السلام عليكم
ولد عمتي. كل ما بشوفه بيفضل يبصلي وكدا وانا بعمل مش واخده بالي عادي بس المشكله اني مش ببطل تفكير فيه مع ان مش بينا حاجه وانا 3 ثانوي وعندي مذاكره
ممكن حد يفيدني..؟
وعليكم السلام ورحمة الله وبركاته كل دا من الشيطان ف أستعيذي بالله والرجاء لو كان فيه اى اختلاط او كلام حتى لو مذاكرة ياريت انه يتمنع لأنه ليس من المحارم والرجاء انك تعرفيه انه مينفعش يبنظرلك لانك مش من محارمه ومن بعدها مش هينظر تاني وانا شاب وبقولك النصيحة دي عشان انا عارف تفكيره
تم النشر الثلاثاء، ١٧ سبتمبر ٢٠٢٤
يعني انتي عارفة إن فيه ثالثة ثانوي ومذاكرة، يبقى محتاجة تقفي مع نفسك وتسأليها بحزم، هل التفكير فيه عائد عليكِ بأي فائدة؟ هل تستحق مجرد مشاغلة بالنظرات إنك تضيعي وقتك الغالي اللي انتي محتاجة تحافظي عليه عشان تقدري تنجحي بمجموع محترم وتدخلي كلية جيدة. ابن عمتك لو بيحبك فعلا مش هيحاول يشاغلك بالنظرات. ده لو هو قاصد فعلا وميكونش ده ظن منك. لو بيحبك هينتظر تخلصي دراستك وتنجحي قبل ما يقرر يطلبك من أهلك، غير كده كلام فاضي. انسي الموضوع وافضلي اعملي نفسك مش واخدة بالك وركزي في دراستك. نجحتِ واستقريتِ في تعليمك ومستقبلك وحب هو يتقدم بعد كده تمام وقتها ممكن تفكري هل تعطيه فرصة ولا مش مناسب لك؟ ربنا يوفقك.
تم النشر الثلاثاء، ١٧ سبتمبر ٢٠٢٤
اهم حاجة دلوقتى وتحطيها قدامك هى تالتة اهم سنه بنسبالك دلوقتى خليكى اعملى نفسك مش واخدة بالك زى مانتى لان ممكن بصاتو ممكن تكون إعجاب وكدا وممكن عادى فأنتى متحوليش ان ده ياخد منك تفكير كبير وممكن فى الاخر يطلع عادى عارفة الموضوع بيخليكى تفكرى هو بيبصلى ليه وتبدأى تفكرى بس اهم حاجة دلوقتى مستقبلك ولو ليكى خير فيه او هو فى اتجاه حاجة من نحيتك ربنا يجمعكم
تم النشر الثلاثاء، ١٧ سبتمبر ٢٠٢٤
بلاش تغلطي الغلطه دي علشان غلطها قبلك ومركزتش ف المذاكره وف الاخر مكنش ف نيته حاجه اصلا وكان بيجرني ف الكلام وخلاص ركزي ف حالك انتي اهم ومتشغليش بالك بيه دلوقتي وذاكري واجتهدي وبعديها انتي هتعرفي نيته لو في حاجه واتمنالك التوفيق🤍
تم النشر السبت، ٢١ سبتمبر ٢٠٢٤
مفيش استفاده اكثر من إن... مش هتبقي بتعملي مش واخده بالك لا هو احنا عايزينك ما تاخديش بالك اصلا يعني انت شخصيا بطلي تبصي لابن عمتك. إيه اللي بيخليكي تبصي له؟ بتبصي له عشان تشوفي ان هو باصص لك ولا ل؟ا انت مش محتاجه الدائره دي خالص. بطلي انت تبصي له.
تم النشر الثلاثاء، ١٧ سبتمبر ٢٠٢٤
وعليكم السلام ورحمة الله وبركاته، سونا محمد. أفهم تمامًا ما تمرين به، فالتفكير المفرط في أمور معينة قد يسبب لك بعض التشتت، خاصة في فترة دراستك. إليك بعض النصائح التي قد تساعدك: تركيز على الأهداف : ذكّري نفسك بأهدافك الدراسية، وحاولي أن تجعليها في مقدمة أولوياتك. عندما تركزين على ما تريدين تحقيقه، سيكون من الأسهل لك تجاهل الأفكار التي تشتت انتباهك. التنظيم : قد يساعدك تنظيم وقتك بين الدراسة والراحة. تحديد وقت معين للدراسة وآخر للراحة أو الترفيه يمكن أن يقلل من التفكير المفرط. التحدث مع شخص موثوق : قد يكون من المفيد التحدث عن مشاعرك مع صديقة قريبة أو أحد أفراد العائلة. أحيانًا، مشاركة المشاعر تساعدنا على فهمها بشكل أفضل. تحديد الحدود : إذا كان التفاعل مع ولد عمك يجعلك تشعرين بالقلق، من الجيد أن تحددي مسافة معينة وتحافظي عليها حتى تشعري بالراحة. عدم الضغط على نفسك : تذكري أن هذه المشاعر عادية في فترة الشباب. لا تشعري بالذنب حيال ذلك، لكن حاولي إدارتها بذكاء. إذا كان التفكير المفرط يؤثر بشكل كبير على دراستك ونفسيتك، يمكنك استشارة مختص نفسي للحصول على الدعم المناسب. تمنياتي لك بالتوفيق في دراستك وبالتوازن في حياتك.
تم النشر الثلاثاء، ١٧ سبتمبر ٢٠٢٤
لعرض السؤال في فدني اضغط هنا