كنت معجبة بواحد وهو كمان كان معجب بيا فا ارتبطنا لكن انا مرتحتش وعطيت نفسي اكتر من فرصة لكن مرتحتش وجيت انهي معاه كل حاجة قالي انه م مسامحني ومش عاوز يشوفني ولا يعرفني وشتمني وقالي ان اخته انضف مني عالاقل مبتكلمش ولاد وشتمني بشتايم وحشة رغم اني كنت بحاول اراضيه دلوقتي عملتله بلوك ومسحت رقمه لكن انا مدايقة مت من اللي قالوا عليا هو انا فعلا رخيصة زي ما بيقول..
دا لأنها علاقه حرام و هو كان بيتسلى مش أكتر ولما التسلية خلصت قرر يعترف بالطريقه اللي بيفكر فيها نحيتك.. ودا يعلمنا منقلش من نفسنا تاني ومندخلش علاقات عابره ملهاش نهاية واضحة وصريحة و اللي عايزنا يتقدم لأهلنا بطريقة مباشرة.. أما نقطه إنه مش مسامحك و مش عايز يشوفك ولا يعرفك .. دا كلام ملوش لازم ومتحطيهوش في دماغك.. وإتهامه ليكي بالرخص والكلام السئ اللي قاله دا ذنوب صدرت منه لقوله صلى الله عليه وسلم: سباب المسلم فسوق، وقتاله كفر. متفق عليه. عليكي بالتوبة ومتكلميش ولاد تاني و إعرفي قيمه نفسك إنتِ أغلى من كدة بكتير
تم النشر الاثنين، ٢٩ أبريل ٢٠٢٤
لا يا بنتي مش رخيصه هو اللي من قهرته انك سبتيه قال كدا، وبعدين كلنا بنغلط اهم حاجه ان الغلط ميتكررش. مش معنى انك بتكلمي ولاد انك وحشه او رخيصه بس بردوا لو اللي يكلمك خايف عليكي وصريح في مشاعره بيدخل البيت من بابه
تم النشر الاثنين، ٢٩ أبريل ٢٠٢٤
للاسف هو ده بيكون رد الفعل الطبيعي لأي ذكر بيحاول يتسلى ببنات الناس، وللاسف عاطفة البنات بتكون قوية لدرجة انها تصدق وتمشي وراه. اعتبريه درس واتعلمي منه، اينعم درس قوي شوية، واكيد مصدم ليكي. بس الواحد بتفوقه الصدمات. اول حاجه لازم تعرفيها انها كانت علاقة لا ترضي الله، حتى لو كنتي مكملة معاه ومرتاحه هي برضه محرمة. تاني شئ محدش سوي نفسيا يكون مع حد مثلا في اي علاقة ولو حب يبعد لاي سبب يطلع عليه الكلام ده. ثالث شئ ده يقولك انه كان بيتسلى، او غير محترم في الحالتين مش هتفرق، طالما النتيجة واحدة. تخطي اللي فات ومتزعليش اهم حاجه تتعلمي منه كويس جدا.
تم النشر الاثنين، ٢٩ أبريل ٢٠٢٤
عادي نقع ف غلط يا حبيبتي ده طبيعي إحنا أصلا اتخلقنا عشان نغلط ونرجع نتوب لربنا . واحسن قرار أنك بعدتي عن واحد زي ده وكلامه المفروض ميفرقش معاكي ف شيء طلاما انتي عملتي الصح . متخليش حد يأثر عليكي ب كلامه
تم النشر الاثنين، ٢٩ أبريل ٢٠٢٤
لا دا مش حقيقي انتي حد محترم جدا ونضيف جدا وتستاهلي الأحسن منه اكيد علشان كدا ربنا بعده عنك
تم النشر الاثنين، ٢٩ أبريل ٢٠٢٤
انتي بشر فلازم تغلطي وفي نفس الوقت تقدري تصلحي غلطك واستغفري ربنا ومتكلميش ولاد تاني ومترطبتيش تاني ومتكلميش ولاد تاني ولو حد بعت لك حاجة زي حب وكدة مترديش غير برقم باباكي اللي عايزك هيكون عايزك بالحلال ولو اتقدملك يبقى فعلاً بيحبك ولو معملش كدة يبقا بيلعب بيكي وبيسلي وقتو بس✨
تم النشر الثلاثاء، ٣٠ أبريل ٢٠٢٤
لعرض السؤال في فدني اضغط هنا