بابا اتغير معانا ١٨٠ درجة كنت انا اكتر واحدة قريبة منه ومكنش يرضى يزعلنى عمره ما زعق فيا كان اقرب حد ليا ومتفقين جدا فجأه حصل التحول ده من ساعت ما لقى وحدة يتجوزها بعد وفاة ماما الله يرحمها بقى يبصلى علطول بقرف ويزعق مع اخواتى ويدخل البلكونة يقعد بالساعات يكلم بقاله سنة بياكل من الاكل اللي بعمله دلوقتى لا ناكل انا وخواتى ونقول نستنى ناكل معاه بعد ما نستنى يقول لا مش واكل غير كلامه الجارح لما يقعد يقول خطيبتى مبقتش فاهمة المفروض اتعايش مع الموضوع ده ازاى ده غير انه بيسافر يزور الست دى ويسبنا نبات لوحدنا حاجات كتير اوى خلتنى مش عاوزة اكلم معاه او مش عارفة بقى فى حاجز بينه وبينى وهو اللي حطه بطريقة معاملته غير أن اخواتى مبقوش يحبوا وجوده بسبب الزعيق وده مش عارفة اتصرف ازاى
الفترة الحالية فترة صعبة جدا علي اي اب خصوصا في الظروف المادية اللي البلد كلها فيها و سط ارتفاع أسعار و جشع تجار و شركات بتبيع الوهم للناس و المنتجات الردئية و الأسعار المضاعفة بأختصار اي بيت في مصر بيعاني ، والدك رجل و عمل الحاجه اللي ربنا شرعها و ارتبط أو اتجوز دا شيء يحسب ليه و عليه ايوه حقه يتجوز بس تقينا كان هيبقي افضل لو اتجوز واحدة تبقي زوجة و ام ليكم في نفس الوقت مش معني كلامي انها هتحل مكان انكم رحمها الله أو أنها زيها لكن اقصد انها تكون معاه سند ليكم و يجوز هو فاصل البيت التاني حسب رغبتها و يجوز خوفا منه عليكم ، المقصد انه معملش حاجه تغضب ربنا .. حاولي تتقبلي الأمر ، و لو لاحظتي منه معاملة سيئة فربما يكون بسبب ضغوط الحياة و ظروفه الجديدة أنتي بنته مش مطلوب منك تكون ام أخواتك في سنك دي انتم كلكم مسئولين منه ، فعادي جدا لما تناقشي بهدوء و خديه بالحنية و قولي له أي حاجه عايزة تقوليها .. دا حقك و هو لازم يفهم ده و يتقبله او يشوف له حل ، وارد جدا انه مستقبلا يجيب السيدة اللي اتجوزها تعيش معاكم برضه هو الاب و راجل البيت و ده حقه بس خلي بالك علي اخواتك و خليكي حذرة معاها لحد اما تتأكدي انها شخصية كويسة ، و برضه اتعامل معاها منتهي الذوق ربما تطلع انسانة و تتقي الله فيكم هيه و هو . و ربنا يوفقكم و يصلح لكم الحال .
تم النشر الأربعاء، ٢٥ سبتمبر ٢٠٢٤
ربنا يرحم مامتك ويصبركم على فراقها واحتسبي الأجر عند الله وبعد الصبر عوض والله صدقيني، عوض في الدنيا وفي الآخرة. ماتلوميش باباكي انه هيتجوز لإن دي سنة الحياة وانا متأكدة انه مش هينسى مامتك ابدا ومتأكدة برده انه هيتجوز غصب عنه لإن دي سنة الحياة، وجايز يكون زهقان من الشغل لإنه مستحيل يزهق منكوا. اهم حاجة انتي ادعي ان مراته التانية دي تكون كويسة وتراعي ربنا فيكوا، وانتي اهتمي بإخواتك يا روحي واهتمي بنفسك وبعلاقتك بربنا سبحانه وتعالى ربنا يقويكي، ولو احتاجتي حاجة بجد اكتبيلي هنا وهتلاقيني جانبك.
تم النشر الأربعاء، ٢٥ سبتمبر ٢٠٢٤
عزيزتي، أقدر مشاعرك وأتفهم تمامًا ما تشعرين به من التغيرات في تعامل والدك معكم. من الواضح أن فقدان والدتك أثر بشكل كبير على الجميع، وخاصة على والدك، الذي يبدو أنه يمر بمرحلة صعبة في حياته. إليك بعض النقاط التي قد تساعدك في التعامل مع هذه الوضعية: التفاهم والتعاطف : حاولي أن تتفهمي أن والدك قد يكون يعاني من فقدان والدتك، وقد تكون تصرفاته انعكاسًا لاحتياجه للتكيف مع هذه الخسارة. يعتبر الزواج من امرأة أخرى نقطة تحول كبيرة، وقد يشعر بالضغط أو الحيرة. التواصل : قد تكون المحادثة المفتوحة هي الحل. حاولي التحدث معه بلطف وصدق عن مشاعرك ومشاعر إخوتك. اذكري له كيف أثر تغيير سلوكه عليكم وشاركيه مخاوفك وتطلعاتك. تقديم الدعم : أحيانًا، يحتاج المعالجون إلى دعم من عائلاتهم. قد يكون من المفيد له أن يشعر بأنكم موجودون بجانبه حتى لو كان لديه مشاعر متضاربة. توقعي بعض المقاومة : قد لا يكون والدك مستعدًا للاستماع أو قد يتفاعلك بطريقة سلبية في البداية. كوني صبورة واستعدي لتحمل بعض ردود الفعل. احترام حدودك : إذا كانت العلاقة معه تسلب منك السلام الداخلي، فمن المهم أن تضعي حدودًا تحميك. لست مضطرة لتحمل المعاملة الجارحة أو الكلمات القاسية. التوجه للمساعدة المتخصصة : إذا استمر الوضع في التأزم وتدهور العلاقة، فقد يكون من المفيد البحث عن مساعدة مختص في معالجة العلاقات الأسرية. تذكري أن التغيير قد يستغرق وقتًا، وأن التعامل مع المشاعر السلبية يعد جزءًا من عملية الشفاء. أدعو الله أن يهدّى كل القلوب ويجمع شمل العائلة في المحبة والتفاهم.
تم النشر الأربعاء، ٢٥ سبتمبر ٢٠٢٤
طيب حاولي تتكلمي معاه واساليه ايه اللي مضايقة منكم او بقى شايف ايه مش عاجبه وكلميه وفهميه انكم زعلانين ومتأثرين بوفاة والدتك وانكم مش بتمنعوه من حاجة حاولي تستدرجي معاه في الكلام يمكن يتجاوب ويرد وتفهمي منه انا عارف ان سنكم صغير لكن لازم تبقوا عارفين في النهاية ده والدكم وله حق عليكم مهما حصل
تم النشر الخميس، ٢٦ سبتمبر ٢٠٢٤
حبيبتي ربنا معاكي يارب
تم النشر الخميس، ٢٦ سبتمبر ٢٠٢٤
حبيبتي زي مشالكم ورباكم تحمليه الفتره دي وحاولي تتقبلي غضبه او عصبيته واسمعيه وقولولي حاضر حتي لو زعق وغضب وجرح بكلامه وادعي ربنا كتير انه ينور بصيرته
تم النشر الأربعاء، ٢٥ سبتمبر ٢٠٢٤
17 واخواتى واحد ١٠ وواحد ١٤
تم النشر الأربعاء، ٢٥ سبتمبر ٢٠٢٤
اعماركم كلكم
تم النشر الأربعاء، ٢٥ سبتمبر ٢٠٢٤
بينى وبين والدى
تم النشر الأربعاء، ٢٥ سبتمبر ٢٠٢٤
للاسف هو موقف صعب التعامل فيه طب اعماركم قد ايه عشان نقدر نفهم البعد الزمني للاشخاص ؟
تم النشر الأربعاء، ٢٥ سبتمبر ٢٠٢٤
لعرض السؤال في فدني اضغط هنا