السلام عليكم ورحمة الله
انا عندي 17 سنه حاليا وفي تانيه ثانوي حاليا وانا عندي حلم اني اخش كليه حاسبات ومعلومات بس انا مش شاطر في ماده الرياضيات وكله بيقول هي صعبه من علمي علوم فأنا بجد مش عارف اعمل اي حد يفدني وشكرا😍
السلام عليكم، حلمك حاسبات ومعلومات عشان تشتغل برمجة ولا هدف تاني أكاديمي مثلا؟ لو على البرمجة فأنت ممكن تتعلمها على الانترنت وتتفوق فيها، سواء اخترت علمي علوم أو علمي رياضة عامة. بس فيه نقطة حابة ألفت انتباهك لها، ساعات على فكرة بنبقى فاكرين إننا مش شاطرين في مادة معينة لكن الفكرة كلها إننا ممكن نكون اتعلمناها بأسلوب غير مناسب لنا أو المدرس مقدرش يوصلها لنا كويس وأثر على نظرتنا لها وممكن لو درسناها من غيره وبطريقة مختلفة نلاقيها سهلة وعادية. وممكن تكون أفكار وقناعات جوانا عشان مثلا في فترة حد قالنا لما غلطنا فيها إنك مش بتفهمها أو سمعنا من ناس كتير إنها صعبة. جرب كده تسمع شروحات مختلفة لمدرسي رياضيات وكمان شوف فيه قنوات بتشرحها بطريقة مبسطة بتسهلها على الدارس وبتخليها مادة ممتعة. حاول مع الرياضيات لأنك هتحتاجها بالتأكيد في دراسة البرمجة وإن كانت لا تحتاج لمستوى متقدم. بالتوفيق إن شاء الله.
تم النشر الثلاثاء، ٤ فبراير ٢٠٢٥
ادخل حاجة على قد امكانياتك عشان متندمش الطموح حلو بس بلمنطق ،انت لو مش شاطر في المادة و المادة دي اساسية في الكلية بلاش تدخلها عشان متكرهش الكلية بسبب المادة ْشوف انت بتحب مادة ايه او انت عايز تبقى ايه وشوف الكلية اللي هتساعدك في هدفك ده
تم النشر الاثنين، ٣ فبراير ٢٠٢٥
وعليكم السلام ورحمة الله وبركاته، أخي العزيز، أقدر مشاعرك وأفهم التحديات التي تواجهها في هذه المرحلة من حياتك. من الواضح أنك لديك اهتمام كبير بمجال الحاسبات والمعلومات، وهذا أمر مهم جدًا لأنه يمكن أن يكون دافعًا قويًا لتحقيق أهدافك. بالنسبة لمادة الرياضيات، من المهم أن تتذكر أن النجاح في أي مادة يأتي بالاجتهاد والممارسة. إليك بعض النصائح العملية: حدد نقاط الضعف: حاول فهم النقاط التي تجدها صعبة في مادة الرياضيات وركز على تحسينها. استعن بالمساعدة: يمكنك تسجيل في دروس خصوصية أو استخدام مصادر تعليمية عبر الإنترنت لزيادة فهمك. تدرب باستمرار: الحلول المتكررة لمشاكل الرياضيات يمكن أن تعزز مهاراتك. خصص وقتًا يوميًا لممارسة التمارين. استشارة معلمين: لا تتردد في طلب المساعدة من معلميك أو زملائك؛ العديد منهم قد يكونوا مستعدين لدعمك. كن إيجابيًا: حاول أن تنظر إلى المجال الدراسي الجديد بشكل إيجابي. تعلم المهارات اللازمة في الرياضيات يمكن أن يفتح لك الكثير من الأبواب في المستقبل. في النهاية، لا تدع القلق أو الخوف من الرياضيات يمنعك من متابع شغفك. بإصرارك وعملك الجاد، يمكنك النجاح في تحقيق حلمك. وفقك الله في مسيرتك، ولا تنسَ أن تستعين بالله دائمًا.
تم النشر الجمعة، ٣١ يناير ٢٠٢٥
عايز نصيحتي ادخل سواء علمي علوم أو رياضه مش هتفرق دا قرارك وحاول انك تدخلها حتى لو مدخلتهاش يكفيك شرف المحاوله اذا اجتهدت وصابرت وركزت على حلمك ان شاء الله تحققها واياك ان تستمع لأي شخص يقلل منك يا أخي، الله قادر على أن يجيبك في حلمك ما عليك هو أن تدعي الله كثيرا وتحافظ على الصلوات والعبادات اولا.. ثم يأتي بعدها انك تذاكر بجد تبحث عن المعلومه التي يمكن أن لا تفهمها في كل مكان إلى أن تفهمها ابتعد عن المشتتات والهاتف والأشخاص السلبيه اذا فعلت كل هذا اضمن لك ان تدخل هذه الكليه... الله يكتب لك النجاح يحققلك حلمك ان شاء الله وشئ اخر تذكر دائما لماذا نحن هنا في الحياه تذكر دائما انها الاختبار الأكبر.. 😊
تم النشر الجمعة، ٣١ يناير ٢٠٢٥
هتسمع كلام كتير دي صعبة دي مش عارف ايه دي كلها كذا وكذا ...الخ احنا دلوقتي عندينا هدف ندخل حاسبات ومعلومات 🧐 نركز علي الهدف ولما ندخل بقي نكتشف انها صعبة ولا بيضحكوا علينا علشان نكرة الكليه ركز علي هدفك حاليا وذاكر كويس وسيبك من حتة انا ضعيف رياضيات والكلام دا
تم النشر الجمعة، ٣١ يناير ٢٠٢٥
شكرا جزيلا لحضرتك
تم النشر الثلاثاء، ٤ فبراير ٢٠٢٥
مفيش حاجه صعبه، تجربتك غير تجربه غيرك هتندم أشد الندم لو فعلا سمعت كلام الناس ،توكل على الله خد بالأسباب وربنا هيعينك ويوفقك باذن الله، وبرضوا ف كليات التكنولوجيا وال cncدلوقتي هي المستقبل ، ربنا يصلح حالك يارب
تم النشر الجمعة، ٣١ يناير ٢٠٢٥
لعرض السؤال في فدني اضغط هنا