السلام عليكم ورحمه الله وبركاته. في الغالب انت البنت الكبيره ممكن تكون مامتك مش موجوده او مامتك ملهاش دور قوي في البيت وانت اخذتي المكان بتاعت احساس المسؤوليه بتاع الزوجه اللي هي بتاخذ بالها من التفاصيل من كل الحاجات دي ويتحاول. ان هي تخفف على زوجها يعني ببساطه انت اهمشتي. دورك كابنه نسيتي انك ابنه نسيتي انك هو ابوك اللي مسؤول عنك وهو عليه ان هو يوفر لك احتياجاتك وهو مقتدر يعني ما فيش مشاكل مش انت مش محتاجه اصلا انك تعملي اللي بتعمليه ده اللي انت عملتيه ده عملتيه ومنتظره تقدير لكن للاسف التقدير ما كانش موجود ليه التقدير ما كانش موجود لانك لعبتي دور مش بتاعك. الدور ده ممكن تعمله الام فتوفر مصاريف اللي نفسها عشان خاطر المصاريف دي بتتصرف على الولاد. الموضوع ده حصل بشكل لاواعي منك وكذلك طلع منه رد الفعل من باباكي بشكل اللاواعي برضو لانه مش ده مكان الابنه الابنه ما بتعملش كده الابنه ما بتجيش على نفسها بالشكل ده طالما الاب مقتدر انت عليك احتياجاتك هو يوفرها لك وهو مختلفيش ما قالكيش انا مش قادر ما قالكيش انا مش معايا انت ليه عملت كده في الاساس كلامي ده مش معناه ان اللي انت عملتيه وانك تحاولي انك تخففي المصاريف على والدك ان هي حاجه غلط وحشه دي حاجه جميله جدا ده باب من ابواب البر لكن انت ما كنتيش مضطره ليه انت كنت ممكن تظهري تقديرك لوالدك بطرق تانيه كتير فللاسف ان انت اخدتيه هو بسبب انه التقدير اللي عملتيه ما كانش في محله. فاتعاملتي معامله مش بتاعتك مش بتاعه الابن واضح مديه لنفسك سن اكبر من سنك لذلك باباك كمان شايف كده شايف انك مكبره نفسك انت مش عايشه سنك ليه انت مش عايشه سن اللي عندها 23 سنه ااا مش بتلبسي حلو مش مهتميه بانك تلبسي حلوه طبعا كله عشان خاطر توفري لباقي كل ده مش صح مش محتاجه تعملي ده وانا ممكن كنت البس حلو وفي نفس ابقى مش مسرفه وانت ممكن اهتم بنفسي واعيش سني الحقيقي من غير ما اكون مبذره او اكون بضيع حقوق اخواتي او اكون باخذ اكثر من حقي همم يا رب اكون نبهتك لنقطه هي فعلا مهمه وفي الاغلب هي دي سبب اللي بيحصل كله عايزه تعالجي الموضوع ده ابدئي اعدلي كل اللي انت كنت بتعمليه غلط لو انت شايله الدنيا انت بس كل لوحدك عشان خاطر انت الكبيره وقفي الكلام ده خالص وكل الموجودين في البيت لازم يشيلوا مسؤوليات البيت لو انت بتيجي على نفسك في مواصلات او في مشاوير لا اعرفي انت محتاجه مصروف كام وتصوبيه من والدك مهما كان رد فعله اطلبي مصفوفك وما تنزليش الا وانت واخده مصروفك اللي هيوفر لك مشوار تكوني مكرمه فيه انك هرجع اقول لك ثاني طالما باباكي مقتدر انت مش محتاجه تعملي ده.
تم النشر الأربعاء، ٤ سبتمبر ٢٠٢٤
هي قولي اشتغلي واصرف ع نفسك مفيش فايده سمعت فيديوز كتير وكتب كمان اني اعيش دوري كبنت واطلب المساعده من اهلي في اي حاجه عايزاه جربت كتير وكنت كل لما اطلب بتقابل بالرفض وانا اصلا حساسه جدا من ناحيه ان اطلب من اهلي حاجه ويرفضوها مع اني كنت متوقعه العكس وخصوصا انا غيرهم المفروض اتميز شويه بس تواصلت في آخر الموضوع اني اتأقلم ع حياتي معاهم دي وادعي ربنا يعوضني بشخص حنون عليا وبس عادي انا مسامحهم بس كنت عايزه افضفض شويه شكرا لتعليق♥️
تم النشر الأربعاء، ٤ سبتمبر ٢٠٢٤
لا مفيش الكلام دا انا ماما الحمدلله موجوده بس كنت بشيل هم بابا شويه لاننا بنات كتير مش اكتر بس اكتشفت انه اتعود ع كدا وشافين انه حق مكتسب
تم النشر الأربعاء، ٤ سبتمبر ٢٠٢٤
لعرض الإجابة في فدني اضغط هنا