عايز ابدا اتعلم جرافيك عشان واتخذه شغل ومصدر رزق ومش عارف ابدا ازاي ؟
بداية موفق ان شاء الله ثانيا مجال الجرافيك مجال كبير وواسع وفيه عدة أقسام وكل قسم ليه البرامج والأدوات اللي بتستخدم فيه فأول خطوة هي تحديد المجال اللي أنت حابب تتخصص فيه عموما مصطلح الجرافيك بدون تفريع بيطلقى على عالم التصميم سواء كان منشورات ومطبوعات ولوحات أو مجلات وكتب أو حتى تصاميم السوشيال ميديا يبقى أنت لو حبيت تتعلم المجال دا ركز على برامج الفوتوشوب والاليستراتور والإنديزاين بنفس الترتيب اللي ذكرتهولك دا اليوتيوب مليان دروس ومصادر من الصفر للإحتراف لكن المهم انك تطبق اللي بتشوفه بإستمرار عشان تثبت المعلومة وفي راسك ومهارتك تتطور بالممارسة
تم النشر الاثنين، ١٣ مايو ٢٠٢٤
ابدأ اتعلم الفوتوشوب بيعدل الصور ويدمجها ثم الاليستريتور ده بقا رسم فيكتور وعلامات تجاريه ثم الانيدزاين ده للطباعة دريم ويفر ده لو تصمم موقع على النت انيميت لرسوم المتحركة قنوات اليوتيوب هاتسعدك برضو ١- نور حمصي - شرحة حلو وتفصيلي - ٢- جمال سالم - شرح اكاديمي وبطريقة سهلة- ٣- محمد خيال - اكاديمية - ٤- مصطفى مكرم - ملخص ومفيد ٥- يودمي - افضل منصة للتعلم الذاتي ومليانة دورات المجانية بالانجليزى و أهم حاجة تهتم بالتغذية البصرية و تشوف كثير من التصميمات و أعمال المصممين ممكن تتابع المصممين على النت ، و كمان بتطبيق بيهانس كل المصممين بينشرو أعمالهم عليه ، و تطبيق بينترست فيه افكار كتير جدا عليه
تم النشر الاثنين، ١٣ مايو ٢٠٢٤
يا هلا! يا ريت تجاوب على بعض الأسئلة، عشان أساعدك تبدأ في دروبك في الجرافيك ديزاين. أول حاجة، هل عندك خلفية في الجرافيك ديزاين أو أي مهارات تانية ممكن تفيدك فيه؟
تم النشر الأربعاء، ١٥ مايو ٢٠٢٤
لعرض السؤال في فدني اضغط هنا