لو فجأة حسيتي إنك عايزة تكلمي شباب ومش فاهمة ليه، ده طبيعي لأنك ممكن تكوني بتمري بمرحلة فيها فضول أو احتياج للتواصل. الحل مش إنك تمنعي نفسك تماما، لكن الأهم إنك تفهمي دوافعك وتتحكمي في طريقة تعاملك... 1. اسألي نفسك ليه؟ هل ده فضول؟ شعور بالوحدة؟فراغ عاطفى؟ رغبة في اهتمام؟ شايفة صحباتك حوليكى مرتبطين ؟شفتى حد اُعجبتى بيه وشدك ؟ لما تفهمي السبب هيكون أسهل تسيطري على الموقف. 2. اختاري الناس الصح: لو فعلاً عاوزة تتكلمي مع حد، خلي الكلام محترم ومع ناس تستاهل ويكون التواصل في حدوده. 3. اشغلي نفسك: لما تبقي مشغولة بشيء بتحبيه (رياضة، هواية، دراسة) هتحسي إن عندك طاقة أقل للحاجات دي ودماغك هتكون مليانة وعندها الى يشغلها. 4. استشيري حد تثقي فيه: لو مش عارفة توازني الموضوع، ممكن تحكي لحد قريب منك زي أختك أو صاحبتك او حد قريبك اكبر منك بتثقى فيه.. 5. حطي لنفسك حدود: الكلام مع شباب مش غلط لو في سياق محترم وفى حدود المصلحة، لكن لو حسيتي إنه بيخرج عن الطبيعي، حاولي توقفي.. 6. ممكن تدخلى ف نشاطات وورش عمل دا هيفتح مجال واسع قدامك انك تتعرفى على ناس مختلفة وهيزودك مجتمعيا. وخدي الموضوع ببساطة ومتضغطيش على نفسك، بس دايما خلي عندك قيم تحافظي عليها.. ويكون دينك قصاد عينك دايما..
الشكر لله.. ربنا يرزقك الخير وحسن الحفظ والفهم ويهديكى لاحسن حال وتبقى احسن دكتورة بس ابدأى واجتهدى وسبيها لله 🤲
تم النشر الثلاثاء، ١٤ يناير ٢٠٢٥
ابقا ادعيلي معاك بالله عليك
تم النشر الثلاثاء، ١٤ يناير ٢٠٢٥
والله انا مش عارفه اقول لحضرتك ايه، بجد متشڪره ليك جدا، ربنا يكرمك ويبارك فيك يارب 🤍
تم النشر الثلاثاء، ١٤ يناير ٢٠٢٥
ماشاء الله ،طبعا الموضوع مش سهل، والضغط بتاع الثانوية بيخلي الواحد يحس إنه مخنوق ومش عارف يبدأ، بس تعالي نحلها واحدة واحدة اول حاجة افتكرى هدفك وطموحك ومستقبلك الى بأيديكى ووحدك هتعملية وهتوصلى للحتة الى انتى هتختاريها لنفسك.. افتكرى ان اول عدو لنجاحنا هو مزاجناا.. مبدأيا تنظيم قتك مش لازم تبدأي بـ10 ساعات مذاكرة. ابدأي بأهداف صغيرة، زي إنك تقعدي نص ساعة على الكتاب، وبعدها استراحة صغيرة. كل يوم زوّدي شوية، لحد ما تبني عادة... ابدأى ركزى على الأولويات اسألي نفسك: إيه أهم مادة محتاجة أشتغل عليها دلوقتي؟ ركزي على مادة أو موضوع واحد بدل ما تحاولي تشيلي كل المواد مرة واحدة فوق دماغك.. شيلي المُشتتات من حوليكى لو الموبايل هو اللي بيشغلك، اعملي وقت معين للأغاني أو الأفلام كمكافأة بعد المذاكرة. يعني مثلًا: "هخلص الجزء دا وهتفرج على جزء من فيلم"... اختاري طريقة مذاكرة تناسبك لو مش بتحبي الطريقة التقليدية، جربي حاجة جديدة اسمعي فيديوهات شرح استخدمي ألوان وأوراق عشان تلخصي الدروس وتعملى خرائط ذهنية... حاولي تذاكري مع حد يشجعك.. كام واحدة من صحباتك وشجعو بعض.. نظام المكافآت.. اعملي قائمة صغيرة بحاجات بتحبيها (فيلم، خروجة، أكل معين)، وكل ما تحققي إنجاز صغير في المذاكرة، كافئي نفسك بحاجة منها.. مارسي هواياتك بحكمة مش لازم تسيبي الأغاني أو الأفلام، بس خليها في وقت معين بعد إنجاز حاجة مهمة، وده هيخليكي تحسي بإنجاز وتستمتعي بيها أكتر... اطلبي المساعدة لو حاسة إن في مواد مش فاهمة حاجة فيها، مفيش مشكلة تسألي مُدرس أو حد شاطر فيها. الأهم إنك تبدأي تتحركي...ماتشليش هم ان باقى ١٢٠ يوم ع الفاينل لو فضلتى بصالها كدا مش هتتحركى خطوة.. مش هقلك بطلى الاغانى ولا الافلام لانى عارف ضغط المذاكرة والقرف لكن زاى ماوضحتلك فوق محتاجين ننظمها ولازم تكونى عارفة ان الذنوب بتبعد البركة عن حياتنا وبتقلل فهمنا وحفظنا.. عبادتك وصلاتك اهتمى بيهم مش عاوزك ترجعى مرة واحدة زاى قبل كدا ابدأى بحاجة بسيطة صلى ركعتين قيام بس وواحدة واحدة رجعى قلبك.. هاتى ورقة وقلم واكتبى فيها دى حياتك واختيارك ومحدش مسئول غيرك وهيتعك غيرك وافتكرى اهلك وانتظارهم ليكى والبالطو الابيض.. انتى مش مختارة حاجة سهلة ومافيش حاجة بتيجى بالتمنى.. اقفى مع نفسك وقللها كفاية عبث ومزاج.. واهم حاجة، حطي في بالك إن المرحلة دي مؤقتة، وكل ما تعملي حاجة صغيرة كل يوم، هتلاقي نفسك بتحسني ببطء بس بثبات...
تم النشر الثلاثاء، ١٤ يناير ٢٠٢٥
كلية الطب
تم النشر الثلاثاء، ١٤ يناير ٢٠٢٥
نفسك تدخلى كلية معينة ؟
تم النشر الثلاثاء، ١٤ يناير ٢٠٢٥
انا بقيت بسمع اغاني كتير، بقيت بتفرج علي افلام كتير، انا اصلا بحب الافلام اوي، افلام بقا من اى نوع وخصوصا للاجانب، بس هى مش مخله يعني، بغيب من الدروس برضو،بالنسبه للثانويه انا كنت متحمسه ليها ف الاول، وكنت حاطه خطه وكده، بس كل شيء بقا وحش بعد كده، لما لقيت نفسي براكم ومش بعرف اذاكر ولا اقعد ع الكتاب، نظرا لاني مكنتش ذاكرت قبل كده مذاكره ترضيربنا، مش بعرف اقعد ع الكتاب دقيقتين
تم النشر الثلاثاء، ١٤ يناير ٢٠٢٥
اخبارك مع الذنوب وخصوصا ذنوب الخلوات ؟ وهل إنتِ كنتى مستعدة للثانوية من الاول ولا داخلها وانتِ مش حباها ؟
تم النشر الثلاثاء، ١٤ يناير ٢٠٢٥
معرفش من وقت م دخلت ثانويه عامه والدنيا اتشقلبت وحياتي اتخربت، معرفش في اي والله، كنت بصلي الفجر وقيام الليل والنوافل وبصلي وانا حابه كده وبجاهد نفسي وكنت بذاكر كمان، دلوقتي ولا اى حاجه، حتي ضميري معدش موجود، زهقت بقيت مش عارفه اعمل اى، كنت بجاهد نفسي اوى، لكن دلوقتي مش بقدر خالص، كل اللى انا عايزاه بقوم اعمله
تم النشر الثلاثاء، ١٤ يناير ٢٠٢٥
لية كدا ؟
تم النشر الثلاثاء، ١٤ يناير ٢٠٢٥
انا بقالي شهر ونص مش بذاكر والله، انا لو ريحت اكتر من كده انا هسقط
تم النشر الثلاثاء، ١٤ يناير ٢٠٢٥
يبقى بنسبة كبيرة انتى مضغوطة وعقلك بيدور ع اى طريقة يهرب بيها من الضغط دا.. خدى فاصل من مذاكرتك شوية يومين مش هيأثرو معاكى..خلى اليومين دول ليكى اعملى الى بتحبية واخرجى.. وقاومى نفسك متتأثريش بجو الدروس والاختلاط الى فيها..
تم النشر الثلاثاء، ١٤ يناير ٢٠٢٥
ما هو انا ف ثانويه عامه اصلا، المفروض اشغل نفسي بمذاكرتي مش باقي ع الفاينل غير 120 يوم بس وانا مش عايزه اذاكر ولا عارفه اقعد ع الكتاب
تم النشر الثلاثاء، ١٤ يناير ٢٠٢٥
لعرض الإجابة في فدني اضغط هنا