انا اتولد وسط عائلة من أب عصبي جدا وأم طيبه وحنونه ولكن مشكلتي مع امي انها كانت بتحب اختي الكبيره اكتر مني انا كنت اخر العنقود والفرق بيني وبين اختي الكبيره ٧ سنين وامي بتحب اختي اكتر مش عارفه ليه ما ان انا كنت بحب امي اكتر من ابي بالرغم ان ابي كان بيحبني اكتر من اخواتي التلاته احنا اربعه وامي كانت بتفضل اختي عليا انا طول عمري بساعد امي في شغل البيت لكن وبسبب امي بقيت مريضه نفسيا وانا عندي ١١ سنوات بقيت بكلم شباب اكبر مني بكتير عن طريق مواقع وبرامج مش كويسه كانت بتتكلم عن الجنس وفي يوم كلمت واحد اسمه وسيم وكان سوري ومكنش يعرف اني صغيره وفهمته اني معجبة بيه وفضلت كده شوية مش كتير وبعد كده حسيت بالذنب مش عارفه ليه ممكن لأن كان طيب معايا ومحترم جدا وحنون وانا اعترفت له بأن عندي ١١سنه انصدم بس بعد كده اتقبل و عاملني علي اني بنته الفرق بينا ١٨ سنه ويعد كده عرفت واحد اسمه محمد وكلمته علي الانستا وفضلت اكلمه حوالي عشر ايام لكن هو حبني وهو عارف اني صغيره وانا كنت حنونه عليه وانا بكلمه كان يوم الأربعاء دخلت اختي الكبيره عليا في الاوضه وشكت فيا لأن كنت بتكلم بصيغه ولد وعرفت اقنعها ان بكلم صحبتي هدى بس ويوم الخميس فضلت افكر اعمل ايه وحسيت اني لازم اوقف اللي بعمله وكلمته محمد وقولتله وزعل شويه بس قالي ماشي ومسحت الانستا وأصعب حاجه كلمت وسيم كان الوقت متأخر كانت الساعه اربعه صابحا وكان نايم بعد له رساله معناها اني مش هكلم تاني وانا ببعد له الرساله قلبي كان بيوجعني وكنت بعيط ومنهاره بس قولت لنفسي ده اللي عاوزه ربنا ومسحت التطبيق بس مشكلتي ان اهلي السبب واني بقا في حاجز بيني وبين امي ومش حابه اتكلم مع اهلي ابدا وبقا عندي اكتئاب وبعيط كتير ومش عارفه اعمل ايه
شوفى يا بنتى ..اولا انك توقفى وترجعى عن اى غلطة ..دى حاجة بتأكد ان جواكى حاجة كويسه ..تربيه نضيفه من امك حتى لو فيها تقصير انتى حاساه و نبته طيبة ان شاء الله من ابوكى حتى لو بيتعصب خلى بالك اولا ان اللى حصل معاكى وانتى صغيره كده هيكمل معاكى على طول ..دى طريقة الشيطان بالظبط يجيبلك اى حاجة من حياتك ويخليكى تشوفيها سبب منطقى لاى غلط فانتى من غير ما تحسى تروحى ورا الغلط وانتى فاكره انك كده معاكى عذر لكن ده عمره ما هيكون حقيقى ..الغلط هو غلط لو على افتراض كلامك ان حب ماما اكتر لاختك هو حاجة غلط ...فاكيد مش هيتصلح ولا هيتبدل بغلطه انتى تعمليها ..بالعكس ده ماما ممكن علاقتك بيها تبقى اوحش لا قدر الله متقارنيش نفسك باختك ...لان هى اكبر منك بكتير و اللى ماما بتخليكى تعمليه دلوقتى ..هى اتعلمته خلاص ..لكن انتى لسه بتتعلمى قبل ما بنبص على اللى ناقص فى اهلنا ..بنبص على النعم الكتير اللى قدامنا وفى ايدينا ... هنتحاسب على النعم وربنا هيسألنا استخدمناها فى ايه وشكرناه عليها ازاى فمثلا نعمه زى التليفون اللى فى ايدك ده ...تشكرى ربنا انك تستخدميها صح ...مش فى الحاجات اللى يتبسط بيها الشيطان . نعمة الاب والام ...اشبعى من حب بابا ومن حنية ماما حتى لو شايفاها مش قد اخواتك ...الصغير بيبقى اخر العنقود وبيبقى هو مصدر الدلع والحنيه فى البيت ..متاخديش جنب وكل ما تلاقى نفسك بتقولك مش هنقعد معاهم عشان فى حاجز بينا والكلام ده ...استعيذى بالله من الشيطان وقومى اقعدى واضحكى حتى لو بالعافيه ..عشان تغلبى الشيطان وربنا يمن عليكى بالراحه ومش هتلاقى نفسك مخنوقه ولا عاوزه تعيطى ان شاء الله واوعى اوعى توقعى الصلاه ....ربنا يحفظك
تم النشر الأحد، ٣ مارس ٢٠٢٤
اولا اهدي شويه ومتكبريش المواضيع انتي لسه صغيره وشايفه كل حاجه كبيره بس المواضيع مش مستاهل صدقيني اول حاجه كويس انك قطعتي علاقتك بدول كلهم علشان ربنا وعلشان ده مش حب حقيقي ده استنزاف مشاعر مش اكتر حاولي تفهمي امك انك حاسه انك مفضله اختك عليكي ممكن تطلع مش كده بس علشان هي كبيره فكلامها معاها اكتر ولو فعلا طلعت بتفضلها عليكي قربي من اختك نفسها او ابوكي مش لازم امك تكون بتحبك اكتر من اخواتك بس المهم انها بتحبك ومع الوقت هتفهمي ده ركزي في دراستك وقربي من ربنا كل دي مشاعر مراهقه زعل وحزن وعلاقات غلط مع الوقت كل ده هيروح وهتكتشفي انه مكنش ليه لازمه هوني على نفسك وقربي اكتر من اهلك وربنا وصحابك وخلي ليكي هوايات تشغلي بيها وقتك رياضه افلام قراءة روايات اي حاجه وهتلاقي كل حاجه بقيت تمام مع الوقت
تم النشر السبت، ٢ مارس ٢٠٢٤
طيب نتكلم شوية بصراحه .. انا بحييكي طبعا على انك قطعتي علاقتك بالتطبيق اللي كنتي عليه. ولكن هسالك سؤال .. لو حد دلوقت عمل شئ معين غلط .. وكانت النتيجة سلبية. هل يحق اننا نقول انك تقولي انا عملت كذا علشان هو عمل كذا .. !! لا، لان المفروض نبقى مسؤولين عن كل شئ بيحصل لينا .. انتي قبلتي انك تكوني الضحية وتغلطي. هل كنتي مغيبة لما عملتي الخطأ. هل ربنا خلقنا مغيبين مثلا؟ لما حد يعمل حاجه غلط فينا يبقى احنا نتوابع لهذا الشئ، ولا احنا فينا عقل وبنفكر ونشوف الصح والغلط. ف متكونيش الضحية في اي حاجه، تدخليها. احنا هنتحاسب على افعالنا .. انا فقط حبيت اقولك منرميش شماعات ونحاول مواجه نفسنا بغلطنا اللي مسؤولين عنه. تاني شئ بالنسبة لاهلك انتي مشكلتك ان ماما بتحب اختك او احساسك كده .. طيب جربتي تتكلمي مع والدتك وتحكي ليها على احساسك ده؟ مش يمكن انتي فاهمه غلط، او حتى لو كان صح .. خليها تبين ليكي رد فعلها، يمكن مش واخده بالها انها بتعمل حاجه غلط، او بتفرق ما بينكم. اه فيه اهالي كتير مش بيكونوا واخدين بالهم من حاجه زي كده، ف واجب الكلام معاهم والتنبيه. ف اتكلمي معاها لان ده الحل الامثل.
تم النشر الأحد، ٣ مارس ٢٠٢٤
بنتى الجميلة الغالية ، اجمل حاجة عجبتنى فى قصتك إنك رغم مشكلتك إلا إنك شايفة الحلو اللى فى عيلتك وكمان ليكى دور رائع فى البيت والاجمل انك عارفة تعبرى عن نفسك وتحكى مشكلتك وتسألى متخصصين بصراحة ما شاء الله عليكى ربنا يحفظك ويبارك فيكى ويسعد. وبخصوص سؤالك عايز أوضح لك حاجة وكمان هاساعدك بفكرة حلوة هتفرق معاكى كتير الحاجة اللى عايز اوضحها إن إحساسك بحب امك لأختك اكتر منك غالبا مش حقيقى هى مش بتحب حد اكتر من حد لأن كلكم بناتها والحب فطرة لكن هى ممكن تكون بتعاملها بشكل أفضل وده منطقى لأن التفاهم بينهم افضل واسهل وانتى لسه بتتعلمى فأكيد هيبقى فيه ملاحظات بطريقة مش لطيفة لكن هو مش حب زيادة ولا حاجة ولما تكبرى شوية كمان هتشوفى كده بنفسك. الفكرة اللى هتساعد (لو افترضنا فعلا إنها بتحب اختك اكتر) وهى إنك تغيرى النضارة اللى انتى لابساها يعنى تشوفى الموضوع من زاوية مختلفة يعنى لو سألتك بتحبى ماما اكتر ولا بابا أكيد هتختارى حد منهم وده مش معناه إنك بتكرهى الثانى لكن يمكن هو تفضيل بسبب المعاملة أو التفاهم فغيرى النضارة وتقبلى الموضوع عادى يعنى حد بيحب حد اكتر شوية واستفيدى بطاقة الحب الجميلة اللى جواكى تجاه عيلتك اعمليه تحدى وحبيهم كلهم اكتر من بعض
تم النشر الأحد، ٣ مارس ٢٠٢٤
والله هو امك غالبآ مش بتحب اختك الكبيره اكتر منك بس ممكن علشان هى كبيره وبتستوعب الكلام دا مخلى فى تواصل او تفاهم كبير بين امك واختك الكبيره ودا مش معناه انها مش بتحبك وممكن انتى طريقة تفكيرك غلط تجاه امك . وممكن بردوا اختك لما كانت فى سنك كانت بتعانى من المشكله دى . بس دا ميمنعش امك امك مقصره فى حقك لان انتى فى سن مينفعش تكونى فيه من غير متابعه او مينفعش فيه الام تكون بعيده عن بنتها فى المرحلة الاصعب فى حياتها بس دا مش مبرر علشان تعملى اللى انتى عملتيه دا لانه ميصحش ومينفعش ولا هو موجود فى دينا ولا عاداتنا اسأل الله لك الهدايه والصلاح .
تم النشر السبت، ٢ مارس ٢٠٢٤
مش مشكله اننا نغلط المشكله الاكبر اننا منتعلمش من غلطانه
تم النشر السبت، ٢ مارس ٢٠٢٤
بصي كلنا بنغلط بس لازم نتعلم من غلطنا وانتِ واضح عليكي انك ندمتي علي اللي كنتي بتعمليه وموضوع أن والدتك بتحب اختك الكبيرة اكتر منك ده مش سبب يخليكي تغلطي بس زي ما قولتلك فوق كلنا بنغلط ايه رأيك تقربي أنتِ من والدتك واهم من كل ده انك تكوني مقربه من ربنا وحاولي انك تشغلي نفسك بأي حاجة
تم النشر السبت، ٢ مارس ٢٠٢٤
اولا صلى صلاة توبه والقرى دعاء للتوبه وكونى صادقه فى توبتك وصدقنى ربنا هيغفرلك لانو ربنا قال بسم الله الرحمن الرحيم ( قل يعبادى الذين اسرفوا على أنفسهم لا تقنطوا من رحمة الله أن الله يغفر الذنوب جميعا أنه هو الغفور الرحيم ) صدق الله العظيم ...هنا ربنا قال يغفر الذنوب جميعا مستثناش حاجه ...وبالنسبه لمامتك فواجهيها بإنك مش حابه تعاملها معاكى لانك اذا مواجهتيش مخاوفك هتفضل تطاردك وعمرك مهتتخطيها اما بالنسبه لموضوع غلانستا فخليه مابينك وبين ربنا وقوليله يارب احفظه عندك وانك خلاص مش هترجعى للموضوع ده تانى ابدا ...أما الشخص اللى انتى بتبكى بسببه فده مش حب ده شغل النفس وإبليس وكمان قرينك وهواكى ...اعذرينى انتى ممكن متصدقنيش بس صديقنى قؤينك بيوهمك انك بتحبيه ونفس أشد عليكى من قرينا فإرجعى لربنا وقليله يطلعه من قلبك لانو الحرام عمره ميتحول خلال ابدا
تم النشر السبت، ٢ مارس ٢٠٢٤
يا بنتي الله يرضى عليكي أكتئاب شو بعمر 11 عام _ وكيف تفكري تدخلي بعلاقات أكبر من عمرك ؟ أنا معك أنه انتي عايشة بظروف عائلية صعبة بس يا بنتي انتي طفلة لسا ما تعرفي شو معنى حب ؟ ولا شو معنى علاقة ؟ خلي علاقتك مع رب العالمين أقوى _ ولا تطلبي الأهتمام من أحد _ خليكي قوية بنفسك _ خليكي صبورة_ ركزي على دراستك _ وحاولي احضري مسلسل تحبيه أو كتاب رواية تقرأيه واذا احتجتي أي شيء أحنا موجودين بالخدمة
تم النشر السبت، ٢ مارس ٢٠٢٤
بحيث انك متفكريش انك ترجعي تغلطي تاني ♥️
تم النشر السبت، ٢ مارس ٢٠٢٤
انا نفسيتي تعبانه اوي وعندي اكتئاب
تم النشر السبت، ٢ مارس ٢٠٢٤
لعرض السؤال في فدني اضغط هنا