مش عارفه عاوزة اى بس بحس انى نفسي البسوا ومتردده
بالإضافةة للإجابات الموجوده خليني انبه على حضرتك فِ كذه نُقطةة بس أُعذريني. مش قصدي أصعب عليكِ الأمر ارجوكي لو هتلبسي الخمار إلبسِيه صح بمعنىٰ إنه ميكونش مُلفت ولا زينةة فِ نفسه فهماني عشان تكوني وفيتي الشروط شوفي احنا كُلنا بنسعى إن يكون لبسنا يُرضِي اللّه تمام بنسعى والسعي لازم تبان خطواطة فاهمةة او تأثيره علينا بمعنى انك تكوني فاهمةة ان الخمار مش هيتلبس وفي حزام فِ الوسط محدد الجسم ده هيخالف شرط او انك تكونِي لابسة حاجة شويةة مجسمك ونقدر نحدد حجم أعضائِك او حاطة روج او كده فاهمةة شوفِي الواحد بيخاف يعمل حاجةة غلط حد يقلده فَـ يشيل وزره و وزر غيره فاهماني والله وكلنا بنسعى ان يكون لبسنا يرضي ربنا وده كويس كل ما يكون فِي تقدم ملحوظ باين عليه شوفي الحجاب الشرعي فرض على المرأه وطول ما هيا بتعمل العباده دي بتأخد أجر عليها شوفي خليكي فاهمةة أقول لحضرتك هيا راحهة إنك تكونِي بتعسي إنك ترضِي ربنا وبتخالفِي الهوا فهمانِي مش هيكون فِي تأنيب ضمِير من حاجةة انك مفروض تعملي كذه ونتِ معملتيهوش زي الصلاه بالظبط، الخمار هيأدب تصرفاتك هيخليكي تستحي تعملي حاجةة ونتِ لابسةة كده عشان متشوهِيش الصورة دي مش بقول ان البني أدم معصوم من الغلط ولا حاجةة انا اقصد إن حضرتِك تسعِي لِـ ده فاهمةة. هتحتاجي تصبري على اي حاجةة هتمُري بيها إنك هتلاقي فجأه كده بدأتي تلاحظي ان الخمار مكبرك وخافِي جمالك فِعلا وفِ لبس تاني شكله أحلى وهكذا فهمانِي بس دي فِتن اتحمليها هتخرجي منها براحه صدقيني تمام ممكن تسمعي من اللي حواليكي لاء مكبرك وكده وخليني أقولك هدف الخمار انه يخفي جمالك فاهمةة بحيث انك متفتنِيش حد وتتأذِي فاهمةة مش هقولك ان البنات المُختمرات مش بيتعاكسوا ولا حد بيتحرش بيهم وكده فاهمةة لاء بتحصل بس استعيني بالله وحاولي متسكُوتِيش ماشي. ومتسمعيش للحواليكي دول لا يمثِلوكي فِ شيء أبدا انتُ عارفةة نفسك وخديها خطوة لإرضاء ربنـا وانك هتحفظي نفسك وجمالك وكده لِـ جوزك ده هيكون راجل مُُميز ومش هتحتاجي نظرة اعجاب من حد غيرو فاهمةة فكري كويس وصدقيني انا طريقةة كلامي مش وحشةة انا بس مش عارفةة ارتبها وعاوزة انصحك زي ما بكون عاوزة انصح اي بنت بتكون لابسة الخمار وهو فِ نفسه فتنه شوفي مش معنى كده إني كاملةة فِ ارتدائي للزي ده لاء ممكن اكون انا اول المُقصرين كمان بس احنا على قد منقدر نسعى ان شاء الله ربنا يرضىٰ عننا جميعا واتوكلي على اللّه وبالتوفيق ان شاء اللّه ربّ يحفظك ويجنبك الشُبهات و الفُتن.🤍🤍🤍🤍🤍🤍🤍🤍🤍🤍🤍🤍🤍🤍🤍🤍🤲🏻""".
تم النشر الخميس، ٥ أكتوبر ٢٠٢٣
احساسك ده من الفطرة السليمة لاى انثى ...الفطرة تدعونا للاحتشام اكتر الاحساس مش غريب بس النفس طبيعى تميل للشخلعه والتغيرر فانتى نفسك بتقول لفطرتك : كده هنتقيد ومش هنعرف نلبس حلو وخصووصا فى المناسبات شوفى كده الصور دى وردى بيها على نفسك المتردده وخلى الفطرة السليمة هى اللى تكسب باذن الله
تم النشر الخميس، ٥ أكتوبر ٢٠٢٣
ايه هو سبب ترددك؟ لو سبب ترددك هو شكلك اللي ممكن يتغير؟ ف عايزة اقولك ان فيه لبس محتشم شيك جدا، ولفات خمار كتير ممكن تعمليها بكذا طريقة والطريقة اللي تليق عليكي. ف جربي مش هتخسري حاجه... وشوفي انتي خايفة من ايه بالظبط ونتناقش.
تم النشر الخميس، ٥ أكتوبر ٢٠٢٣
جاهزة تقابلى ربنا باللبس ال بتلبسيه! انتى بتتحاسبى على كل ثانية ضيعتيها ف التفكير انتى عارفه كويس ان هو الصح لو مكنتيش متأكدة ان هو الصح مكنتش فكرتى فيه ولا سألتى طب انتى عارفه ربنا غضب على بنى إسرائي.ل ف سورة البقرة ليه مع انهم اطاعوا امره وذبح.وا البقرة ال امرهم بيها بس ماطلوا وفضلو يأجلو ويشككوا وهما عارفين ايه الصح كويس انتى عارفه ان الحجاب فرض لا مش الطرحة والبلوزة والبنطلون الحجاب هو اللبس الواسع الفضفاض ال بيخفي العورات يعنى خمار طويل مغطى صد.رك وفستان واسع مش مبين مفاتن.ك افتكرى كمان ان من ترك شيئا لله عوضه الله خيرا كله عشان ربنا وعشان الجنه ورضا ربنا علينا ومتأجليش روحى بكرة اشترى هدوم واسعة وخمارات والبسها علطول التأجيل والتسويف دا من الشيط.ان
تم النشر السبت، ٧ أكتوبر ٢٠٢٣
الخمار بلبس بناطيا
تم النشر الخميس، ٥ أكتوبر ٢٠٢٣
لعرض السؤال في فدني اضغط هنا