جماعه هو عادي خطيبي يكون بيلبس اللبس الصيفي ف الشتاء والخريفي في الصيف يعني دا طبيعي ولا هو بخيل ومعظم لبسه بيسترخصه وهداياه رخيصه بصراحه مش عارفه احدد واخواته زيه بس هما اغنياء يعني مش علي ادهم وموبايله من 2018 مكسر وحالته حاله هل بيسرخص ولا بخيل !!
انا حسيت ان مستوايا اعلي وارقي وبلبس لبس غالي وحجاتي غاليه مش بتفرق معايا اللهم لك الحمد يعني ف هل ممكن يلبسني زيه ولا انا اللي ممكن اغيره واخليه زي !!!!
نصايحكم
بصي هو اللبس عموما مش دليل الغنى او الفقر ومش مقياس عشان انا معايا فلوس البس لبس غالي جدا او اغير كل سنه فوني او عربيتي .. بس المهم لما بتطلبي منه حاجه بيجبهالك ولا بيبخل عليكي؟ ممكن مش بيصرف ف لبس او مظاهر بس بيبسط نفسه او بيخرج وميحرمش نفسه من حاجه او الاحتياجات الاساسيه بيوفيها كويس ؟ ف دي حجات ممكن تبينلك هو هيبقا معاكي بعد كده ازاي
تم النشر الخميس، ٢٦ يناير ٢٠٢٣
فكرة دخول الحياة الزوجيه بنظرية النقطه دي مش عاجباني بس انا ممكن اغيره او انا ممكن اغيرها فكرة غير صائبه اطلاقا وبسببها حصل قبول كتير لزيجات غير مناسبه لبعصها بحجة ( اني ممكن اغيره ) في امور بتكون طبع في الانسان مش بتتغير بسهولة وفي امور بتكون طبع ولكن بتتغير مع خبرات الحياة والاحتكاك بالناس وصقل التجارب الحياتيه لشخصيه الانسان فبلاش حضرتك تقبلي بشئ مش عاجبك او مش مريحك او يعتبر اساسي بالنسبه لك تحت مظلة هغيره ويكون زيي ده اولا ثانيا بقى لو انت حاسه انك ارقى ومستواك افضل وووو ( وده مش عيب لا فيه ولا فيك على فكرة ..ربنا خلقنا مستويات متفاوتة ) لو حاسه ده فدي نقطه اصلا مهمه في الزواج اسمها التكافؤ وقد تعتبر شرط من شروط الزواج ثالثا حضرتك بتقولي مفيش ولا ميزة وفي سلبيات كتير وانك مداومة عالاستخارة وده افضل شئ انك لا تتركي الاستخارة وتحاولي توزني امورك ايه المحتمل وايه الغير محتمل لان كلمة شاريني دي لوحدها لا تكفي لقيام اسرة
تم النشر الخميس، ٢٦ يناير ٢٠٢٣
محدش فينا كامل او عنده مميزات بس ممكن من النواقص اللي عنده انه مش بيصرف كتير. ممكن يكون شخص اقتصادي وبيحاول يحد من مصاريفه علشان مثلا يعمل حاجة لنفسه في المستقبل زي مثلا مياخدش وقت ويتجوزك . ممكن تكوني انتي بتحبي الحجات الغالية اووفر لمجرد انها غالية ودة مش صح .. وممكن برضه يكون بخيل فعلا علشان تعرفي هو كدة او كدة اصبري وخدي وقتك معاه لو مش مرتاحة يبقي الوضع مش هيبقي مريح بعد الجواز برضه بس خدي واقتك وفترة الخطوبة اصلا معمولة علشان كدة .. وربنا يوفقك
تم النشر الخميس، ٢٦ يناير ٢٠٢٣
لعرض السؤال في فدني اضغط هنا