طيب هل من الطبيعي يا يوسف اننا ناخد قيمتنا وحبنا لنفسنا من اشخاص؟ يعني الاكيد ان معظم الناس مرت بحاجات صعبة وتجارب قاسية، هل مثلا لو انت دلوقت ارتبط ب بنت شوية وقت واتخطبتوا مثلا، ولكن اكتشفت شوية حاجات فيها وهي مكانتش مناسبة ل طريقة حياتك او مش متوافقة مع فكرك، او اتغيرت في بعض افكارها واصبحت مش مناسبة ليك. هل ينفع نقول انك بتكرهها؟ هل يفع نقول انها لا تستحق الحب؟ اكيد لا، لان اللي حصل كان بسبب اشياء معينه، ان مفيش نصيب بينكم، وان لكل حد فيكم شخصيته اللي قرر مثلا انه مش هيقدر يتنازل عنها، ف قررت انك تبعد. محدش له الحق انه يقرر اننا نتحب او لا يوسف، انت اللي بتدي لنفسك الشعور ده، انت ل اما بتحب نفسك او لا. قيمتك من نفسك وبس مش من حد تاني. وانت قولت لنفسك ف باقي النقاط اللي ذكرتها حد كويس ومش بتأذي حد ومش وحش وبتحاول وبتجاهد تقرب من ربنا. هذا حديث صحيح عن النبي صلى الله عليه وسلم: "قال الله: أنا عند ظن عبدي بي، وأنا معه حين يذكرني، فإن ذكرني في نفسه؛ ذكرته في نفسي، وإن ذكرني في ملإ؛ ذكرته في ملإ خير منه، وإن تقرب إلي شبرًا؛ تقربت منه ذراعًا، وإن تقرب مني ذراعًا؛ تقربت منه باعًا، وإن أتاني يمشي؛ أتيته هرولة" اما الكلية ف تفائل خيرا، يعني يا يوسف كل الناس اللي مدخلتش الكلية مغضوب عليها ؟؟ اكيد لا محدش هنا بيدخل اللي و عايزه الا قليل، لان الموضوع زي ما انت شايف كده بالتنسيق. ف الموضوع اتمنى انك تاخده بسلاسة شوية. والكلية مش اخر العالم والله، تقدر تتعلم اي شئ اونلاين وتشتغل بيه. الموضوع دلوقت بين ايديك، مش زي زمان كان الواحد لازم يروح هنا وهنا ويسافر علشان بس يحصل على شوية معلومات، اما دلوقت انت تقدر تعرف اللي انت عايزه وتتعلم حاجات كتير وانت ف مكانك. ف استغل كل ده لصالحك، وبلاش تعند مع نفسك. ربنا يوفقك
تم النشر الاثنين، ١٦ أكتوبر ٢٠٢٣
نفس اللي بيحصل معايا والدنيا ملطشه معايا وخربانه بس حاول تكون واثق من نفسك وماتقللش من نفسك خليك قوي واستغل علي نفسك كتير اللي فات فات ركز في اللي جاي
تم النشر الخميس، ١٩ أكتوبر ٢٠٢٣
هو غالبا ماما وبابا لما كنت بتغلط وانت صغير كانوا بيقولوا لا انا مش بحبك عشان مش بتسمع الكلاام
تم النشر الاثنين، ١٦ أكتوبر ٢٠٢٣
حاول ترضي بالحصلك بس والربنا كتبه هيجلك صدقني رزقك محدش هيخده غيرك سواء شغل كليه فلوس اما العندك دا تراكمات بس من كل البيحصل والسابك دا حسسك بس انك مش كافي واعدت تسأل نفسك هو انا وحش؟ هو سبني ليه؟ هو انا عملت حاجه وحشه؟ هو عمل كدا ليه؟ صدقني دي حاجه طبيعيه انها تحصلك بعد الحصل دا فحال تتقبل الحصلك اما بالنسبه انك متستحقش الحب وكدا فهي صدقني مجرد تراكمات بيوهمك بيها عقلك الباطن من الحصل حاول ترضي بالحصل بس عشان دا هيفرق بجد البيحبك ومش مصدقه لو مش هتصدق كلامه صدق افعاله علي الاقل الافعال ديما هي البتفضح الانسان وبالتوفيق ليك وربنا يرزقك
تم النشر الخميس، ١٩ أكتوبر ٢٠٢٣
لعرض السؤال في فدني اضغط هنا