بجد وصل الموضوع للتفكير في انهاء الحياة
اقولكم نصيحة اوعو تعملو حاجة تندمو عليها بعدين لان عدو الانسان الاول الجهل والذنب حتى لو حاجة بسيطة
الموضوع اللي مضايقني ممكن تستهيفوه اوي بس بجد بدأ يوصل معايا لمراحل صعبة
الموضوع حصل من ٧ سنين
كان اخويا جايب قطة كنت بضربها وبضايقها كتير
المهم حصل حاجة جت من عند ربنا خلت القط دا يموت
انا شايلة ذنبه لغاية دلوقتي ومش عارفة احس براحة كل مفتكر الموضوع بيضايقني لكن الواضح ان ربنا عمل كدا عشان احس بذنب مدى الحياة واللله يجماعة بقى بيظهرلي فالاحلام واستغرب انا ازاي عملت كدا وقتها ولية ولية ذنبه انه يعيش متعذب ويموت موتة اليمة ممكن تستهيفوه بس انا لسة فاكرة نظرته الاخيرة ليا وهو بيتسنجدني ومعرفتش اعمله حاجة تنقذه
وكل مافتكر استغرب هو انا لية عملت كدا سعتها وكنت بضربها وبحس اني استاهل يتعمل فيا بلاوي الدنيا عشان معطفتش على كائن مسكين ملوش ذنب انه يتربى معايا
حد يقولي حل بجد كل مافتكر قلبي بيوجعني اوي بقول استاهل موتي تبقى وحشة
بصي تخطي ، كل بنادم بيخطئ و مش كل الناس بتعرف خطأها كون ان انت عرفتي خطأك يبقي خلاص حاولي مثلا في مقابل دة تبدأي تشتري ولو اكل بسيط من اي حته وتحاولي تاكلي القطط اللي في الشارع تحط لهم ميه وكمان لو عندكوا عيش ناشف في البيت كسريه وحطيه في البلكونه كسريه حطيه يعني جوه عارفه علبه الايس كريم اللي بتبقى كبيره دي حطي جواها العيش ده وهو متكسر واي حمامه طايره هتيجي تقف تاكل وانت هتاخدي ثواب لان الحمامه دي هتدعي لك وكمان دايما علقي في نفس البتاعه بتاعه الميه دي بتاعه قصدي الايس كريم حطي جواها ميه وسيبي اي طائر يشرب منها اي حيوان كمان لو هتسيبيها في الشارع يشرب منها وربنا هيغفر لك باذن الله يا حبيبه قلبي وزي ما قلت لك حاولي تتخطي وتنسي وتتعلمي انك ما تاذيش روح ثاني ابدا حتى لو الروح دي هي اللي اذيتك هي ما زالت ما عندهاش مخ ✨✨
تم النشر الثلاثاء، ١١ يوليو ٢٠٢٣
احساسك ده عدى الذنب نفسة بمراحل سواء كنتى مدركة للى بتعمليه او لا ( وقت ما حصل يعنى ) فانتى حاسه دلوقتى بدرجة الغلط بتاعته ودى بتبقى اول خطوة اصلا عشان نصلح اى غلطة وبالعكس بدل ما تبقى بتتمنى لحياتك حاجة وحشة بسبب ده ...فانتى انوى ان حياتك تكون كلها حنيه على كل المخلوقات . وهيبقى الموقف ده رغم صعوبته من الحاجات اللى هتأسس حاجات جميلة ومستمره فى حياتك ان شاء الله اسمعى بالنصيحه الجميلة اللى فوق هنا وقدمى اكل للحيوانات او الطيور وهتلاقى الحسنات يذهبن السيئات بامر الله تعالى.
تم النشر الثلاثاء، ١١ يوليو ٢٠٢٣
بصي إعملي خير گتير وادعي ربنا يسامحگ وربنا گبير متقلقيش صلي وادعي وإنشاء الله ربنا بيسامح ساعات بنغلط علشان تبقا حياتنا مثاليه اگتر
تم النشر الأربعاء، ١٢ يوليو ٢٠٢٣
الموضوع دا حصل معايا حاجه مشابهه ليه بس الحل الوحيد الي عرفت الاقيه هو اني ادعي كتير وأحاول أني انسى وادعي أن ربنا يسامحني على دا و أن القطه تسامحني على دا عشان طبعا اي انسان فرضا هيخاف من عقاب ربنا
تم النشر الثلاثاء، ١١ يوليو ٢٠٢٣
التأسف والندم شيء، ولكن التعامل مع الذنب بصورة غير صحية هو شيء آخر. كلنا نخطئ، ولكن يجب علينا أن نتعلم من أخطائنا ونسامح أنفسنا بصورة صحية. أنت كنت طفلاً، وربما لم تكن تدرك حجم ما تفعله. ما زلت تشعر بالذنب بعد كل هذه السنين، وهذا يدل على نقاء قلبك. أنت الآن شخص آخر. حاول التركيز على الأمور الإيجابية في حياتك الآن، وعلى كيفية مساعدة الآخرين والتعامل معهم بلطف. لا تنس أن الله رحيم وغفور، وأنه يحبك. أتمنى لك كل التوفيق.
تم النشر الثلاثاء، ١١ يوليو ٢٠٢٣
{قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ} ، خلاص عرفتي غلطك وندمتي، اتجهي للوجهة الصحيحة بقى، اذهبي لله فهو المأوى والأمان والاستقرار للعبد، توبي لله وادعي أن يغفر لك ويرحمك، و صلّحي من نفسك، الشيطان بيستغل بني آدم في لحظات زي اللي انتي فيها، في ناس ماتوا ملحقوش يعملوا الصح، وربنا لما اداكي الوقت والصحة يبقى لسه فيه فرصة، استغليها صح يرحمك اللّٰه.
تم النشر الثلاثاء، ١١ يوليو ٢٠٢٣
الموضوع دا حصل معايا حاجه مشابهه ليه بس الحل الوحيد الي عرفت الاقيه هو اني ادعي كتير وأحاول أني انسى وادعي أن ربنا يسامحني على دا و أن القطه تسامحني على دا عشان طبعا اي انسان فرضا هيخاف من عقاب ربنا
تم النشر الثلاثاء، ١١ يوليو ٢٠٢٣
لعرض السؤال في فدني اضغط هنا