بابا كان بيطمن عليا اثناء نومى وانا شعرت باحساس سىء ومن وقتها وانا اشعر بالقلق معه

Question

انا وبابا علاقتنا مقربة جدا من وانا صغيرة بيحكيلي على مشاكله ف الشغل وف البيت مع ماما وانا بساعده بكل الطرق اللي اقدر اعملها المهم هو بيعيطني اهتمام وحب وكل حاجه وانا بحبه جدا ومتعلقه بيه وبحس انه بيخاف جدا عليا وكدا ..... ولكن في يوم انا كنت سهرانه لوقت متأخر وبابا دخل الاوضه فعادي عملت نفسي نايمه فبابا فضل مركز ف وشي شوية وانا كنت فاكره انه بيتأكد انا نايمه ولا لاء بس بعدها قام لمسني انا كنت متغطيه بس مكنتش مدية اي خوانه او عدم ثقه ولا كان مستحيل اتوقع ان ده يحصل انا ف الوقت ده حسست انه جالي بانك اتااك ونفسي صوته على فبابا مشى بعدها.. طول الليل حسيت ان انا كنت عايشه ف كذبه وياتري دي اول مرة تحصل ولا لاء وياترى اقول لاختي علشان تاخد حذرها ولا لا ومن يومها وبعدها بيوم انا كان نفسيتي وحشه بابا كان مهتم يعرف ليه وبيسألني كل شوية وكأنه عارف انه عامل حاجه غلط ..المهم الموضوع عدى وبحاول اتناسى ومفكرش فيه بس بين الوقت والتاني بحس اني مش قادرة اعيش واني بنافق واني بكره كل للناس مقدرتش احكي لأي حد سواء صحابي او عيلتي او اي مخلوق وطبعا مش هقدر اواجه بابا كنت احيانا بحاول اقول انه انا اكيد شكيت غلط وانه ده كان سوء تفاهم بس من يومين اختي قالتلي انها مش بترتاح لبابا وانه بيدخل الاوضه بليل وهي بتقلق وبقت بقفل الباب عليها وهي نايمه فحسيت انه مش قادرة اتغاضى عن الموضوع اكتر ومش قادرة ابص ف وش بابا من غير ما افتكر مش عارفه اعمل ايه وهل انتو شايفين اني المفروض اروح لثيرابست ولا لاء

Accepted Answer

اللى انتى فيه ده هو اللى تفكير غير سوى عندك طبعا شوية لغبطة بسبب انك بتكبرى جسمانيا وهرمونيا فحتى لو قريبه من بابا هتبدأى تتكسفى واللمسه تفرق معاكى غير الاول زائد طبعا انك سمعتى قصص كتير من نوعية التحرش الاسرى والحاجات الشاذة الصادمة دى. الشيطان طبعا هيستغل القصص دى عشان يبوظ علاقتك بابوكى ويا فرحته انك بقيتى مش قريبه منه ويقدر بقى ياخدك فى اى سكه تانيه بحجة انك بتدورى على الامان بره البيت ابوكى راجل سوى ومحترم وبيطمن على بناته ..واى كانت اللمسه اللى شكيتى فيها فهى مش وراها حاجة ان شاء الله وحشة ابسط حاجة تقولى لبابا احنا كبرنا بقى يا بابا وبقينا بنلبس هدوم خفيفة فى اوضتنا واحنا نايمين وعارفين انك ممكن تطمن علينا بالليل فاحنا بس هنخلى الباب موارب وحتى لو الغطا لقيته مرفوع من علينا ممكن تقول لماما تيجى تغطينا عشان الموضوع محسسنا بكسوف اوى ...وبس كده

Answer

انا استغربت رد فعلك ، انا افترضت حسن نية ف الراجل انه حنين عليكم وبيدخل يطمن عليكم ومش اللي جه فبالك خالص ، اعتقد انك لو كنتي استنيتي للاخر مكانش برضوا هيحصل حاجه انتي الشيطان خدعك عشان يضايقك انتي اولا ويبوظ علاقتك وصلة رحمك بأبوكي ، واكيد هو اللي وسوس لأختك تحكي معاكي كده عشان يزيد الشك جواكي استغفري ربنا واستعيذي بالله من الشيطان ، الرسول لما كان بيحكم في امر قال "البينة علي المدعى واليمين علي من انكر" انتي ادعيتي علي بابا بس ما بينتيش يعني ماجبتيش دليل انتي مش داخل نيته وهو اذا حلف بس فأنتي هتحاسبي امام الله علي ادعائك وهتخسري علاقتك بأبوكي ، تعاملي مع الامر ان باباكي راجل حنين عليكم وبيدخل يطمن عليكم زي اي اب سوي وربنا يهدينا واياكم

Answer

كلامك ف البدايه اكبر دليل انه سوء تفاهم مش اكتر انتى هتفضلى ف نظر باباكى بنوته الصغيره مهما كبرتى ومهما اتغير احساسك وزى منتى مش مستوعبه تفكيره هو كمان مش مستوعب ان بنوته الصغيره كبرت وبقت بتتكسف منه وعلشان كدا مدخليش الشك ف العلاقه الجميله دى اشرحى بس لباباكى او لمامتك بهدوء الى بيضايقك اياً يكن لان اكيد الموضوع مش هيقف عند نقطة دخول الاوضه بس اكيد هتبدأى واحده واحده تضايقى من افعال كتير منه ولذلك نصيحتى ليكى كلميه بناءاً على الى انتى عرفاه منه مش بناءاً على الى الشيطان بيوسوسلك بيه. وربنا يخليهولك يارب ❤

بابا كان بيطمن عليا اثناء نومى وانا شعرت باحساس سىء ومن وقتها وانا اشعر بالقلق معه

نفسية

تربوية

خوف

سؤال من احد أعضاء فدني

تم النشر الخميس، ١٤ مارس ٢٠٢٤

3 إجابة

17 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك