السلام عليكم
انا بنت عندي 22 سنة لسه متخرجة جديد .
عندي احلام نفسي احققها وكنت بخطط لحاجات كتير اعملها بس مبقاش عندي امل ان كل دا يحصل بسبب اهلي .
عندي مشاكل مع أهلي وبالأخص بابا واخواتي الأولاد انا بنت وحيدة واكبر اخواتي بس مش بتعامل علي الأساس دا بحس بإهانة وتسلط دايما في كل حاجة .
وصلت بيا اني انتحر كمان عشان نفسيتي تعبت جداً بسببهم .
مش عارفة اعمل ايه ولا اتصرف معاهم ازاي
وعليكم السلام ورحمه الله وبركاته بصي يا جميله سواء انت بنت عندك 22 سنه وعندك لسه 15 سنه او بقى عندك 30 او 40 سنه او حتى لو انت ولد الموضوع هنا ما بيفرقش في الجمله اللي انت كتبتيها انا عندك احلام ونفسك تحقيقيها كل شخص موجود على وجه الارض عنده حلم ونفسه يحب لكن تعالي كده نشوف ما بعد الحلم كل الاحلام كل الشخصيات او اي شخصيه ايا كانت ظروفها وتقدر تحقق الحلم بتاعها او بتقدر تحقق كل احلامها. الحقيقه والواقع انه لا ليه لانه كلمه حلم معناها ان انا في الغالب بتخيل حاجه هي بعيده عن الواقع شويه دائما بنفرق ما بين كلمه الحلم وكلمه الهدف في انه الحلم. ده جواه جزء كبير من الحياه ولكن الهدف مرتبط بالواقع ومعمول حساب الواقع فيه كويس قوي. فاا فلما احلم انا ممكن احلم ان انا راكبه طيار. طيب وانا بحلم بالطياره ان انا اركب طياره لو جيت نزلت الموضوع على ارض الواقع ممكن اكون انا اصلا في بلدي ما فيهاش موتور. طيب نتكلم بقى في مساله اخواتك اخواتك انت لو الاخت الكبيره ولو وضع البيت ان هم مش بيعملوا اعتبار كبير للبنت قدما بيعملوا اعتبار كله تقدري تعمليه انك تحفظي لنفسك حدودك. بانك تاخذي رد فعل يوضح جدا قد ايه انت بترفضي اللي بيحصل يعني لو اخوك بيتكلم معاكي بطريقه مش كويسه فيها اي نوع من انواع قله التقدير او الاهانه تقدري تقولي لا انا مش هقبل ده حتى لو باباكي مامتك مش بياخده ااا رد فعل زيك او بيشوف انه ايه يعني المشكله افضلي انت خذي رد الفعل ده لحد اخر يوم في عمرك علشان تبقي بتاكدي الحدود بتاعتك لكن بلاش في اي مره ما تعمليش او تبقي ساكته وتاخذي الموضوع كله تخليه حاجه جواكي عماله بتكبر وبتزود الحزن عندك مفيش داعي ده خالص لانه الانسان. احساسه بالعجز خصوصا لما ياخذ موقف وما يردش فيه ده بيكون اصحن بكثير من انه يطلع رد فعل حتى لو رد الفعل ده مغيرش الواقع.
تم النشر السبت، ٢٤ أغسطس ٢٠٢٤
حاولي زيارة مختص نفسي أولا ، و حاولي الإبتعاد عن المنزل بين الفترة و الأخرى(اذهبي عند أقاربك) ، و عندما تجدين عمل استأجري شقة في مكان منفتح و به كميرات حتى لا يقتحم بيتك الوحوش البشرية... أبدا لا تفكري في الزواج قبل أن تحصلي على السلام الداخلي! الزواج ليس مهربا بل ستواجهين مشاكل أكبر لأن نفسيتك بالأساس متعبة...العلاج و الابتعاد ثم الأمور الأخرى
تم النشر السبت، ٢٤ أغسطس ٢٠٢٤
السلام عليكم السلام عليكم ورحمة الله وبركاته حقك تحلمي وان كانت الإمكانيات ضعيفه في الوضع الحالي متعرفيش بكرة فيه اي اطلبي من ربنا وانتِ تلاقي كل اللي بتحبيه اطلبي انه يصلِح حال بيتك وألحِّي في الدعاء ومن بعد ذلك العمل على نفسك لتهدئتها واستقرارها النفسي بعيدًا عن المشاكل حتى لو كنتِ هتختصري الكلام شويه م كل المشاكل تدخلي فيها مادام متخصكيش ومادام هي مشاكل مزمنه خصوصًا مكملة مع البيت عيشي لنفسك قبل أي حاجه م عايشه تفكري ف المشاكل! المشاكل مبتخلصش كدا كدا و ز م قولتلك ممكن تستمر فترة طويلة م هينوبك غ انك ارهقتي نفسك نفسيًا وذهنيًا انتِ اتخرجتي حاليًا إما إنك تشوفي دراساتك العُليا أو أحلامك اللي بتقوليها وبتتمنيها وبالمناسبه استعينوا ع قضاء حوائجكم بالكتمان يعني لو ناقصك حاجه بصمت تام تنزلي تشوفي شغل مناسب ليكِ لحد م تستفيدي بعائد مادي تقدري تعملي بيه اللي انتِ عاوزاه هتتعبي آه م هو ده السعى في الأرض واللي ربنا ألزمنا بيه "" وعن عُمرِك فيما أفنيته"" او انا تكملي دراسات ز م قولتلك و ما دومتي م قادرة تحلي المشاكل ادعي ربنا يصلح حال بيتك واختصري مادامت متخصكيش واشغلي نفسك بأى شئ وأولاهم الشغل لأن الفراغ بيكبر أى مشكله نفسيه أو مع الأفراد الدحيح بيقولك الحمدلله ع نعمة الانشغال ده نعمه كونك ماشيه ف مصلحه وعمل مهم بتنجزيه ده إصلاح في الأرض وإصلاح لنفسك قبل اي شئ بالتوفيق 🤍 حاسه بيكِ انا 22 سنه زيك بحاول أفيدك عندي مشاكل بردو ولكن م هنقف عندها اعمليلها skip
تم النشر السبت، ٢٤ أغسطس ٢٠٢٤
وعليكم السلام، حبيبتي. أنا آسفة جداً إنك بتعاني من كل ده. اللى مرّتي بيه صعب ومؤلم، وده يخلي كل حاجة حولك تبان مظلمة. لكن هنا شوية نصائح ممكن تساعدك: حاولي تتواصلي : في كتير أوقات المشاكل بتكون بسبب سوء فهم. لو تقدري، حاولي تتكلمي مع بابا وإخواتك بأسلوب هادئ ووضحي لهم مشاعرك. أحيانًا بس لو عرفوا قد إيه انتي متأثرة، ممكن يتغيروا. حددي حدود : يهمك تحطي حدود للي تقدر تقبليه. لو فيه حاجات معينة بتضايقك، حاولي تقولي لهم بشكل واضح ومن غير مشاجرات. التفريغ : حاولي تكتبي يوميات أو لكن ما في حد يشاركك مشاعرك. دا بيساعدك تفهمي نفسك و يمكن يخفف عنك. البحث عن الدعم : لو في صديقات أو قريبات تثقي فيهم، اتكلمي معاهم عن مشاكلك. الدعم الاجتماعي مهم جداً. استشارة مختص : لو حسيتِ إن الموضوع صعب بجد، في دكاترة نفسيين ممكن يساعدوك. الكلام مع حد محترف ممكن يخفف عنك الضغط ويعطيك أدوات للتعامل مع المشاكل. وفي النهاية، تذكري إن حياتك مهمة جداً، وأنتِ تستحقين السعادة والنجاح. أهم شيء مفيش حاجة تستحق إنك تفكري في الانتحار أو تفقدي الأمل. اتمني لك كل الخير.
تم النشر السبت، ٢٤ أغسطس ٢٠٢٤
لعرض السؤال في فدني اضغط هنا