صباح الخير، أنا شاب عندي 22 سنة بدرس في كلية محترمة من كليات القمة الحمدلله بس أنا الأول كنت ملتزم دينيا جداً و حافظ لكتاب الله، بقالي فترة كبيرة جداً مش بصلي خالص و مش بذاكر و حرفياً بحس إني مكنتش استحق مكاني في الكلية دي و إن مفيش مستقبل ولا حاجة و في نفس الوقت شايف كل الناس دول أغبياء حتى لما حد بينصحني في حاجة انا عارف هو عايز يقولي اي و لو حد سأل سؤال بعرف أرد أيا كان المجال اللي بيتكلم فيه، و حالياً لما اهلي بيتابعوني في الصلاة بصلي ساعات من غير وضوء و اقولهم إني متوضي، غير الخلافات بيني و بينهم، و دائما شايف نفسي مختلف عن الاغبياء اللي حولي، و حتى لما روحت ل طبيب نفسي كنت شايف إنها بتتكلم في كلام تافه ملوش علاقة بصلب الموضوع و إنها ضمن فئة الاغبياء، أرجو الإفادة و اوعدكم مش هتبقوا من ضمن الفئة دي
مساء الخير ايها الشاب الذكيهقول لك على واحده من القواعد اللي لما الواحد بيحب يبص على العلماء في اي مجال ويحب يتاكد ان ده عالم حقيقي ونقدر يعني نتخذ قدوه او ان احنا فعلا نسمع منه لانه دلوقتي طبعا استحق كتير الحمد لله ما شاء الله يعني العلماء كتير كمان الناس المزيفين كتير فبنعرف منين من النقطه دي لما بنلاقي الشخص بيتكلم ان انا انا انا انا ما فيش زي اثنين على الارض وبيكون عنده جزئيه وكانه ملك علم يعني مش عند حد تاني على الارض فبنعرف ان الشخص ده لسه مش في درجه العالم. وهو لسه في مرحله من مراحل جهل. يعني اولا ادعو الله ان هو يعني يرزقك نور البصيره لان دي من اهم الحاجات اللي ممكن البني ادم يكون عنده بصر بس ما يكونش عنده بصيره البصيره دي اللي بتخليك تبص اعمق مما تراه العين بالبصر. خليني اقول لك على كل اللي بيحصل معك ده. هو هو بالضبط اللي حصل مع الشيطان مع ابليس لما ربنا قال له ان هو يسجد مع الملائكه لسيدنا ادم وهو الافه اللي كانت عنده واللي ظهرت من جواه هي التكبر او الابر هي اللي عملت كل الازمه دي هي اللي خلته ملعون لان هو رفض العلم اللي ربنا اداه لسيدنا ادم به ربنا فضله على باقي المخلوقات فهو تكبر على ده وشاف ان هو احسن من اللي قدامه ده بيحصل مع اي بني ادم لما يكون الشيطان ما لقاش معاه اي مدخل. فوضع ان الشيطان ما لقاش معك اي مدخل لانه انت ما شاء الله بني ادم ده كده بتعرف تفكر عندك ثقافه وعندك علم شرعي او عندك ما تيسر لك من حفظ القران والصلاه فما لقاش معك مدخل يعني ما عرفش يبقى عكس ما لقاش بعجل الحته دي لا معك المدخل ده ونزلت كان هو اسهل حاجه بالنسبه له نجح للاسف. طيب هتعمل ايه بعد ما شيطان نجح في ان هو يخليك تعمل زي ما هو عامل زبط ويعلي جواك الفكر بتاع الكبر فيخليك تتمر.
تم النشر السبت، ٣٠ مارس ٢٠٢٤
السلام عليكم ورحمة الله تعالى وبركاته مبدئيًا اللى بتحس بيه ده بيكون شيء طبيعي و بيحصل انك تبعد عن البشر وهما اغبياء ف ده بيحصل كتير و لكن تقصيرك ف الصلاة ده اسمه فتور ف الصلاة حاول بقدر الامكان ترجع تصلي تاني عود نفسك انه انت نازل القبر لوحدك ضلمه وضيقه و عذاب الصلاة باب عشان ندخل الجنة وانا كنت زيك و بقيت احسن الحمدلله وعن تجربه كمان.
تم النشر الجمعة، ٥ أبريل ٢٠٢٤
اولا اعتقادك أن الناس اغبياء فهذا غباء منك لو ظن العالم أنه عالم فقد جهل اعلم أيها الشاب أن كل انسان يمر في حياته بالنجاح والفشل وكله وارد لامحالة ولكن العاقل من يدرك ويصحح من أوضاعه لانه هو أعلم لها من غيره فارجع كما كنت وعليك بتلاوة القرآن والتسابيح والتدبير في الكون وعليك أن تكون في سمينة مع خالقك رب العالمين فسبحان من يغير ولا يتغير
تم النشر الأحد، ٣١ مارس ٢٠٢٤
معني انك بتراجع نفسك ومتردد يبقي انت كده لسه ضميرك صاحي ذي مابيقولوا فأنت لسه تقدر ترجع تاني لربنا وتصلي وتقرأ القراءن كتير هيريح معاك اوي وطول مانت قاعد اتوضي ومش لازم تكون هتصلي الوضع واقعد ادعي بالهدايه لنفسك كتير وبالنسبه لرؤيه الناس اغبيه يبقي انت كده نفس الغرور بدأت تظهر فيك وانت لازم تذلها لان النفس اماره بالسوء ومش عيب خالص انك تزلها الامام الشعراوي كان بيذل نفسه ويكسرها وكتير من الخلفاء الراشدين ايضا واقعد مع نفسك كتير و واقعد مع نفسك وابدا حاسب نفسك على كل حاجه في يومك كل يوم وابدا ذاكر لان المذاكرة اصلا بتشغل وبتخرج من المود وملكش دعوه بكلمه مرض نفسي لان لو دخلت السكه ديه مش هتخلص صدقني وده عن تجربه
تم النشر السبت، ٣٠ مارس ٢٠٢٤
انا شايف انك تقعد مع نفسك كدة وتفكر مع نفسك او اقرب حد تثق فيه ويكون شخص واعي ويقدر نفسيتك وتتكلموا في موضوع المستقبل الخاص بيك وبما انك قلت (انك بتجاوب على اي سؤال اي حد بيسأله لك اين كان المجال ) ده معناه انك شخص مثقف بشكل ما أو عندك رؤية بتقدر من خلالها تبدي رأيك فيه وده ممكن يبقى حاجة جميلة جدا لو صبيت اهتمامك في مجال انت بتحبه وهتحقق فيه نجاح كبير / أما بالنسبة لموضوع الصلاة يا صديقي ده شيئ لابد منه انا مش هقدر أفيدك فيه اوي وفي ناس اعلم مني تقدر تساعدك بشكل احسن بس ممكن اقولك حاجة بسيطة وهي أن احنا كبشر ربنا خلقنا لسبب لا يعلمه إلا هو وان الموت كدا كدا هيحصل فانت حاول توازن مابين الدنيا والآخرة يعني متكسبش الدنيا وتخسر الآخرة والعكس هو ممكن يكون عند بعض الناس الموضوع صعب بس هو يستحق
تم النشر السبت، ٣٠ مارس ٢٠٢٤
فى حاجة حصلت الفترة الى فاتت وصلتك لده؟ بتشوف كل الناس اغبياء؟ كلهم ولا فى ناس قريبة منك تقدر تشارك افكارك معاهم؟ أو حتى شخصيات عامة شايف أنهم كويسين؟
تم النشر السبت، ٣٠ مارس ٢٠٢٤
عليك علي قيام الليل والله العظيم حياتك تتغير والمهم تعمل الخطوات الصحيحه وتكون انت وقلبك بجد مستعدين وانك تاخد قرار انك تتغير وتكون افضل
تم النشر الأحد، ٣١ مارس ٢٠٢٤
اسفة لو طولت عليك بس حبيت افيدك وعاوزة اقولك اني فهماك جدااا خصوصا فحتة الغرور دي لان انا بحس نفس الإحساس فبقولك النصائح من واقع التجربة،وبرضو عاوزة اقولك انك انسان كويس جداا وتستحق الكلية دي فكرة ان ضميرك يأنبك وتحس انك غلطان ده معناه انك شخص كويس من جواه،فكرة انك تحس انك مغرور ده معناه انك مش مغرور اصلا ولا عندك امراض نفسية،لأن للاسف المغرور أو النرجسي أو المتكبر مبيبقاش حاسس بنفسه أصلا ،فأنت باين عليك طيب وقلبك نضيف وإن شاءالله ترجع احسن من الأول،عليك بالدعاااء بجد الجأ لله واشكيله وبإذن الله ربنا يهديك ويردك إليه ردا جميلا
تم النشر السبت، ٣٠ مارس ٢٠٢٤
ووالله انك تستحق الكليه ال انت فيها اصل ربنا عادل اوووي ورحيم اوووي ولو هو مكنش شايف انك تستحقها صدقني مكنتش دلوقتي فيها ولو انت حاسس انك مستواك قل فدا طبيعي لأنك ابتعدت عنه ربنا قالك" ومن أعرض عن ذكري فإن له معيشة ضنكه " قرب والله من ربنا "إن الله قابل التوب وغافر الذنب " مهما كثر ذنوبك وتخيلاتك انك اذكي واحسن وتكبرك فإن ربنا يقبل التوب وليس التوبه يقبل الله جميع التوب توب وارجع مليون مره وربنا يكرمك ويحسن من أخلاقك وتفكيرك ويكرمك في دراستك ويحسن علقتك باهلك
تم النشر السبت، ٣٠ مارس ٢٠٢٤
الفكره بسيطه جدا انك تقرب من ربنا ومش قصدي تقرب انك تقرب عادي مجرد صلاه و مجرد انك تظهر لأهلك انك بتصلي او عشان ترضي ضميرك تقرب من ربنا بكل شئ فيك عقلك وقلبك وجوارحك وتخلص في القرب اووي وتكثر من الدعاء وانك لازم تقعد بعد كل صلاه شويه وقت في المسجد متمشيش بمجرد ما تنتهي لان الله ينزل سكينه وطمأنينة للقلوب والعقول ولو انت بتعمل ذنب او كبيره فتوقف عنها لان الفكره لان ربنا سابك لنفسك وهي كفيله انها تهلكك وعشان كده بتفكر انك اذكي وانك في مجتمع كله اغبياء وانك تتخانق مع اهلك دي كلها أفعال نفس اماره بالسوء
تم النشر السبت، ٣٠ مارس ٢٠٢٤
في أوقات الواحد غصب عنه بيبدأ ينعزل عقليا عن الي حواليه ولمجرد أنه وصل لمكانه غيره مقدرش يوصلها بيشوف انه احسن منه وان ده جه بمجهوده لانه أذكي من الي حواليه وحتي بيكون شايف نفسه متدين وكويس وأحسن من غيره لمجرد أنه بيسمع فديوهات ويقرأ في السيرة هو جميل جدا أنك فعلا تقرأ في كتب دينيه و تثقف نفسك بس انت نسيت حاجه وهو ان أي حاجه كويسه بتحصلنا بتكون فضل من ربنا علينا مش اكتر لو بطلت تحس بده وتنسب الفضل لنفسك ربنا ممكن يسحب كل النعم الي هو إدهالك عشان يعلمك انه ده فضل ورحمه منه عليك أول حاجه تعترف لنفسك انك عايزة ترجع أحسن لربنا أولا ثم لنفسك وتاني حاجه تبدأ بدايه جديده بنيه جديده (إنما الأعمال بالنيات ولكل إمرئ ما نوي) شوف نيتك وانت لتذاكى عشان تبقي احسن من الاغبياء ولا بتذاكر لنفسك وانت تستخدم العلم ده فيما يرضي الله نيتك وانت بتصلي بتمثل قدام اهلك ولا النيه خالص لوجهه الله ادعي كتير علي قد ما تقدر اوعي ابدا تبطل دعاء ان ربنا يهديك ويقربك منه واعترف انك بني أدم زي أي بني أدم وكا بني أدم خطأ ربنا يارب يقربك منه ويثبتك لأي خطوة صح بتخدها وان شاء الله تتحسن فكريا ونفسيا
تم النشر الأحد، ٣١ مارس ٢٠٢٤
و فكرة انك تشوف نفسك مش مستحق لمكانك .. إسأل نفسك و اكتب اللي مضايقك طب ليه انا مش مستحق المكان دة ، هو انا متبعبتش يعني ؟ مين اللي كان بيسهر عشان يوصل للقمة ، مين اللي كان يبقى يحلم يبقى هنا ؟ هل انا لسة حابب المكان و هل اصلا انا كنت عايز المكان دة ولا هما اللي كانوا عاوزني ابقى هنا .. اتعرف على نفسك اكتر و افهم عايز اي و مش عايز اي و خليك متصالح مع ذاتك
تم النشر الأحد، ٣١ مارس ٢٠٢٤
و بالنسبة لإنك شايف كل اللي حواليك اغبية حاول اقرا زي كتب surrounded by idiots. او 101 essays that will change the way you think .. أو this is how you heal .. اتمنى يفيدوك
تم النشر الأحد، ٣١ مارس ٢٠٢٤
اولا داوم على الاذكار و قوي علاقتك بربنا و ارجعله حتى لو أذنبت الف مرة توب بقلب سليم و جديد و جدد نيتك لحياتك.. يمكن مريت بحالة زيك فترة كبيرة بس الواحد مهما عمل مش هتلاقي أن في حد بيخاف عليه و عايز مصلحته غير ربنا . اسمع بودكاست زي وعي و فنجان و غيره كتير اقرأ كتب زي لانك الله .. أو رسائل من القرآن .. استمتع بكل لحظة ف حياتك لأن انت مش ضامن هتعيش لحد امتى شوف الحاجة بإيجابية و لو الدنيا كلها واقفة ضدك اعرف ان في واحد معاك و هو ربنا .. اتمنى تكون استفدت و ربنا يصلح حالك
تم النشر الأحد، ٣١ مارس ٢٠٢٤
اجابتي مش هتكون ابعد من كل الكومنت اللي مكتوبه نصحتي ليك ياصديقي أنك تعدل من نفسيتك انت اكيد عليك ضغط نفسي كبير أنا نفسي لما ببقي عليا ضغط كبير اول حاجه بعملها بواقف صلاه مع أن دي اكتر حاجه أنا محتاجلها بس بلاقي نفسي بقطع حتي في شغلي بس اني مش عايز اروح بحس اني مش حبب الناس محتاج افضل لوحدي شويه افصل ب معاناه اصح ده غلط ياصديقي علاج نفسيتك وأنت هترجع لكل حاجه في حياتك عادي
تم النشر السبت، ٣٠ مارس ٢٠٢٤
ممكن من تفكير نفسي اكتر بعدت عن ربك ومفيش حد غريب او ميستحقش نفسه يكون عارف غلطته انت ممكن بتتعامل مع ناس مش فاهمك او مش عارفه توصل ل دماغك ف كلامك وتعاملك والصلاه دي اضطرابات نفسيه وهتتحل لما تبطل تفكير زياد او تقعد مع نفسك كتير اسفه لو كومنت بتاعي هيضايقكك
تم النشر السبت، ٣٠ مارس ٢٠٢٤
دا اضطراب الشخصيه النرجسيه
تم النشر السبت، ٣٠ مارس ٢٠٢٤
بص هو أولا اول حاجة تعملها انك ترجع تصلي وفي فيديوهات كتيرة عن الانتكاس فالعبادة اتفرج عليها وبإذن الله ربنا يتوب عليك ويردك إليه ردا جميلا،وإفتكر ان الصلاة أو الفروض بمعنى اصح دي بجد مفيش حد هيدخل الجنة من غيرها ويوم ماتنتكس انتكس فالنوافل او عالاقل انك تسمع اغاني متقرأش قرآن ماشي لكن انك تسيب الفرض صدقني ده مفيهوش هزار،وانا هنا مش بقولك روح اسمع اغاني بس اقصد ان الفروض الخمسة ميتسابوش مهما حصل ،حوار بقى انك مغرور أو شايف غيرك أقل منك فده ممكن يكون حقيقة فعلا انا ذات نفسي بقيت اشوف اغلب الناس اغبية من تصرفاتهم😂 الحل هو انك تواضع لله وتعرف ان ذكائك أو معلوماتك أو فكرة انك فاهم فكل حاجة واي حد يسألك ترد ده من فضل الله عليك ورزقه ليك عشان كده كل ما تحس انك مفيش منك احمد ربنا وقول هذا من فضل ربي وافتكر ان اي حد بيتغر بالنعم اللي فايده ربنا بيزيلها منه زي قارون كده،وحاول تعامل الناس حلو وبتواضع ومتقولهمش انتوا اغبية أو تتعصب عليهم لا يدخل الجنة من كان في قلبه مثقال ذرة من كبر،وأيضا قال رسول الله)ص( وما تواضع أحد لله إلا رفعه،وادعي ربنا دايما اللهم إني أعوذ بك من الكبر والغرور
تم النشر السبت، ٣٠ مارس ٢٠٢٤
شاكر ليكي جداً
تم النشر السبت، ٣٠ مارس ٢٠٢٤
وادعي كتير اووووووووي اللهم ازل من قلبي الغل والحقد والكبرياء والضغينه
تم النشر السبت، ٣٠ مارس ٢٠٢٤
اسمعها تاني َن ناس مختلفه اسمع حد زي انس اكشن بيتكلم في سيرة السول وحاجات جديده مكنتش تعرف عنها حاجه في الدين هتخس انك في عالم مختلف هتفرق معاك صدقني
تم النشر السبت، ٣٠ مارس ٢٠٢٤
شكراً لحضرتك
تم النشر السبت، ٣٠ مارس ٢٠٢٤
أقرأ سوره البقره كل يوم داوم ع الأذكار
تم النشر السبت، ٣٠ مارس ٢٠٢٤
المعارك الي خاضوها وانتصرو فيها عشان يثبتو الدين
تم النشر السبت، ٣٠ مارس ٢٠٢٤
والله عملت كدة عارف معظم المعارك و سيرة النبي و حاجات عن إبداع ربنا في خلقه
تم النشر السبت، ٣٠ مارس ٢٠٢٤
أقرأ كتير في الدين اتفقه في الدين اوووي اسمع قصص الصحابه والمعارك الي خاص ها وز
تم النشر السبت، ٣٠ مارس ٢٠٢٤
لعرض السؤال في فدني اضغط هنا