنت في رحمه ربنا ان الغيره دي جواك على عكس الغرب اللي يقال عنه متحضر دلوقتي لو فهمت اختك الموضوع بشكل منطقي هتقتنع ان شاء الله بالحجاب الكامل والامر هيجي تدريجي ما تستعجل طيب تفهمها ازاي؟ هقولك....«الموضوع يطول شرحه بس هقدملك اللي ان شاء الله تقنع اختك بيه» اي بنت في الدنيا بتحب تكون جميله قدام الناس والشعر من علامات الجمال بس العرف دا مش حقيقي العرف دا بس في الوقت الحاضر من القرن الماضي يعني من قريب لانهم سواء كانوا مسلمين او لا قبل كدا كان قليل ان الستات تنزل بدون veil اللي هي طرحه او شيء يغطي شعرها دا حتى في المسيحيه مطلوبه حشمه المرأه فالموضوع كله عباره عن عرف حديث هما بيشوفوا الممثلين كدا فابيعملوا كدا سواء ممثلين او تيكتوكر او يوتيوبر مش لابسين الطرحه كامله تقلدهم البنات واحده ورا التانيه ثم دي تقلد صاحبتها ودي تقلد صاحبتها عشان تبقى احسن منها لو قريت كتاب اسمه Beauty sick هو مؤلفه غربي وبيقولك ان المرأه مهوسه بمظرها لدرجه انها تدخل في ريجيم قاصي عليها عشان تخس وتدفع فلوس كتيير للميك اب والتجميل والكريمات يا رجل دا كان في امرأه بالبرازيل راحت تعمل نفخ للجزء الخلفي فماتت وفيه نساء في اوروبا بينزلوا بالتنوره في البرد القاصي وكل دا لمجرد الجمال لان المجتمع قالها كدا انك لو ما بقيتي جميله بالبناطيل الضيقه والطرحه النازله وتبيني شعرك ولميك اب فأنت مش جميله واختك عارفه كدا كويس وقبلت على نفسها انها تكون كدا ومع احترامي دا ترخيص لقيمه المرأه ولا احد يمكن ان يعترض هو مش بيعملوها كدا على انها انسانه لا اطلاقا وهي قبلت بكدا انها لو ما كانت بالمستوى المطلوب فأنا مش شيء كويس ولا حد هيبصلي يعني قيمتهم مجرد اساس لو ما طلع نضيف بنشتري وندور على غيره وهي دي الحقيقه اللي هما بينكروها وبالعكس خالص اي بنت تقبل على نفسها كدا فهي مش ليها قيمه اوووي عند الراجل بس الراجل اللي بجد اللي يغير على عرضه لو انت مثلا اتجوزت هتفضل انك تتجوز واحده محجبه وبالبس الواسع الفضفاض اللي بيقلل اي نظر ليها ولا ترضى انك تتجوز واحده باللبس الضيق اللي دا بيطلع عليها ودا بيبصلها ودا يشوف ودا يشوف براحته هما وصلوهم لكدا انهم يكونوا ليهم وسيله متعه ولو بالنظر المحرم؟ انت حتما الانسب ليك الست الغاليه والرخيص بيختار اللي يناسبه برضو البنت بالحجاب كقطعه الحلوى بالغطاء لو فقط فُتحت منه جزء النمل والذباب يبص عليه وبعدها يتلم عليه بالضبط نفس الشيء ودي لان طبيعتنا كرجال كدا وربنا نزلنا في الدنيا دي اختبار واحنا المؤمرين الاول في القرآن بغض البصر اساسا اللي هو الوقايه خير من العلاج بس هل في الزمن ده شباب كدا هل كلنا كدا اكيد لا مع صعوبه الزمن والتأثر بالمجتمع والبعد عن ربنا ناس قلوبها بتبقى مريضه وتنظر للبنات واللي يقولك دا زي اخويا واللي بتصاحب وتقول زميل عادى دا في المشمش لان الرجاله بطبعها كدا وهرموتنا كدا ولو قالولك الشباب دول مجرد اصدقاء يبقى هما اصلا معندهمش هرمونات ذكوره يعني بلا خصيتين يعني الرجاله بتتأثر ولو البنت قالت بس قالت يلا هيروح للحرام بس هو مستني لانه مصاحب كتير بقا وقلبه بايظ زي الجعان وعدا على محل مشويات وشاف الاكل الاحساس جواه انه عايز يأكل بس هو مش هينفع يعمل كدا بس بامكانه انه يعمل لو الراجل مشي وهو سرق او الراجل عطاله اكل هيأكله بس الاحساس موجود وهو مستني الفرصه فحذر اختك كويس وقولها ان المجتمع مش سليم ومش هيجيلك راجل سليم عشان شعرك انتي المفروض اللي يطلبك عشان كونك متدينه واخلاقك سليمه اي انك انسانه مش مجرد مظهر وبس لان دول مش بيعيشوا هيفكروا في الاحسن والاجمل والزي الشرعي مش وحش دا جميل جداً بيخلي المرأه في قيمه اغلى وربنا وضعه ليك حفظ من عنده فما تخالفي اوامر ربنا لاوامر البشر وتقاليدهم اللي اخرها الدمار الحتمي لان العلاقه لا تقوم على جمالك بل الود والرحمه اتمنى اني كونت افدتك بس الموضوع فعلا كبير وعايز تدور كتير بردو وتفكرها بايه القرآن بتاعت الحجاب' "وَقُلْ لِلْـمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آَبَائِهِنَّ أَوْ آَبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَـمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَـمَ مَا يُخْفِينَ مِنْ زِينَتِهِنَّ وَتُوبُوا إِلَى اللهِ جَمِيعًا أَيُّهَا الْـمُؤْمِنُونَ لَعَلَّكُمْ تُفْلِحُونَ " من سورة النور- آية (31) وليضربن بخمورهن والام لام توكيد
تم النشر السبت، ٢٢ يونيو ٢٠٢٤
أنت ممكن تصاحبها اكتر يعني مثلا تقولها تعالي نحفظ قرآن سوا أو نقرأ أو نصلي أو مثلا تكون سمعت أنت درس تدبر في سورة فتقولها تعالي نتدبر وانت تشرح لها معاني الآيات وتضرب ليها الأمثال ببساطة وانت التزم الأول يعني تكون مثقف دينيا وقوي وبعدين شدها لطريق الهداية عشان محدش يأثر فيك أو يحبطك يعني جدد التوبة علي طول وأبدأ خد قرار في الصلاة والقرآن إنك تلتزم صلاتك في المسجد لأن الصلاة في المسجد فيها التزام عكس صلاة في البيت وغير كده لو صليت في البيت من غير عذر صلاتك صحيحة ولكن بتاخد اثم، المهم تلتزم في صلاة في المسجد وتشوف أكاديمية قرآن تلزمك إنك تحفظ قرآن وتحوطك مع الناس الكويسة لأنهم هيعينوك بعد ربنا طبعا وتذكر نفسك بأيام الله إنك تتعرف علي ربنا تسمع دروس بس لشيوخ موثوقة يعني عن أسماء الله لأن لما تتعرف علي ربنا انت هتحب تقرب منه أكتر وتسمع وتقرأ عن أهمية صلاة وعقوبة تركها إيه والأحاديث الي وردت فيها أهمية صلاة لما تعرف حاجات دي هتحب ربنا اكتر إن شاء الله
تم النشر السبت، ٢٢ يونيو ٢٠٢٤
يا عزيزي، فهمت من كلامك إنك بتحاول تبذل مجهود لحل مشاكل مهمة في حياتك. دعنا نحاول نتناول كل وحدة على حدة: الأب اللي بيتكلم وبيتحرك وهو نائم : حاله والدك بيبدو إنه عنده اضطراب في النوم زي المشي أثناء النوم أو التحدث أثناء النوم، وهو حالة طبية مش بسيطة. مهم جداً تستشيروا طبيب مختص في اضطرابات النوم عشان يحدد السبب ويقدم العلاج المناسب. في الوقت الحالي، حاولوا تأمنوا المكان اللي بينام فيه والدك حتى لا يتعرض للإصابات. الأخت والحجاب : الحمد لله إنك بتحاول توجه نصائح لأختك بشكل حنين ومهذب. كل واحد فينا عنده معاصي وكلنا بنحاول نكون أحسن، انت استمر في نصحها بحب وحنان، وركز على علاقتك الشخصية بربنا وحاول تكون قدوة حسنة. اروحلها بالكلمة الطيبة والحب، مش بالعنف أو الإجبار. وافتكر إن الهداية من عند الله مش من عند حد. القصر والقطع في العلاقات : إنك تقطع علاقتك مع شخص بسبب أذية نفسية ده حقك، ومش بالضرورة تكون ظلم ليه طالما إنك بتدافع عن نفسك. مع ذلك، الدعاء على شخص يمكن مش بيكون أفضل حل عشان سلامت نفسك النفسية، سامح نفسك وسامح الناس، وادعي بالهداية والنفع للكل، عشان السلام الداخلي يجي على حياتك. وفي النهاية، دايماً خلي علاقتك بربنا قوية، اتوكل عليه وإطلب منه الهداية ليك ولعيلتك، ربنا يبارك فيك وييسرلك أمورك ويديم عليك الصحة والهداية.
تم النشر السبت، ٢٢ يونيو ٢٠٢٤
وطبعا مهم إنك لما تحتاج شيخ يكون الشيخ موثوق لو عايز تتعلم منه أو تسمع له
تم النشر السبت، ٢٢ يونيو ٢٠٢٤
المهم إنك يكون عندك صدق إن ربنا يهديك وتسأل يعني عندك مشكلة في صلاة عايز تقرأ قرآن ومش عارف ،،مش عارف تثبت علي توبتك تسأل وتدور علي حلول وتحاول لأن في الآخر الهداية دي مش بأيد حد فينا الهداية دي من ربنا مهما كانت ذنوبك ومهما ظروفك وحتي لو عيلتك مش ملتزمة حتي لو انت في دولة مش إسلامية مهما المشكلة كبيرة لو ربنا أختارك إن يهديك محد هيقدر يضلك أو يبعدك عن ربنا من أسماء الله الحسني الأول والآخر هوه في الأول إلي هيهديك وهوه في الآخر الي هيدخلك الجنة فالمهم إنك تسعي إن ربنا يختارك ويهديك وبعدين لما تبقا قوي شد بقا ناس الي عايزهم يقربوا من ربنا أكتر
تم النشر السبت، ٢٢ يونيو ٢٠٢٤
وأسمع عن أسماء الله الحسني
تم النشر السبت، ٢٢ يونيو ٢٠٢٤
وانت عايز تلتزم في صلاة بس بيكسل أسمع عن أهمية صلاة وعقوبة تركها ... عايز تصاحب القرآن سواء حفظ أو قراءة أسمع عن أهمية القرآن والي بعيد عن قرآن حاله عامل ازاي.... لو في ذنب أسمع عن عقوبته وازاي اتوب وأهمية التوبة ايه
تم النشر السبت، ٢٢ يونيو ٢٠٢٤
لعرض السؤال في فدني اضغط هنا