الشغف والحماس قل بدرجة كبيرة عشان اعمل حاجة معينة تفيدني في حياتي
ازاي ارجعهم من تاني
شكرا ليكم مقدما
الشغف والحماس بيبقوا زي الشعله اللي نبدأ بيها أي حاجه هنعملها .. بيختفوا لما تدخل في الحاجه وتتعمق فيها وتبدأ تقابلك عواقب وضغوطات تأثر عليك .. المهم ف الوقت ده إنك تلزم نفسك بالحاجه اللي بتعملها وتستمر ومع الوقت هتبقى مستمتع بانجازاتك وهتقدر تكمل . المهم دلوقتي انك تلتزم وتستمر.. كل حد فينا بيلتزم بطريقة معينه زي التشجيع / انك تكافئ نفسك كل ما تنجز حاجه معينة/ انك تدفع فلوس في كورس مثلا ف بالتالي هتلتزم بيه/ ان يبقى معاك حد وفي تنافس بينكم/ انك تعرف حد معين مهم بالنسبالك وتخاف يعرف انك بطلت مثلا تعمل الحاجه دي ف يزعل منك .. وهكذا . جرب وشوف انت ايه اللي بيخليك ملتزم بأي حاجه وتكمل فيها واشتغل عليها. في جميع الاحوال طبيعي اننا نقع يوم او اتنين .. المهم الفترة دي متطولش ونرجع نكمل تاني ف اقرب وقت. طبيعي يبقى في عقبات تقابلك ف اللي بتعمله او ضغوط من بره تخليك متكملش .. لكن كل ما حاولنا نتعامل مع العقبة دي بشكل اسرع واحنا مكملين او لو وقعنا يوم ولا يومين مش مشكلة .. خليك متصالح مع الفكرة دي. اي محاولة مكتملتش او منجحناش فيها بالطريقة اللي عايزنها بنكون اتعلمنا منها حاجه او فهمنا منها ف مفيش مشكلة ابداً من ان ده يحصل وحتى لو اتكرر عادي طالما بنتعلم وبنكتسب خبرة وبنفهم اكتر. ربنا يوفقك.
تم النشر الأحد، ١٨ ديسمبر ٢٠٢٢
اى حاجة حابب انك تتحمس ليها من جديد ...جدد مع نفسك الهدف اللى هتعمل ده عشانه ...لو الهدف مبقاش مهم شوف هدف جديد واربطه بالحاجة دى عشان تكون مهتم بيها بدرجة كبيرة تانى تجديد النيه والهدف واستشعار الاثر اللى هينتج من الحاجة اللى هتعملها ...هيساعدك ان شاءالله
تم النشر الثلاثاء، ٢٠ ديسمبر ٢٠٢٢
وليه ترجعهم تاني؟ الشغف والحماس ما هما إلا الدافعية الاولى لعمل شئ معين. يعني هو مفيش شخص متحمس علطول؟ لا مفيش شخص متحمس علطول. طيب ليه؟ لأن ده ضد اساسا الطبيعة الإنسانية. ازاي يعني؟ يعني هو انت مش عندك مشاعر الحب والكره والغضب والفرح والحزن .. انت ممكن تتعرض للحاجات ديه على مدار اليوم مثلا .. في كذا موقف ... يبقى ازاي عايز الحماس يفضل معاك؟ ازاي عايزه يمتلك كل ايامك. انت عارف ايه اللي بيفضل معاك؟ وايه اللي بيخلي الواحد يكمل؟ هي المسؤولية والالتزام .. التزامك بالشيء ده او الهدف المراد الوصول اليه يجعلك أن تستمر فيه .. لأن انت عارف العواقب اللي هتحصل لو ما استمريت فيه. عارف كويس مثلا أنك لو مذاكرتش لإمتحان بكره ف انت مش هتنجح. عارف كويس انك لو مدربتش كويس علشان البطولة يبقى مش هتكسب. ده اسمه التزام ومسؤولية اتجاه الشئ اللي انت عايزه. فالشغف ما هو إلا الدافعية الاولى ولكن الشغف مش هينفع هو اللي يقوم بدور القهوة ف أنك تفضل منتبه لو مش عايز تنام دلوقت. اتمنى ليكي التوفيق
تم النشر الأحد، ١٨ ديسمبر ٢٠٢٢
صاحب الناجحين اقعد مع والديك ولو ساعه يوميا
تم النشر الأحد، ١٨ ديسمبر ٢٠٢٢
حاوا بقدر الإمكان تقوي علاقتك وي ربك وصاحب من هوا متوفق في دراسته وبار لواليك وان شاء الله تتغير للافضل
تم النشر الجمعة، ٣٠ ديسمبر ٢٠٢٢
لعرض السؤال في فدني اضغط هنا