السلام عليكم ورحمه الله وبركاته
انا كنت مخطوبه لشخص ضعيف الشخصيه ومحبط وبخيل كان بيدمرنى وبيأذينى نفسيا وبعد خطوبه استمرت 5شهور قررت انى مش هكمل بعد ما جهزت نفسي وعفشي راح شقته كله ده بسبب امه وان هو مش بيجيب حاجه الا بعد مشورتها وموفقتها وبعد فسخ خطوبتى قررت اكمل تعليم وادور على شغل وبدأت استعيد ثقتى فى نفسى ولكن الفتره دى بيجيلى عرسان كتير وانا مش قادره اقابل اى واحد منهم اعمل اه وفى ناس حوليا بيؤذونى بالكلام وبتجرح جامد وبتعصب منهم لأنهم عارفين وجعى مع كده بيوجعونى ال حوليا بيضغوا عليا
شكرا لحضرتك علي المشاركة بعد اي تجربة مؤذية لنفسنا بنحتاج ناخد هدنه ودا بالفعل انتي عملتيه ولكن عشان الهدنة تجيب نتيجة لازم احميها بسور من الحدود الشخصيه تحميني من الاذي في مرحلة التعافي الحدود دي بتحافظ عليا وبتخلي في مسافه بيني وبين الناس عشان محسش بالاذي منهم حتي لو اقرب الناس ليا دا حق طبيعي لكل انسان انه يضع حدود لنفسه ويحاول يحافظ عليها بعدم الاختراق لانها زي الدرع للانسان اعرفي حدودك وحافظي عليها هيساعدك كتير🌷
تم النشر السبت، ٢٤ أغسطس ٢٠٢٤
عليكم السلام ورحمة الله وبركاته بصراحة أنا أرى أنك شخصية قوية ما شاء الله، أنا لا أجاملك. الغالبية العظمى من الفتيات تصاب بالهلع من ذكر الانفصال عند الوصول لهذه المرحلة وذهاب المفروشات وغيره لبيت الخاطب، فيقعن فريسة خوفهن من كلام الناس ومن شبح الوحدة ومن التخبط. لذلك كونك أصلًا شخصية قادرة على أخذ قرار مصيري كهذا في هذا التوقيت الصعب هذا دليل على قوتك، ودليل أن شعورك الحالي بالخوف ما هو إلا وهم أنت قادرة إن شاء الله على تخطيه. فقط راجعي أسس الاختيار وتمهلي وادرسي جوانب شخصية المتقدم جيدًا واعرفي ما هي العيوب التي لا تنازل فيها وما هي العيوب التي يمكنك التأقلم معها أو الصبر عليها مقابل مميزات معينة. وقبل هذا وذاك استعيني بالدعاء وصلاة الاستخارة واستشيري من تثقين في رأيه من أهلك.
تم النشر الاثنين، ١٢ أغسطس ٢٠٢٤
جميل إنك قررتِ تخرجي من علاقة مؤذية قبل ما تدمرك وجميل جدًا إنك قررتِ تكملي تعليمكِ وتدوري على شغل... الأجمل بقى تكملي وتمنعي تجربة فاشلة زي دي من إنها تفضل تاركة أثر سلبي في حياتك وتجعلك تاخدي قرارات مؤذية لك. إذا كنتِ ناوية إن شاء الله على الزواج وبناء أسرة فمتخليش فشل تجربة يمنعك من ده. إذا كنتِ حاسة إنك ما زلتِ محتاجة الوقت خصوصًا وانت بدأت في استعادة ثقتك بنفسك وبناء حياتك فخدي وقتك لحد ما تحسي إنك بقيتِ أقوى وثقتك أكبر وبقيتِ فاهمة نفسك وأهداف أكتر ومحددة اختياراتك صح وفاهمة يعني إيه زواج وأسرة وإيه واجباتك وحقوقك فيه. وقتها قابلي اللي بيتقدموا لك وخدي فرصتك في دراسة اللي قدامك وما توافقيش على حد إلا وانت واثقة إنه هيحترمك وهيكون زوج جيد وشريك حياة يستحق تبني معه أسرة. بالنسبة للناس اللي بتؤذيكِ فأنا مش عارفة هل تقصدي في العموم أو بيجرحوكِ بخصوص النقطة دي تحديدًا وموضوع الزواج في الحالتين تجاهليهم. أي حد مؤذي تجنبيه تمامًا... لو عرفتِ توقفي عند حده بالكلام اعملي كده وإلا فالتجاهل أفضل. هي صحائفهم فليملأوها بما شاءوا، في النهاية كل كلامهم ربنا هيحاسبهم عليه. ربنا يكتب لك الخير ويبعد عنكِ كل المؤذيين. تحياتي.
تم النشر الاثنين، ١٢ أغسطس ٢٠٢٤
وعليكم السلام ورحمة الله وبركاته! حبيتي، أنا بفهم مشاعرك تمامًا. الخطوبة السابقة كانت تجربة صعبة، ومن الطبيعي إنه بعد الوجع ده تحسي بالخوف من الارتباط مرة تانية. أول حاجة، حاولي تاخدي وقتك في إعادة بناء نفسك وتركزي على أهدافك الشخصية. كوني صبورة مع نفسك. الخطوة الأولى لتجاوز خوفك هي إنه تتقبلي مشاعرك. هذا طبيعي إنك تخافي، لكن لازم تعرفي إن كل تجربة بتعلمك حاجة جديدة. حاولي تطلبي الدعم من أصحابك أو عائلتك اللي بيحبوك وبيساندوكي. لا تخلي حد يؤثر على قراراتك. الفترات اللي بنعيشها صعبة أوقات مش هتروح بسرعة، لكن مع الوقت، هتكتشفي إنك بتتحسنّي يوم بعد يوم. وإذا حسيت إنك محتاجة مساعدة إضافية، ممكن تفكري في التحدث مع مختص نفسي. هو هيساعدك تتخطى مخاوفك بشكل أفضل. خليك قوية وثقة بنفسك، وإن شاء الله هتلاقي الشخص اللي يستاهلك ويقدرك كما تسعين.
تم النشر الاثنين، ١٢ أغسطس ٢٠٢٤
الاول خليك قوية متبينيش ليهم ضعفك باي شكل ومتخلهمش يؤثروا علي حياتك دي تجربة وراحت ساعات التجربة الصعبة بتقوي وانت لازم تبقي كده ومش ضعيفة خصوصا قدامهم عشان ما يحاولوش استغلال ده
تم النشر الاثنين، ١٢ أغسطس ٢٠٢٤
لعرض السؤال في فدني اضغط هنا