السلام عليكم
محتاج افكار والعاب أون لاين ينفع العبها مع خطيبتي لاني من بلد وهي من بلد و عندنا وقت فراغ ... ممكن افكار لعب وشكرا ليكم
لعبة عريس وعروسة .. بس بعد ما تكتبوا الكتاب!! وأما قبل الكتاب فخطيبتك تعتبر أجنبية بالنسبة لك ولابد أن يكون فيه حدود بينكم في التعامل .. والحدود دي مش من عند أي حد ولكن من عند ربنا .. هو اللي حطها لأنه أدرى بمصلحة عباده .. والحدود دي برضه هي اللي هتحافظ على زواجكم المستقبلي إن شاء الله من أن يتم استنزاف العواطف اللي ستغذيه في هذه المرحلة .. وحاول تتخيل لو أن خطيبتك دي كانت مخطوبة لواحد قبلك وبتلعب معاه زي ما أنت بتلعب معاها .. شعورك أنت هيبقى إيه أنصحك تقرأ في حدود العلاقة بين الخاطب وخطيبته .. وربنا يتمم لكم على خير
تم النشر السبت، ١٤ يناير ٢٠٢٣
شوف كورسات او كتب بتتكلم عن الزواج، الحقوق والواجبات وفن التعامل بينكم عندك مثلا كتاب (تحفة العروس/ الزواج الاسلامي السعيد/العطر الفياح من الخطبة للنكاح) وغيرهم كتير اقرؤوا واتناقشوا سوا وربنا يسعدكم ويجمع بينكم في خير
تم النشر الأربعاء، ١ فبراير ٢٠٢٣
في العاب زي بابجي او لودو وفي ماستر كوينز وممكن كمان تشاركوا انشطه زي القرأه او تشجيع على الرياضه او عبادات او تشاركوا مسلسلات تشوفوها وتحكوا عن تفاصيلها لبعض وممكن تشاركوا اهتماماتكم ومشاكل شغلك والحجات الحلوه فيه كمان وتسمع منها في المقابل واكيد كل ماكان في تنوع في انشطه التفاعل حتى لو عن بعد هيقرب بينكم المسافه وبالتوفيق ان شاءالله
تم النشر الأحد، ١٥ يناير ٢٠٢٣
اقروا كتب
تم النشر الأحد، ١٥ يناير ٢٠٢٣
ممكن تتشاركوا فى انشطة تانيه كتير تسمعوا حاجة وتتناقشوا فيها وقت الرؤية او الزيارة وسط الاهل. تقرأوا كتاب وتتنافسوا مين يخلصوا الاول تاخدوا كورس خفيف فى اى مهارة شخصية او اجتماعية تفيدكم فى التعامل مع بعض وهكذا ...اعتقد ده افضل من اى العاب اون لاين بعتذرلك لو معنديش اى معلومة تخص الالعاب
تم النشر السبت، ١٤ يناير ٢٠٢٣
لعرض السؤال في فدني اضغط هنا