اولا ربنا يرحم والدتك ويغفرلها ويصبرك الماضي فعلا بيأثر مع اي انسان وبيفرق في حياته بس مش دايما اثره بيكون سلبي اوقات بتمر بتجارب صعبه عشان تقويك بعدين او تغير مسااار حياتك تماما لحاجه افضل وانك متكنش انسان مؤذي زي الي اذوك وخلي عندك ثقه بالله ف انه هياخد حقك وحق والدتك منهم وان ربنا مبيظلمش حد وانه الحكم العدل وحقكم هيرجع هيرجع كل متحس بالمشاعر دي صلي واقرأ قران وادعي ربنا ياخد حقكم من الناس دي ويردلهم نفس الاذيه الي اتأذيتوها وثق وقت دعائك بستجابه ربنا ليك وافتكر انهم بيكونوا فرحانين وهم شايفينك تعبان او منزوي او خايف ف متفرحهمش ابدا ووريهم انك قد ايه قوي ومع كل ده متكسرتش وهتكون انسان ناجح جدااا وهيتمنوا بعد كده لو يرجع الزمن وميعملوش الي عملوه ده وانصحك كمان نصيحه انك تكتب مشاعرك السلبيه ف ورق واي افكر وحشه بعد متكتبها شوهها بقلم بحيث متبانش معالمها وقطع الورقه وهاكذا لحد متحس بجزء من الارتياح واشرب مشروبات مهدئه زي اليانسون نعناع او كركاديه او حليب عشان تساعدك ع النوم وقلل الكافين وركز ف الحاضر والمستقبل الي مستنيك والي هتوصل فيه لمجال ومكان حلو جدا هتكون والدتك فخوره بيك انك وصلتله
تم النشر الاثنين، ١٦ يناير ٢٠٢٣
وعليكم السلام ورحمة الله وبركاته انا اللى محتاجة اسألك انت ازاى بتسأل ع الصبر وانت بتعمله اصلا؟ ...انت رغم سنك الا انك واعى وفاهم الحمدلله احسن من ناس اكبر منك....انت معدى نص الطريق لانك مدرك المشكلة وسببها كويس. الحاجات اللى سايبه اثر ومش عارف تتعامل معاها محتاجه حد متخصص يساعدك تتخطاها عشان تقدر تكون احسن . ماما الله يرحمها طبعا كانت بالنسبالك شريكتك و الامان اللى بتحسه وسط الدوشة ....فغيابها زود الضغط عليك. الصبر للحاجات اللى ملهاش حل زى ما انت بتقول ....بنسيبها لربنا ونكمل حياتنا بتجنبها او بالتعامل معاها على قد قدراتنا . الماضى زى الحفره بنعدى فوقيها ونكمل ...متوقعش نفسك فى الحفرة بإيدك. خليه تحدى لكل الظروف انك رغم الاذى يطلع منك كل الحلو وتكون عكس النسخة المؤذية ...تكون نسخة معطاءة بالخير والحب والسعادة للى حواليك. ده اكبر تحدى لو كسبته هتكسب نفسك وتعدى كل اللى شوفته صعب.
تم النشر الاثنين، ١٦ يناير ٢٠٢٣
الرجوع إلى الله والقرب منه والالتزام بالصلاة في وقتها وقراءة القرآن والدعاء لله وياريت لو صلاة الفجر هتكون حياتك غير أي حياة وعن تجربة ودائما ربنا بيبتلينا لنصبر وكل ما يصاب الإنسان من مشكلة أو أي شئ فله اجر عند الله
تم النشر الاثنين، ١٦ يناير ٢٠٢٣
لعرض السؤال في فدني اضغط هنا