بسم الله الرحمن الرحيم. اختار الشخص اللي بحبه. ولا اللي اهلي شايفينه انه مناسب؟ وهو انت اخترت الشخص اللي حبيتيه ده انت اللي اخترتيه ولا هو اللي دخل حياتك؟ والتاني قلتي عليه ( ولا اللي هلي شايفينه مناسب) ؟ الراجل لما جيه يتقدم اتقدم لك انت ، اه هو جه لأهلك .. لكن كان الهدف انت ما كانش اهلك فبالتالي اهلك بس كل اللي عملوه انهم ابدوا وجهه نظرهم. ( نصيحة لأبنتهم ) في اخر كلامك قلتي ان رايي في الاخر ليا..! ده معناه ان اهلك ناس ديمقراطيه وما غصبوش عليك في حاجه ولا اجبرك على اختيار ولا اختاروا لك حتى الناس بمنتهى الديمقراطيه عاملين حساب ليكي وطرحوا لك الامر وانت عليك الاختيار تختاري مين طيب هسألك سؤال اسهل .. لو انت ام وعندك بنت والبنت دي قاعده من وراكي بتكلم واحد على الشات وبتحب فيه وهو بيحب فيها وكل طرف فيهم بيقول على مميزاته واخلاقه العاليه وكل حاجه بيحبها. وكل حاجه عايز الطرف التاني يسمعها وتبين انه شخصيه كويسه مفيش اي لقاء حقيقي او اختبار حقيقي حصل ما بينهم. ويقدر يمثل او يقدر يدعي ان هو شخصيه تانيه وممكن يكون كويس بس ما عملش ابسط تصرف صح وهو انه جه يتقدم للبنت دي من الباب او لبنتك دي من الباب انت دلوقتي كام هتحسي بايه ؟ مين اللي هتحسي انه مناسب لبنتك ؟ اللي جه من الباب وتقدم ولا اللي هي قاعده بتحبي فيه اونلاين او من بره او في السر مين فيهم اللي هتحسي انه خطر على بنتك ؟؟شفتي بقى لما الادوار بتتعكس الحقيقه بتبان اهلك ناس ديمقراطيه وهيسيبوكي تختاري ده حاجه كويسه الاختيار في حد ذاته واقف عليك انت.. محدش حياخذ القرار ده بالنيابه عنك لاهلك ولا الناس اللي بتساليهم هنا ولا انا ولا اي حد ثاني .. انت عارفه مصلحتك كويس انت عارفه الصح من الغلط. كونوا بيشرب سجاير او بتاع مش ده اللي يعيبه في رجاله كثير كويسه واخلاق .. بيدخنوا الشيخ الشعراوي كان بيدخن على فكره. القصه ان هو معملش ابسط صح ممكن يتعمل وهو انه يتقدم من الباب. فانا شايف ان الامر يعني مش محتاج ان انت تسالي فيه اصلا اقعدي مع الشخص التاني وشوفي.. ادرسي طباعه وادرسي اخلاقه شوفوا انت شوفي امكانياته للجواز ايه والارتباط والكلام ده كله شوفي هيناسبك شوفي انت موافقه عليه ولا لا وانسي خالص الشخص التاني اللي قال بيحبك وما تقدمش ده لأن. الجواز قايم من الاول خالص على الصراحه والموده والرحمه. فين الموده والرحمه وانا رايح بحب في واحده واهلها ما يعرفوش ؟؟ انا كده اللي رحمتها ولا وديتها ولا اي حاجه انا عارف ان الموده والرحمه المفروض يكونوا للزوجه بس برضو فالاختيار في ايدك اختاري اللي انت عايزاه عايزه تكملي مع اللي بتحبيه دوا اللي ما جاش يتقدم اصلا براحتك عايزه تختاري الشخص اللي انت شايفه ان اهلك. لم يعترضوا عليه براحتك برضو. انا بس عايز اختيارك يكون نابع. عن خلفيه دينيه. اختار اللي يرضي ربنا وربنا هيرضيك بس وربنا يوفقك في حياتك.
اللي يكتب رد زي اللي فوق ده يبقي اكيد شخص عارف الإجابة و عارف مصلحته كويس و عارف هو بيعمل ايه ، اسف مش هكتب شيء تاني علشان انا اهدرت وقت كافي مع حضرتك .
تم النشر الجمعة، ٢٩ نوفمبر ٢٠٢٤
اللي قريته في آخر بوست فهمني انك عايزاه قوي لسبب ما لأن مستحيل بعد اما قدمت لك كل الكلام ده مقتنعتيش ، خلاص اعملي اللي في دماغك بس خليكي فاكرة قرار واحد غلط كفيل بهدم حياة كاملة ، و ملحوظة الحلال بيّن و الحرام بينّ ، انا بس صعبان عليك وقتك و مشاعرك علي عمالة تهدريها ع الفاضي ، اتمني ليكي الخير .
تم النشر الجمعة، ٢٩ نوفمبر ٢٠٢٤
لعرض الإجابة في فدني اضغط هنا