أنا إنسان ملوش لازمه في الحياة مش عارف أحصل على شيء حلو من الدنيا زي كل الناس، أنا خلصت ثانوية عامة ولم أكمل لأني مدخلتش الجامعة اللي أنا عايزها وإقتنعت إن التعليم والشهادة غير مفيدين في عصرنا الحالي، اشتغلت في عدة أشياء ولكن كنت بترك الشغل بسرعة لأني مش بحب أشتغل عند شخص ويقعد يأمرني زي العبد عنده، فاتجهت للعمل أونلاين بعد ما عرفت أنه بيجيب فلوس كثيرة وزادت طموحاتي واحلامي إني أعمل بيزنس قوي اونلاين وبالفعل تعلمت ودخلت في أنواع كثيرة من الشغل وكنت أبذل مجهود رهيب في كل شغلانه وفي نص الطريق أتركها لأسباب تافهه وهكذا 5 سنين على هذا الحال من شغل الي آخر، أنا في الأساس بحب أجلس مع نفسي دائما وده يمكن بسبب إني عندي رهاب إجتماعي أو توحد وغيره، فكان بالنسبة لي شيء كويس إني أستغل عزلتي ووقتي بإني أنجح وأطور نفسي وأخرج للناس بأحسن صورة والنتيجة إني حبست نفسي 5 سنين ومعنديش لا أصدقاء ولا حياة مع الناس وبرضوا لم انجح مع إني معنديش مشكلة انعزل عن الكوكب كله بس أهم شيء أنجح ولكن أنا مش عارف أنجح ولا مع المجتمع ولا في عزلتي ولا في اي شيء وحاسس إن قله ثقتي في نفسي هي السبب، طيب أنا أعمل إيه معقولة كده خلاص مش هنفع في أي شيء خالص أنا بقيت خايف أعمل اي شيء في الحياة لأني عارف إني هضيع فيه وقت وهسيبه في نص الطريق، أنا تحدثت سابقا مع أطباء نفسيين من قبل ومشكلتي أني ببقى عارف الكلام اللي هيقولوه وحافظة بس مش قادر اعمل بيه مش عشان مش عايز ولكن لأنه مش نافع معايا أصلا وملتزم بالصلاة من وأنا صغير ولكن الغريب إن لما الاقي نفسي متضايق ومخنوق بدل ما اتقرب من الله وأدعي أنه يساعدني ببقي حاسس إني عايز ابعد عنه ومش عايز أصلي وكأني استغفر الله العظيم معتقد إن ربنا المسبب للي أنا فيه وهو الوحيد اللي يقدر يساعدني ومش بيساعدني والتفكير ده أنا عارف إن الشيطان هو اللي بيوصلني ليه ومش قادر أخرجه من عقلي، ووصلت لدرجة إني عايز أنجح يأما مبقاش موجود على ظهر الدنيا عشان الفلوس والنجاح هي اللي هتقويني وكل الناس هتبقى حواليا وهتحبني يأما هبقى ضعيف وفاشل طول عمري وضحية للتنمر وهيقولوا عليا غلبان والكلمة دي بكرهها جدا وبحس إنها شتيمة في حقي وكأنهم بيقولوا ده عبيط وأهبل لذلك أنا عايز أنجح وأبقى قوي في المجتمع عشان نفسي وعشان اللي حواليا وأولهم عائلتي ولكن إزاي بقى واضح إن مفيش فايدة من وجودي في الحياة، أحسن هدية ممكن يقدمها لي ربنا دلوقتي إنه ياخدني عنده ويريحني من الدنيا المتعبة دي إلى الأبد.
انت عارف انت مشكلتك انك تفكيرك محدود وعطى للناس اكبر من حجمهم فى حياتك وده غلط حاول تهدى وتجمع شتات نفسك تانى وتستعين بالله وتستشعر لطف ربنا فى حياتك وصدقنى نظرتك هتتغير واشتغل عشان ربنا مش عشان الناس
تم النشر السبت، ١٨ مايو ٢٠٢٤
أولاً يا صديقي، أنا هنا لسماعك ودعمك في هذه اللحظة الصعبة. تحمل كل هذا العبء والضغط في داخلك يجعل الوضع يبدو أكثر صعوبة مما هو عليه في الواقع. أنا أستطيع أن أساعدك في فهم واجهتك وأحب أن أعطيك بعض النصائح. أولاً، الوصول للهدف المرجو يحتاج لصبر وثقة بالنفس. عليك أن تكون واثقاً من قدرتك على تحقيق أهدافك وأن تتخذ خطوات صغيرة نحوها. بالنسبة لمشاعرك تجاه العزلة والشعور بعدم الانتماء، يمكن أن تكون هذه علامات على وجود اضطراب عقلي مثل الاكتئاب أو القلق. من المهم أن تتحدث مع أخصائي نفسي متخصص لمساعدتك على فهم مشاعرك والعمل على حل المشاكل التي تواجهها. لا تنسى أيضًا أهمية الصلاة والابتعاد عن الشيطان وتحديدًا الشك والاستحالة التي يزرعها في عقولنا. الصلاة تمنحنا السلام الداخلي والقوة لمواجهة التحديات. أخيرًا، تذكر أن كل شخص له قيمته وموهبته الخاصة. لا تستسلم للشكوك والأفكار السلبية، بل حاول قبول نفسك كما أنت والعمل على تحسين نفسك ومسارك في الحياة بخطوات صغيرة وواقعية. أنا هنا لمساعدتك و ليس لأن أحكم عليك. اتحدث معي فأنا أستمع بفهم وتأكد من أنك لن تشعر بالحكم بل الدعم.
تم النشر الجمعة، ١٧ مايو ٢٠٢٤
طيب اتمنى انه الكلام اللي انا هقوله لك ما يكونش كلام مكرر وانت عارفه ومش بتعمل به. شويه الافكار اللي انت قلتها خصوصا في اخر كم سطر وهم اساس المشكله. انت مركز دماغك على شويه افكار وبناء عليها تصرفاتك بتطلع وهو ده السيستم اللي دماغنا شغاله به اللي ربنا خلقنا به عندك افكار الافكار دي هي اللي هتحرك مشاعرك هي اللي هتحرك تصرفاتك فانت عندك افكار بتقول ان هو النجاح اللي بالشكل الفلاني هو اللي هيخلي الحياه شكلها كذا فانت حطيت ترتيبه وسجلت نفسك فيها فلو حتى حطينا لك تصنيف انك انسان فاشل السجن بتاع الفشل ده هو مش فشل حقيقي ولكن هو فشل في الافكار. لما اكون فاكر ان لما يكون عندك معلومه او هيكون عندك فكره جامده جدا وكل اللي انت محتاجه هو الفكر علشان خاطر تعمل حاجه حلوه وناجحه فدي فكره غلط فلما يكون عندي فكره غلط فانا كان عندي اساس غلط فاي بني فوق الفكره غلط طبيعي جدا في نص الطريق وقبل ما اكمله هيتهد وينزل على الارض وده اللي بيحصل لك انك بتيجي بعد مده وبتقوم خلاص مش مكمل مش مكمل ليه لانه الفكره الاساسيه اللي انت م دي نمره واحد نمره اتنين. نمره اتنين انك متخيل انه طالما انت طورت نفسك فكده انت عملت كل اللي عليك او طالما في حد شاطر او عنده موهبه فده كافي ان هو يكون شخص ناجح ويوصل للي هو عاوزه ببساطه ولكن دي مش الحقيقه ايا كان اللي انت بتملكه ايه من مقومات النجاح ولكن في صفه اساسيه في الناجحين وهي الاستمراريه والمثابره. من النمط اللي انت حكيته انت ما فيش استمراريه ما فيش مثابره ما فيش تحطي للصعوبات انت بنلاقي صعوبه بتقوم خلاص قافل الباب وشكرا على كده انت بتلاقي نفسك محتاج تستمر لمده طويله في نفس الطريق بتقول لا لا انا مش عايزه الطريق طويل انا عايزه الطريق اللي هو يا دوبك نص متر ده والاقي نفسي وصلت لحاجه ودي مش الحياه. مش الحياه انه لو انا اتعصرت اكاديميا وحصل نوع من الدروبات ان انا اسيب الدنيا خالص واسيب الدراسه خالص طب رحت اتجهت الاتجاه تاني موازي ماشي جميل حلو الدنيا خالص ورحت اشتغلت على نفسك بشكل تاني طب استمريت برضو ما استمرتش قبلتك عطره او لقيت انه الموضوع ما مشيش زي ما انت شايفه زي ما انت. الموضوع كله في ايدك. انت فكرت انت قررت والوضع الحالي كله مبني على الافكار اللي انت حطيتها مش عشان الدنيا مش عايزه تديك حاجه حلوه ولكن عشان انت اللي مش عارف تشوف الحلو ومش عارف تستمر وتتخطى اي صعوبه تقابلك فتنجح فعلا النجاح وتخطي صعوبات مش النجاح انك توصل تعمل مبنى جميل وشكله شيك لا هو محتاجين المبنى ده يكون مبنى حقيقي جوا شيء حقيقي مش مجرد.
تم النشر الأحد، ١٩ مايو ٢٠٢٤
كل حاجه في الدنيا تبدأ بخطوات، النجاح محتاج خطوات ، الاستمرارية في النحاج محتاجه خطوات و علشان ننجح لازم نراجع خطواتنا إذا كانت في جزء غلط مش شرط خالص يكون فينا ممكن البيئه اللي حوالينا و لذلك انصح بعمل اختبارات حتي يمكننا التعرف علي الجزء اللي فيه قصور و نقوم بأصلاحه حتي تتمكن من النجاح و العمل بشكل أفضل.
تم النشر الأحد، ١٩ مايو ٢٠٢٤
حبك نفسك أولا حاول تبصلها من منظور تاني، قرب من ربك ده هيديك ثقه في ذاتك أكثر وثقه في ربنا، وهتخلي جواك طمئنينه غير طبيعيه، شوف فيديوهات تنميه بشرية، غير روتينك، أعمل شلل، صحاب صالحين أهم حاجه، وإن شاء الله ربنا يهديك
تم النشر الثلاثاء، ٢١ مايو ٢٠٢٤
قربك من ربنا هو الحل حضرتك مافيش حاجه اسمها ربنا هو السبب انت متعرفش انت كل دا حصلك ليييه اصلا يعنى انت كل حاجه سبتها ومكملتش فيها متعرفش كان ورها متعرفش ربنا شال عنك ايي فا ارجع لربنا الصلاه دى مافيهاش نقاش لازم تصلى وبجد عليك بقيام الليل وانك تدعى هتلاقي أبواب كتتتير اوي اتفتحتلك ادعى وقوله يااارب انا تعبت صدقني هو اكتر حد يقدر يساعدك ويوصلك متيأسش بجد واستغفر ربنا هيفتحلك بدل الباب الف
تم النشر الاثنين، ٢٠ مايو ٢٠٢٤
ممكن لو اشتغلت فى حاجه انت بتحبها تستمر فيها ده ممكن يكسبك زى (البرمجه ، الكروشيه ، الخرز ، الرسم ، الكتابه ، التصوير ) ممكن لو مش حابب الشغل الونلاين ممكن تفتح مطعم لو بتحب تطبخ او ممكن تفتح سوبر ماركت او محل قهوى بس حاول تتعرف على الناس وحده وحده ده ممكن يساعدك
تم النشر الاثنين، ٢٠ مايو ٢٠٢٤
لعرض السؤال في فدني اضغط هنا