انا عايزة مزعلش من أبويا مش قادره اسامحوا بزعل اوي لما بحس اني مش عارفه أتقبل انو يبهدلني انا واخواتي إحنا حرفيا بنكره صوتو وخطوتو وكل حاجه فيه حتي دخلتوا علينا حتى صوت الباب وهو بيفتحوا البيت كلو بيتهز
عارفه انو في ناس مش هتصدق وهتظلمني لكن أبسط حاجه هقولها انو كان بيمسكنا يخبطنا في الحيط لحد منجيب دم من دماغنا او وشنا
مش قادره اسمحوا اعمل ايه
هو مش بس مستمر لحد دلوقتي هو كمان مشغلنا وبياخد كل فلوسنا وحاجات كتير أوي مش عايزة افتكرها وكمان مش راضي يجوز اي حد مننا
طبعا لازم تاتبعي مع اخصائي نفسي وضروري .. ولكن خلينا ندردش شوية في كذا حاجه .. بابا من زمان بيعمل كده؟ وشايفة من وجة نظرك ليه بيعمل كده؟ او ليه معاملته بالقسوة ديه معاكم؟ وليه مش عايزة تزعلي منه؟ وليه عايزة تسامحي (حابه اسمع وجهة نظرك)
تم النشر الأربعاء، ١٩ يوليو ٢٠٢٣
الجواز مش بالغصب حقك تتجوزي اللي يعجبك لية اهلك يكسرو قلبك وجبروكي على جوازة مش عجباكي
تم النشر الثلاثاء، ١٨ يوليو ٢٠٢٣
هو بيعمل ايه معاكم حلو ؟ وانتوا اعماركم ايه ؟
تم النشر الثلاثاء، ١٨ يوليو ٢٠٢٣
انا بشكرك والله انا راضية ومستحملة ووالله ماشية بنفسي واخواتي يمكن دا اختبار ليا كبير ادعيلي اعدية سليمة
تم النشر الثلاثاء، ١٨ يوليو ٢٠٢٣
خلي بالك إن الوضع ده مش هيفضل كده إلى الأبد. إنتِ قوية وقادرة تتخطي اللي حصل. خدي بالك من نفسك وركزي على المستقبل. وثقي إن في ناس كتير بتحبك وعايزة الأحسن ليكي .. خلي بالك من نفسك وروحك قبل كل حاجة. سامحيه في قلبك علشان انتِ ترتاحي وماتعيشيش بكره ومرارة.
تم النشر الثلاثاء، ١٨ يوليو ٢٠٢٣
هو مستمر ونا خايفه انو حد من اخواتي يفيض بية ويهرب ويسيب البيت
تم النشر الثلاثاء، ١٨ يوليو ٢٠٢٣
هل هو لسه مستمر في دا ولا لا لان الاجابه بتتوقف علي كدا
تم النشر الثلاثاء، ١٨ يوليو ٢٠٢٣
لعرض السؤال في فدني اضغط هنا