كنت في Relationship من 3سنين ومن وقتها وانا في تغير للاسوء مفيش مشاعر تجاه الشخص دا تاني بس معنتش نفس الشخص عصبيه زياده ردود فعلي سريعه بدون تفكير مش ناجحه حياتي بهتانه وبدون معني دايما حاسه بالتوهان وان في جزء فاضي جوايا خسرت وزن كتير اووي وملامحي بقت بهتانه مشاكل قلت صراحه شويه مع اهلي ممكن حد يساعدني اعرف انا عاوزه اي واعمل ايه
طيب نبدأ بجزء جزء ... كويس ان مفيش مشاعر اتجاه الشخص اللي كنتي معاه في علاقة .. ولكن عايزة اسالك كام سؤال .. وانتي مع الشخص ده، كان ايه فكرتك عن نفسك؟ هل كنتي عارفه قيمتك وانتي مع الشخص ده؟ يعني هل انتي كنتي واخده قيمتك من الشخص ده ولما سبتوا بعض .. اصبحتى بلا قيمة ( على حسب قولك) وهل كنتي شخصية ناجحة في حياتك عموما .. وانتي معاه؟ ولما سبتوا بعض برضه الوضع اتغير؟ انا بسأل الاسئلة ديه كلها علشان اعرف انتي كنتي واخده قيمة نفسك منين؟ من الشخص ولا اساسا هي كانت موجودة فعلا؟ وثر العلاقة ديه عليكي كا بالسلب للدرجة اللي انتي وصلتي لها؟
تم النشر الثلاثاء، ٢٥ يوليو ٢٠٢٣
انتى مش راضية عن نفسك انك فى العلاقة دى اصلا وبتعافرى مع نفسك بسببها. اعتقد ده هو السبب
تم النشر الاثنين، ٢٤ يوليو ٢٠٢٣
اولا انتي قولتي انه من اول ال relationship و حياتك مش تمام اولا انتي المفروض تتخطى ال relationship ديه و حاولي تنتظمي في الصلاة و كمان اتأكد انه كل الناس حلوين و انتي جميلة و ثقي بنفسك اكتر و نظمي وقتك و خلي جدول يومك مليان حجات و حاولي تعملي رياضة و تنظمي اكلك و حاولي بردو تقرأي قرآن كل يوم حتى لو صفحة وحدة و ان شاءالله كل حاجة تصير تمام 🫶🏻
تم النشر الاثنين، ٢٤ يوليو ٢٠٢٣
اللى فهمتو انك حببتى الشخص دا واتعلقتى بيه وخلتى ان هو حياتك اصلا واتأقلمتى على وجودو فا أفتقدتى حتى لو انتى مش حباه دلوقتى بس هو كان مالى حياتك فا طبيعى انو لما يمشي يسيب فراغ كبير وانتى السبب فيه والعصبيه الزياده دي نتيجه عن ضغط نفسي بصي انا انصحك انك تدوري على حاجه بتحبيها وتعمليها وتشغلي وقتك وتشتغلى اكتر فا تملى حياتك بلتالى مش هتحسي بلفراغ اللى قولتى عليه واهتمي بنفسك وأسعى اانك تشوفى نفسك احلى يعنى لما ترجعى الوزن اللى خسرتى دا هتحسي انك فرحتى لما شكلك يرجع زي الاول واحسن هتحسي بلبهجه والثقه فا دا هيلغى أن حياتك بهتانه وقربي من ربنا وركزي فى مستقبلك انتى كدا حياتك فل واتعدلت❤️
تم النشر الثلاثاء، ٢٥ يوليو ٢٠٢٣
لعرض السؤال في فدني اضغط هنا