ليه يكون الاب بيفرق فيا انا بنته الكبيره وبين اخواتي هما يدرسوا أرقى الجامعات الخاصه واحسن لبس غير تشجيعه لهم دانا قولتله عايزه كورس انجليزي بمبلغ بسيط قال اشتغلي وخدي من معاكي،
دانا حتي اكتر حد بيشيل همه و بحرم نفسي من حاجات أساسيه زي مصروف الجامعه او اللبس،،
تخيلو انا اربع سنين كليه مكنتش باخد مصروف وكان مفروض في مواصله قبل القطر كنت باخدها مشي الصبح عشان مدفعش ١٠ج مواصله المحطه ولا الكتب كنت بجيبها من مكافئه التقدير بتاع الكليه + فلوس عيديه مثلا بكون محوشاها والقطر اشتراك ٧٠ج في السنه يااااه بقا لما القطر يعطل بيا واكون هتأخر لليل لحد ما يجي غيره عشان مش معايا فلوس اصلا اخد مواصلات مكنش حتى بيرن يطمن عليا انا لحد دلوقتي بستغرب من نفسي ازاي كنت كدا،،
تعليمي محسش بيه لبسي بلبس اي حاجه والناس تتريق عليا واقول معلش ابويا مش معاه بكرا ربنا يعوضني
ويوم ما بتطلب حاجه بيقول وش جيبي من معاكي مش معايا واول لما اختي تطلب الفلوس بتظهر حالا..
دا غير الاهانه زي غوري اتجوزي الي قدك ولاده دخلو المدرسه وانتي هم ع قلبي وكلام مكنتش متخيله اسمعه من اكتر حد مستحيل اتخيل يطلع منه وانتي داخله ع ٣٠ سنه مع اني عندي ٢٣ سنه.
عايزه اعرف هو انا عملت اي ليه البنت الجدعه بتتهان ويداس ع كرامتها وتفضل طول عمرها شايله الهم لييييييه الدنيا ظالمه 😭😭😭😭😭😭
حاسه اني لوحدي في الدنيا دي ومعنديش سند رغم انه موجود ابويا وخواتي حاسه اني غريبه وسطهم قلبي وجعني قوي
السلام عليكم ورحمه الله وبركاته. في الغالب انت البنت الكبيره ممكن تكون مامتك مش موجوده او مامتك ملهاش دور قوي في البيت وانت اخذتي المكان بتاعت احساس المسؤوليه بتاع الزوجه اللي هي بتاخذ بالها من التفاصيل من كل الحاجات دي ويتحاول. ان هي تخفف على زوجها يعني ببساطه انت اهمشتي. دورك كابنه نسيتي انك ابنه نسيتي انك هو ابوك اللي مسؤول عنك وهو عليه ان هو يوفر لك احتياجاتك وهو مقتدر يعني ما فيش مشاكل مش انت مش محتاجه اصلا انك تعملي اللي بتعمليه ده اللي انت عملتيه ده عملتيه ومنتظره تقدير لكن للاسف التقدير ما كانش موجود ليه التقدير ما كانش موجود لانك لعبتي دور مش بتاعك. الدور ده ممكن تعمله الام فتوفر مصاريف اللي نفسها عشان خاطر المصاريف دي بتتصرف على الولاد. الموضوع ده حصل بشكل لاواعي منك وكذلك طلع منه رد الفعل من باباكي بشكل اللاواعي برضو لانه مش ده مكان الابنه الابنه ما بتعملش كده الابنه ما بتجيش على نفسها بالشكل ده طالما الاب مقتدر انت عليك احتياجاتك هو يوفرها لك وهو مختلفيش ما قالكيش انا مش قادر ما قالكيش انا مش معايا انت ليه عملت كده في الاساس كلامي ده مش معناه ان اللي انت عملتيه وانك تحاولي انك تخففي المصاريف على والدك ان هي حاجه غلط وحشه دي حاجه جميله جدا ده باب من ابواب البر لكن انت ما كنتيش مضطره ليه انت كنت ممكن تظهري تقديرك لوالدك بطرق تانيه كتير فللاسف ان انت اخدتيه هو بسبب انه التقدير اللي عملتيه ما كانش في محله. فاتعاملتي معامله مش بتاعتك مش بتاعه الابن واضح مديه لنفسك سن اكبر من سنك لذلك باباك كمان شايف كده شايف انك مكبره نفسك انت مش عايشه سنك ليه انت مش عايشه سن اللي عندها 23 سنه ااا مش بتلبسي حلو مش مهتميه بانك تلبسي حلوه طبعا كله عشان خاطر توفري لباقي كل ده مش صح مش محتاجه تعملي ده وانا ممكن كنت البس حلو وفي نفس ابقى مش مسرفه وانت ممكن اهتم بنفسي واعيش سني الحقيقي من غير ما اكون مبذره او اكون بضيع حقوق اخواتي او اكون باخذ اكثر من حقي همم يا رب اكون نبهتك لنقطه هي فعلا مهمه وفي الاغلب هي دي سبب اللي بيحصل كله عايزه تعالجي الموضوع ده ابدئي اعدلي كل اللي انت كنت بتعمليه غلط لو انت شايله الدنيا انت بس كل لوحدك عشان خاطر انت الكبيره وقفي الكلام ده خالص وكل الموجودين في البيت لازم يشيلوا مسؤوليات البيت لو انت بتيجي على نفسك في مواصلات او في مشاوير لا اعرفي انت محتاجه مصروف كام وتصوبيه من والدك مهما كان رد فعله اطلبي مصفوفك وما تنزليش الا وانت واخده مصروفك اللي هيوفر لك مشوار تكوني مكرمه فيه انك هرجع اقول لك ثاني طالما باباكي مقتدر انت مش محتاجه تعملي ده.
تم النشر الأربعاء، ٤ سبتمبر ٢٠٢٤
يمكن مبيحبش البنات مثلا حولي تدعيله ربنا يهدي وانتي حاولي تخليكي مع أشخص يدعموكي دائما لغاية ما توصلي اللي انتي عايزه وحولي تتكلمي معاه براحه في ساعه رضا وتشوفي هو بيعاملك كده لي يمكن حصل منك حاجه وانتي صغيره فمش قادر ينساها مثلا
تم النشر الأربعاء، ٤ سبتمبر ٢٠٢٤
حابب اقولك انك هتبقي شخص ناجح جدا وهتعرفي تحققي كل اللي انتي عايزاه ولله وده استشفيته من اللي بيحصل معاكي لان النجاحات مش سهله اقسم بالله عايزك تقرأي عن الناس اللي نجحت في حياتها كانت حياتها عامله ازاي و صدقيني هتفرحي جدا وهتتبشري خير وهتهوني كتير على نفسك صدقيني نصيحتي ليكي انك متهتميش لكل اللي بيحصل ده وحوليه لطاقه إيجابيه علشان تتقدمي وقولي بينك وبين نفسك بصوت مسموع أن كل ده علشان انجح كده كده انتي مع اول فرصه شغل واول مرتب ليكي مفهومك هيتغير ولله صدقيني ولما والدك يشوفك بتعملي كل حاجه لوحدك ومش محتاجه منه حاجه لا بالعكس انتي ممكن تقوليله مش محتاج مني حاجه لو مآثر معاكي هيحس وهتلاقيه اتغير 180° اتمنالك التوفيق والنجاح الدائم ❤️
تم النشر الأربعاء، ٤ سبتمبر ٢٠٢٤
أشعر بمعاناتك وأتفهم شعورك بالظلم والإحباط تجاه الفروقات في المعاملة بينك وبين إخوتك. من المؤلم أن تواجهي هذا النوع من التمييز، خاصة من الأب الذي يُفترض به أن يوفر لك الدعم والرعاية. من المهم أن تدركي أنك لست وحدك في مشاعرك، وأن كثيراً من الأشخاص يمكن أن يواجهوا صعوبات مشابهة في حياتهم. التمييز بين الأبناء يمكن أن يكون نتيجة لتصورات اجتماعية أو ضغوطات معينة، لكن هذا لا يبرر السلوكيات المؤذية التي تتعرضين لها. حاولي أن تتحدثي مع والدك بصراحة عن مشاعرك، وحاولي استكشاف أسباب ذلك التمييز. قد يكون من المفيد أيضاً البحث عن مصادر دعم أخرى مثل الأصدقاء، أو المعلمين، أو مستشارين يمكنهم مساعدتك في تخطي هذه الأوقات الصعبة. تذكري أن كرامتك وقيمتك الشخصية لا تتعلق بالمعاملة التي تتلقينها من الآخرين. ابحثي عن الأشياء التي تملكينها، وامنحي نفسك القدرة على النجاح في مجالك الخاص رغم التحديات. استثمري في تطوير مهاراتك، واعثري على الفرص التي تعزز من ثقتك بنفسك. في النهاية، تذكري أن الظلم الذي تشعرين به لن يدوم وأن لديك القدرة على تجاوز هذا الألم. إنه واقع صعب، لكن الإيجابية والإصرار على تحقيق أحلامك يمكن أن يساعداك على إعادة بناء ثقتك بنفسك.
تم النشر الأربعاء، ٤ سبتمبر ٢٠٢٤
العفو يا جميل مفيش بينا شكر اتمني اني اكون ريحتك ولو بقدر صغير
تم النشر الأربعاء، ٤ سبتمبر ٢٠٢٤
بجد بجد والله ماشاء الله عليكي ربنا يبارك فيكي يارب هي اينعم مش اهانه ليه هي مجرد انك هتخلي حد ينبهه بس انك مترضيش تعمليها وتخافي علي شكله ربنا يحفظك يارب
تم النشر الأربعاء، ٤ سبتمبر ٢٠٢٤
ان شاء الله شكرا بجد انك سمعتي لي♥️
تم النشر الأربعاء، ٤ سبتمبر ٢٠٢٤
ان شاء الله والله تأكدي ان ربنا هيعوضك بفرحه كبيره والله عوض ربنا جميل اوي وبكره يرزققك بزوج صالح وحياه مستقره ان شاء الله وتنسي كل ده ربما يارب يريح قلبك ويصلحلك الأمور يارب 💗
تم النشر الأربعاء، ٤ سبتمبر ٢٠٢٤
مينفعش اقلل منه قدام الناس دي تبقي اهانه كبيره أووي له دا غير اني مش برتاح لما اخد حاجه من غير نفس يعني لو عايز يديني او يهتم بأي حاجه تخصني تكون من جواه مش عشان حد طلبه منه لاء
تم النشر الأربعاء، ٤ سبتمبر ٢٠٢٤
بصي بالنسبه للشغل ده انتي لو مرتاحه تمام حاسه انك مظلومه وكل ده ضغط عليكي واتكلمتي معاه اكتر من مره ومفيش فايده يبقي مفيش حل غير انك تشهدي حد زي عمامك مثلا جدك للو لسع عايش او عمتك كده لازم حد يوقفه
تم النشر الأربعاء، ٤ سبتمبر ٢٠٢٤
ع العموم انا مش عايزه حل انا كنت عايزه بس حد يسمعني انا عارفه دا ابتلاء من ربنا ولازم أحتسب الأجر الحمدلله يمكن خير ادعيلي ربنا يعوضني في زوجي
تم النشر الأربعاء، ٤ سبتمبر ٢٠٢٤
بصي يا جميل هي حاجه جميله انك تعتمدي علي نفسك وكل حاجه ده في شباب حاليا مش جدعين زيك ولكن الغلط هنا في انك عودتيه علي كده ده مكنش ينفع من الاول كان المفروض تعرفيه انك بتعملي كده مساهمة منك مش اكتر وده ميمنعش انه يفضل متكفل بكل احتياجاتك زي اخواتك
تم النشر الأربعاء، ٤ سبتمبر ٢٠٢٤
ولما قعدت من الشغل يقعد يهين قيا زي انتي هم ع قلبي ما تغوري تتجوزي ولا تروحي في ستين داهيه تاخدك وتهزئ واحيانا يخلق اي مشكله عشان يضربني ولما ارجع العاشر يتعامل معايا بلطف
تم النشر الأربعاء، ٤ سبتمبر ٢٠٢٤
هو عارف بس انا فاهمها زي كدا ما تقولي اني عودته ع كدا عودته اني انا الي بشيل همه وانا الي بستحمل وانا الي اتعب واساعد نفسي بنفسي فلقي حق مكتسب لو عملت العكس بقا نهاري مش هيعدي يعني لما قعدت من شغل العاشر لاني تعبت مرمطه وبهدله يقولي والستات الي شغاله في العاشر انتي احسن منهم في اي وانا سبته لاني لقيت شغل جنب البيت بس بمزتب بسيط ولا لما كنت بنضف لناس الفراخ بتاعتهم مقابل اجر بسيط عشان الجامعه الي كنت بروحها وبطلت لما قربت اخلص جامعه عشان اشتغل في مجالي يقول وانتي احسن من الناس الي بتنضف في اي وقعد يشخط ويزعق وانا وقتها عيطت الي هو انا مجبوره أصلا اصرف ع نفسي وانت مش فقير بس مردتش
تم النشر الأربعاء، ٤ سبتمبر ٢٠٢٤
قربي من ربنا لو بعيد عنه ادعيه في كل صلاه ليكي انه يهدي الحال وان شاء الله ربما يستجيب لدعوتك
تم النشر الأربعاء، ٤ سبتمبر ٢٠٢٤
بس سيبي الحل ده اخر حاجه خالص بعد ما تكلميه مره واتنين وتلاته عشان تبقي عملتي الي عليكي جايز الوضع يتصلح من غير دخول حد بينكو ان شاء الله بس لازم تتكلمي وتتصرفي عشان الوضع لو فضل كده انتي هتتعبي بجد ومش غلط ولا عيب انك تفهميه انك مهدور حققك وبكل ادب ربنا يقدملك الي فيه الخير يارب يا جميل والله روقي كده وكل حاجه هتتصلح ان شاء الله
تم النشر الأربعاء، ٤ سبتمبر ٢٠٢٤
هو في حل تاني بس انا مش مرجحاه بصراحه ولكن الحل ده هيكون لو ملقتش منه استجابه وفضل علي وضعه ده وهتكون ساعتها مضطرين نعمله وهو انك لو عندك عمك او عمتك او كده قريبه منك ممكن تفهميها الوضع وتكلمه هي جايز لما تيجي من حد يرجع عن الي هو فيه ده
تم النشر الأربعاء، ٤ سبتمبر ٢٠٢٤
بصي انا بجد مش عارفه اقولك ايه وعارفه انك موجوعه وده احساس صعب انا مقدره بس انتي لازم تبقي قويه لازم تتكلمي معاه متخافيش وتعيطي لا كلميه بكل ادب واحكيلع الي مضايقك لان ده حققك عنده انه ما اب انه يتكفل بكل احتياجاتك وقوليله انك مسؤوله منه مش مجبره تشتغلي انتي بتعملي كده ما مساعده مش اكتر عشان تخففي عنه شويه وانتي برضو مش ملزمه بده لازم تتكلمي معاه لان هو يا اما مش حاسس او قاصد بس عاوز حد ينبهه الله اعلم
تم النشر الأربعاء، ٤ سبتمبر ٢٠٢٤
عارفه ساعات بقول لنفسي َش عايزه حاحه منه وربنا ما يحوجني لحد ابدا بس بكون صعبان عليا نفسي ليه ابقي طول عمري تعبانه ومش عارفه افرح زي البنات لما اخرج مع صحابي وواحده ابوها يرن عليها ويطمن عليها او تكون بتكلم ابوها وواخده عليه وتهزر معاه إنما انا يوم ما يفكر يرن عليا وانا برا عشان يقولي لو في البيت خلي اخوكي يكلمني ولو قولتله مش في البيت يقفل فورا الي هو مش عايز تعرف انا فين
تم النشر الأربعاء، ٤ سبتمبر ٢٠٢٤
اما لما اختي تقوله عايزه لبس الفلوس تظهر ويقوله هعملك فيزا ب ١٠٠٠٠ ج كل لما تخلصيهم تقوله يبعت غيرهم والسكن لوحده لي الترم بس ٢٠٠٠٠ج عارفه انا مش زعلانه ولا بحسد اختي بالعكس انا فرحانه لها جدا بس صعبان عليا نفسي ان التفرقه بيانه اوووي وانا لما قولت بس كورس انجليزي ٢٥٠٠ مش مبلغ بالنسبه للمبلاغ الي بيدفعها دي مش حاحه يقولي انتي مش بتشتغلي حوشي ودفعي من معاكي وانا اصلا مرتبي ٣٠٠٠ واصلا مصاريف ليا طول الشهر يعني لو عايزه اجيب حاحه لاني مخدش منه حاجه خالص غير ممكن ٥ج بس كل يومين
تم النشر الأربعاء، ٤ سبتمبر ٢٠٢٤
المشكله اني لما بتكلم مش مش بعرف اتكلم وبعيط كتير وبيفتكرني مكبره الموضوع ويقولي اختك صغيره إنما انتي خلاص تقدري تشتغلي وتجيبي فلوس ودلوقتي لازم تقدري اني متكفل بمصاريف كبيره عشان اختك ومش معايا فلوس
تم النشر الأربعاء، ٤ سبتمبر ٢٠٢٤
بصي يا جميل انا مقدره كلامك ده والله بس عاوزه اقولك انه مفيش اب بيكره ولاده ممكن انتي بقا تعملي ايه حاولي اتكلمي معاه بالراحه افتحيله قلبك احكيله الي مضايقك جايز هو في غفله او كده او مش حاسس انه بيعمل حاجه بتاذيكي نفسيا جايز لما تتكلمي معاه يتغير وياخد باله من التصرفات دي انا بصراحه م لاقيه سبب لتصرفه ولكن خلينا زي ما قولتلك نلتمس ليه العذر وحاولي اتكلمي معاه ممكن كمان تكلمي مامتك وخليها تتكلم معاه برضو وان شاء الأمور تتصلح بينكو يارب
تم النشر الأربعاء، ٤ سبتمبر ٢٠٢٤
لعرض السؤال في فدني اضغط هنا