انا عندي مشكله اني اتكلمت في مره مع شخص بغرض الارتباط وكده بس كان أسلوبه وحش جدا وبالذات أن معظم كلامه فيه إيحاءات جنســيه فحسيت اني مش مرتاحه وبعدت عن الشخص ده وعملتله بلوك وكان تعارفنا على التليجرام وانا تبت الحمدلله وعرفت أني لما اتعرف على حد أو ارتبط من غير حاجة رسمي ده حرام والحوار ده بقاله فتره بس امبارح لاقيته بعتلي كلام زباله اوي وكلام بشع وألفاظ وحشه جدا وعملتله بلوك للمره التانيه ولاقيته برضو النهارده باعت مع اني متاكده اني عملاله بلوك وراجعت البلوك ليست برضو وكلمت دعم تليجرام انا حاليا مخطوبه لشخص محترم جدا وعلى خلق وخايفه من الشخص ده خصوصا علشان حوار الرسائل اللي بيبعتها وانا عاملاله بلوك عاوزة حد منكم يساعدني أو يقولي اعمل اي وانصرف ازاي
اختي الكريمة، ممكن تزبطي الاعدادت عندك على التليجرام تروحي على الخصوصية و تنزلي لحد الرسائل و تحطي انك ما تقبليش رسائل الا من جهات الاتصال عندك. الاسماء ممكن تكون مختلفة لانه عندي بالانجليزي بس المهم انه في الخيارات تقدري تمنعيه انه يبعتلك رسائل
تم النشر الجمعة، ١ نوفمبر ٢٠٢٤
شيلى يوزر التيليجرام خالص، ولو هو معاه رقمك يبقى اعملى اكونت جديد برقم مختلف لفترة مؤقتة انقلى عليه كل الجروبات واحذفى اكونتك الأساسى فترة كدة لغاية ما ينسى
تم النشر الجمعة، ١ نوفمبر ٢٠٢٤
انتي لازم تعمليلوا بلوك من كل أرقامه دي في الأول بعد كده اعملي حذف الحساب من التطبيق وبعد كده أمسحي التطبيق وغيري رقمك وكل حساباتك في المواقع وصلي قيام الليل وان شاء الله تعدي على خير واكيد متحكيش لحد وخاصه خطيبك اوعي تعملي اكده
تم النشر الجمعة، ١ نوفمبر ٢٠٢٤
بلغى عنه فى مجموعة اسمها قاوم على الفيسبوك و دول مرتبطين بالمباحث و الدولة و متخصصين فى الابتزاز الالكتروني و حوادث التحرش الالكتروني و اى حاجة من اللى زى بتتعرضى ليها . بلغيهم بالرقم اللى بتتلقى منه الاساءات دى و ابعتلهم سكرين شوت من المحادثات دى و هم حيتواصلوا معاكى و الموضوع حيتم فى سرية تامة . اطمنى لا داعى للقلق
تم النشر الجمعة، ١ نوفمبر ٢٠٢٤
والله بص اول حاجة وأهم حاجة هل هو يعرف شكلك او بمعنى أصح معاها اي صور لك شخصية ولا لا ف المشكلة بسيطة جدا كل انتي عايزه تعمليها انك تبعدي عن كل حاجه علي النت أو أي حساب ليكي علي نت هو معاها يعني لو التليجرام مثلا احذفه التطبيق خلاص واعملي حساب جديد ولو كلف الأمر انك تغير رقمك ف أحسن وممكن تغير الشبكة اللي عندي عليها و إن شاء الله يبعد عنك وأهم حاجة انك تسالي الله العون والتوبة ومكنش في اي تواصل مع الشاب ده او غيره تاني علشان هلاقي ناس زي ده في كل حتة ونصحية لو تعرفي تقليلي وسائل التواصل اللي بستخدم وتخليه الحاجات الأساسي بس زي الوتس مثلا وغيره من اي تطبيق محتاجه في الشغل او في التواصل مع أهلك وبس. وربنا يعينك ومعلش طلب ادعيلي معاكي أن ربنا يكرمني ويوفقني
تم النشر الخميس، ٣١ أكتوبر ٢٠٢٤
أفهم مشاعرك جيدًا، ويبدو أن الموقف الذي تعرضت له كان مزعجًا للغاية. من المهم أن تعملي على حماية نفسك وخصوصيتك في مثل هذه الحالات. المفتاح هنا هو اتخاذ خطوات فعّالة. إليك بعض النصائح التي قد تساعدك: التجاهل : طالما أنك قد قمت بحظره، من الأفضل تجاهل الرسائل. هم بحاجة إلى تفاعل منك لكي يستمروا في مضايقتك. الإبلاغ : إذا استمر هذا الشخص في إرسال الرسائل رغم حظره، عليك بالإبلاغ عنه إلى إدارة تيليجرام. هذا سيساعد في اتخاذ الإجراءات اللازمة لحماية المستخدمين. عدم الرد : لا تردي على الرسائل أو تحاولي التواصل معه بأي شكل من الأشكال. أي تواصل يمكن أن يعطيه مبررًا للاستمرار. الحديث مع خطيبك : إذا كنت تشعرين بالقلق من أنّ هذه الرسائل قد تؤثر على خطبتك، من الأفضل أن تشاركي ذلك مع خطيبك. الصدق والشفافية في العلاقات أمران مهمان. اجتناب الأمور غير الرسمية : جيد أنك أدركت أن التعارف غير الرسمي قبل الزواج قد يكون مشكلاً. ركزي على ارتباطك الحالي واعملي على بناء علاقة صحية مع خطيبك. البحث عن الدعم : إذا كنت تشعرين بالقلق أو الضغط النفسي، يمكنك التحدث مع صديقات موثوقات أو مستشار لمساعدتك على تجاوز مشاعرك. تذكري أن سلامتك النفسية والجسدية تأتي أولاً. كوني قوية ولا تتراجعي أمام أي مضايقات.
تم النشر الخميس، ٣١ أكتوبر ٢٠٢٤
غيري رقمك كله و اعملي اكونت جديد
تم النشر الخميس، ٣١ أكتوبر ٢٠٢٤
يافندم خلي حد كبير يكلمه بالزوق ويقوله ميبعتش رسائل وميتصلش تاني على رقمك ولو مسمعش الكلام بلغي في مباحث الإنترنت والتليفونات وهما يتصرفوا معاه
تم النشر الثلاثاء، ٥ نوفمبر ٢٠٢٤
حضرتك استمري على البلوك وتجاهلي رسايلة تمامآ ولا تخافي من تطفله وركزي في حياتك وهو لما يلاقي الطريق مسدود هيتراجع او ممكن تعملي بلاغ في مباحث الانترنت او تغيري رقمك وربنا يوفقك لكل خير ويبعد عنك اهل الشر
تم النشر السبت، ٢ نوفمبر ٢٠٢٤
الاول هدديه إنك هتحبسيه وهتوديه في ستين داهيه وتبلغي مباحث الانترنت وجمدي قلبك كده و متخافيش و غيري رقمك حبيبتي واكونتات جديده واعمليله بلوك من عليها عشان ميعرفش يوصلك
تم النشر الجمعة، ١ نوفمبر ٢٠٢٤
كلمي قاوم
تم النشر الجمعة، ١ نوفمبر ٢٠٢٤
بلغي مباحث النت و متخافيش هويتك مش بتتعرف الاشكال دي لازم تتربى من اول و جديد وللزم ياخد قلم علشان يفوق
تم النشر الجمعة، ١ نوفمبر ٢٠٢٤
لعرض السؤال في فدني اضغط هنا