أنا بحب وحدة... وقلبي مرتبط بيها جدآ.. ونفسي اكلمها واعترفلها بحبي. لاكن مش قادر.. في فرق كبير بيني وبينها. زي المال.. انا كل ما بشوفها قدامي بصراحة ما بحسش بى حاجة. بيبقا كل الفى دماغي إني أمشي وراها لحد البيت.. فهل ده صح ولا لا.. ويوم الاحد القادم ده هايبقا اخر يوم في الترم الاول وأجازة نصف العام.. فهل اكلمها في اليوم ده ولا لا.. انا بجد محتار جدآ ومش لاقي اي حد اتكلم معاه وينصحني اعمل اي. ولما نزلت البرنامج ده.. قلت اكيد ها يفيدني بحاجة
ارجوكم عايز اي حل عشان ارتاح.
طيب انتى ترضى ان حد يمشي ورا اختك ويعمل معاها كده؟ وهل لو فعلا مشيت وراها وقلتلها انك معجب بيها كده انت حليت الموضوع لا انت كده مطلوب منك انك تظهر ف الصوره قدام اهلها كمان وتخطبها طيب انت متاح معاك انك تخطبها دلوقتي؟
تم النشر الأربعاء، ١٨ يناير ٢٠٢٣
الحب مش بتحتاج تعترف به بينك وبينها زي ما تكون هتعترف لها أنك غشيت منها الامتحان!! الحب معناك أنك تروح في نور الشمس لحد بيتها وتقابلها وسط أهلها وتطلب يدها! غير كدة يبقى كلام فاضي وعلاقة عابرة من علاقات رصيف الجامعة!! أنت دلوقتي قدامك خيارين .. إما أنك تكتم حبك حتى تتيسر ظروفك وتبقى قادر تتقدم أو تطيع هواك وتقتحم قلبها وتعذبها معاك كم سنة أو تعذب نفسك معاك لو رفضتك وبعدها تيجي تحط سؤال جديد في فدني عن العلاقة اللي بتنتهي نهاية مؤسفة زي الأسئلة الكثيرة اللي هنا .. وما أقواك لو خالفت هواك!
تم النشر الأربعاء، ١٨ يناير ٢٠٢٣
بتحبها ازاي؟ أو على أي أساس بتقول انك بتحبها؟ نتفق من الاول على حاجة .. تحديد مشاعرنا اتجاه الاشخاص مهم جدا .. ازاي اساسا الواحد يحب من طرف واحد؟ ده جزء. ازاي تقول انك اساسا بتحب حد وانت مش على علاقة به؟ ده جزء. المشاعر اللي بتحسها ده اعجاب مش حب .. دماغك هي اللي عامله ده كله .. يعني انت لما تقول لنفسك انا زعلان جدا مش قادر اتحرك من مكاني .. عقلك هيقتنع ب ده وهيصدقه حتى لو مكانش موجود. مفيش حب من طرف واحد .. ومفيش حب من اول نظرة .. ده بيبقى انجذاب واعجاب ليس اكثر وانت عقلك بيترجم بقى الموضوع غلط لانك بتعتبر ان ده حب. لكنه مش حب! ايه اللي مانعك انك تروح تقعد مع اهلها طالما عجباك؟ ما انت عارف بيتها .. ايه اللي يمنع؟
تم النشر الأربعاء، ١٨ يناير ٢٠٢٣
السؤال الوحيد اللي جيه في بالي وان بقرأ كلامك ان ليه تمشي وراها للبيت ؟ ايه الافادة من دة؟
تم النشر الأربعاء، ١٨ يناير ٢٠٢٣
لعرض السؤال في فدني اضغط هنا