ازيكم
عاوزة اشوف رأيكم ايه
دلوقتي فيه منصة كيمياء انا مشتركة فيها وعشان انا متأخرة ف ناقصلي باب وابقي مع معاهم وانا وصحبتي
المهم ان شتراك الجديد ٢٠٠ واشتراك القديم ١٥٠ وكتابين واحد ب١٢٠ والتاني ب٦٠
يعني حوالي ٤٥٠ ج
المفروض كل واحد فينا يدفعه
وانا مستحيل اروح اقول ل أمي علي ٤٥٠ ج مرة واحدة كده
المهم انك بتشتري الشهر والحصة اخرها تتفرج عليها ٥ مرات بس وبعد كده مينفعش تفتحها تاني
ف طبعا وزي ما جه ف دماغكوا ان انا وصحبتي قررنا نسجل بأيميل واحد بس
عشان نوفر ف الفلوس ويعلم الله ان باقي الفلوس مش لنفسي او كده ولو حتي هاخدها امي بتبقي عارفة وبدفعها شهر لمادة تانية
ف رجعنا انا وصحبتي قولنا حرام وكده بس فكرنا تاني لقينا اننا احنا الاتنين بندفع تمن خمس مرات مشاهدة يعني الخمس مرات بتتوزع علينا احنا الاتنين
وقولنا ان لو عدد المشاهدات غير محدود يبقي ده اللي حرام بقي
احنا قولنا كده والله اعلم
ف انا جاية اسألكوا هل ده حرام فعلا ولا ايه
ولكن قررنا نكلم المستر ونسأله ذات نفسه صاحب المنصة وبعتنا علي الماسنجر ورد وقال ان ده (اكونت شخصي وليس ل شخصين )
ف عرفنا ان كده هو مش مسامح
وروحت انا فعلا اشتركت لوحدي ف المنصة شهر واحد وقولت مش هجيب الكتاب او بعدين
لقيت صحبتي دخلت تقولي نفس الكلام اللي فوق وانه عدد المشاهدات اتقسمت علينا
وان المصاريف غالية وكده
قولت هسأل و أرد عليها لاننا مش عايزين نتعلم علم حرام !
شكرا ليكوا
طبيعى صاحب المنصة يجاوب عليكى الاجابة دى . انا مش هجاوب بحلال وحرام ...بس عموما انتوا هتدفعوا فلوس وهتاخدوا نفس الخدمة وانتوا مش هتنصبوا على المنصة فى حاجة ....يعنى كأنك مثلا انتى بس اشتركتى و صحابك كانوا عندك وذاكرتوا سوا بانكم تشاهدوا الدرس ...هل هتخبي منهم الفيديو عشان ده اكونت شخصى ...اكيد لأ. ربنا يرزقك النجاح والتوفيق ويبارك فى تربية امك ليكى عشان بتتحرى الحلال والحرام فى افعالك.
تم النشر الاثنين، ٢٠ فبراير ٢٠٢٣
اولا ربنا يبارك في تربيتك ويوفقك أنتي وكل صحابك.. ثانيا أنتي نيتك علم وزميلتك نيتها علم وطالب العلم بيؤجر علي سعيه ومفيش حرمانية ولا حاجة دي مجرد وسواس ممكن يبعدك عن العلم نفسه وربنا يصلح حالك وحال بنات أمتنا ويبارك فيكم يارب 🌹
تم النشر السبت، ٢٥ فبراير ٢٠٢٣
لعرض السؤال في فدني اضغط هنا