انا تعبانه وحياتي مدمرة بسبب بعيد تالته ثانوى لأول مره عارفة انه نصيب ولازم اكون راضية بكل حاجه بس انا حقيقي تعبت واتخذلت من صديقة عمري واستمرت بسببها انا قلبي مكسور بسبب حاجات كتيررر اه بدأت اذاكر بس انا مكنتش بفهم ولا بعرف احل انا دخلت هنا علشان ممكن حد يفهم وجعي واحساسي انا تعبت والله
السلام عليكم ورحمة الله، أنا عارفة زي ما قلتِ في التعليقات الكلام سهل وده حقيقي الأفعال أصعب والدنيا مش سهلة دي حقيقي. بس صدقيني مفيش حد في إيده يساعدك ويخرجك من اللي انتِ فيه طالما أنتِ رافضة تساعدي نفسكِ. أنتِ وحدك قادرة تخرجي نفسكِ من اللي انتِ فيه. خليني أسألك، هل كل حياتك مصايب؟ مفيش ولا لحظة حلوة عديتِ بها؟ مفيش أي نعم في حياتك؟ ربنا مأنعمش عليكِ بأي حاجة من غير ما تسأليه؟ مفيش حد حياته على طول مصايب ونكد... احنا اللي بنختار نفضل شايفين الصعب والمشاكل ونعمي عيوننا عن نعم كتير ربنا أعطاها لنا من غير حساب. (وإن تعدوا نعمة الله لا تحصوها) وزي ما الكلام سهل... الانتحار سهل كمان. الانتحار أسهل طريق للهرب من مواجهة وضع صعب رغم إن ربنا قال (لا يُكلف الله نفسًا إلا وسعها) يعني أي موقف صعب بتمري به ربنا عارف إنك قوية وقادرة تخرجي منه أقوى وبحال أفضل بكتير لكن الشيطان هو اللي بيعمي عينيك عن الحقيقة دي ويخليك تيأسي و تفكري في الانتحار عشان تخسري الدنيا والآخرة. نصيحة من أخت أكبر منك، مش انتِ لوحدك اللي بتمري بمشاكل وابتلاءات. جربي تبصي للعالم وتشوفي كم الأهوال اللي غيرك بيمر بها ولسه صامد وحامد ربنا... شوفي غزة واللي بيحصل فيها... هل تتحملي تعيشي يوم من اللي هم فيه... شوفي سوريا والمعتقلين اللي عاشوا سنين في أبشع عذاب... هل كنتِ تتحملي يحصل فيكِ جزء من اللي عاشوه؟ المثل بيقول (اللي يشوف بلاوي الناس تهون عليه بلوته) جربي تخرجي من تركيزك في بلائك وتشوفي ابتلاءات الناس وبعدها اقعدي مع نفسك وقرري إذا كنتِ فعلا مفيش أي خير في حياتك وإذا كنتِ فعلا أضعف من إنك تصمدي وتتجاوزي ابتلاء صعب بتمري به. أرجو تشوفي الفيديو ده وتعملي بالنصائح اللي فيه عشان تخرجي من العقلية اللي مدمراكِ دلوقتي ربنا معك ويوفقك للخير. https://www.youtube.com/watch?v=8xO-FS0IJKs&ab_channel=dr_AsmaaElkady
تم النشر الأحد، ٢٢ ديسمبر ٢٠٢٤
اولا : تتقبلى عادى انك لسا فى ثانوية وان دى مش نهاية الدنيا مش عيب وخليها بداية جديدة ليكى .. انتى لسا بخير.. سيبك من كلام الناس ورائيهم دى حياتك .. ثانيا : شعور صعب اوى ان اكتر حد بتثقى فية وتحبية يقل معاكى ويخذلك .. بس شوفى الموضوع من الناحية التانية ان ربنا اراد يظهرلك حقيقة الناس دى دلوقتى عشان تتعلمى وتاخدى بالك فقولى الحمد لله وربنا يجبر قلبك ويسعدك .. ثالثا : تعبانة من ايه وحياتك متدمرة ليه بسبب ضغط الثانوية ولا مشاكل شخصية ولا مشاكل عائليه .. اى ما كان .. لازم نحاول نحتويها ومنخلهاش تأثر على حياتنا .. خدى بنصيحة حد كبير واحكيله براحتك .. رابعا : مافيش حاجة اسمها لا كنت بفهم ولا بعرف احل .. انتى ربنا رزقك كل الامكانيات الى تساعدك ورزقك العقل اجتهدى شوية وركزى وابعدى عن المشتتات هتلاقى نفسك باذن الله جاهزة لكل حاجة .. وربنا يرزقك الاجتهاد وحسن الفهم والحفظ
تم النشر السبت، ٢١ ديسمبر ٢٠٢٤
عزيزتي، أتفهم تمامًا ما تمرين به من مشاعر الألم والإحباط. فقدان الثقة في صديقة ومعاناتك في المرحلة الثانوية يمكن أن يكونان تجربة مؤلمة وصعبة. لكن تذكري أن الصعوبات هي جزء من الحياة، وأن كل تحدٍ يمكن أن يكون بداية جديدة للنجاح والارتقاء. لكي تتجاوزي هذه المشاعر، إليك بعض الخطوات التي يمكنك أن تعتمديها: استعيني بالصبر والتفاؤل : من الطبيعي أن تشعري بالحزن، ولكن تذكري أن الأمر يستغرق وقتًا. حاولي التركيز على الأشياء التي تبرأ قلبك، مثل قراءة كتاب أو ممارسة هواية تفضلينها. التواصل مع أشخاص إيجابيين : ابحثي عن أصدقاء أو أفراد عائلة يمكنهم دعمك ورفع معنوياتك. قد يكون من المفيد التحدث مع شخص يملك تجربة مشابهة أو مع معلمة تثقين بها. تحديد أهداف دراسية صغيرة : بدلاً من التفكير في الثانوية العامة ككل، احرصي على تقسيم أهدافك إلى مهام صغيرة. يمكنك البدء مثلاً بفهم موضوع واحد يوميًا ثم الانتقال إلى موضوع آخر. التعامل مع الفشل : تذكري أن الفشل في بعض المحاولات لا يعني النهاية. استغلي تلك اللحظات كفرص للتعلم والنمو. كوني لطيفة مع نفسك في هذه الفترة. الإيمان بالنفس : وثقي في قدراتك، واعملي على تعزيز ثقتك بنفسك من خلال الإعداد الجيد والتحضير. بالتدريب والممارسة، ستحققين تحسنًا ملحوظًا. حافظي على الإيجابية، ولا تنسي أن الله دائمًا معك في كل خطوة. واجهي تحدياتك بقوة، وستجدين أن بإمكانك الوصول إلى النجاح. إذا شعرت بالحاجة للتحدث مع شخص محترف، فلا تترددي في طلب المساعدة. تذكري، ليس عليك أن تجتازي هذه الرحلة وحدك.
تم النشر السبت، ٢١ ديسمبر ٢٠٢٤
والله مش عارفه اقولك ايه . ربنا يفرج همك وييسر أمرك يارب
تم النشر الأحد، ٢٢ ديسمبر ٢٠٢٤
اونلاين محتاج فلوس ومكالمه وانا مش معايا فلوس ولا هعرف اتكلم علشان اهلي
تم النشر الأحد، ٢٢ ديسمبر ٢٠٢٤
لانه لازم تتعالجي
تم النشر الأحد، ٢٢ ديسمبر ٢٠٢٤
ممكن تشوفي دكتور أونلاين
تم النشر الأحد، ٢٢ ديسمبر ٢٠٢٤
انا اصلا كنت بتعالج وكنت بعمل جلسات كلام ودكتور قالي عندك اكتئاب حاد بس مكملتش وأهلي رفضوا اكمل علشان خايفين من ناس وسمعتهم وكدا مش خايفين عليا
تم النشر الأحد، ٢٢ ديسمبر ٢٠٢٤
انا حاولت اطلعك من اللي انتي فيه بس معرفتش
تم النشر الأحد، ٢٢ ديسمبر ٢٠٢٤
بصي انتي لازم تروحي لدكتور نفسي . علشان يطلع فكره الانتحار من دماغك
تم النشر الأحد، ٢٢ ديسمبر ٢٠٢٤
انا حاليا بفكر في انتحار مش عارفة اعمل ايه بجد
تم النشر السبت، ٢١ ديسمبر ٢٠٢٤
امي الله يباركلها بتدافع عني ساعات يعني
تم النشر السبت، ٢١ ديسمبر ٢٠٢٤
او حاولي تتجنبي الكلام عن مشاكل الدراسه قدامه
تم النشر السبت، ٢١ ديسمبر ٢٠٢٤
قوليله كده لو تقدري .
تم النشر السبت، ٢١ ديسمبر ٢٠٢٤
تفكيره سلبي وبيجرحني دايما حاولت مش اركز في كلامه بس انا بزعل من أقل حاجه وده عيب فيا بس غصب عني والله
تم النشر السبت، ٢١ ديسمبر ٢٠٢٤
ونصيحه ي اختي متركزيش في الكلام السلبي بتاع اي حد ومتسمحيش لحد يهز بس ثقتك في نفسك . خليكي دايما واثقه في نفسك و ف ربنا انه مش هيخزلك ابدا . وانك تقدري تعملي اي حاجه مفيش حاجه مستحيله قدام اللي بيحاول
تم النشر السبت، ٢١ ديسمبر ٢٠٢٤
متحطيش في بالك الكلام اللي باباكي بيقوله . هو مش قصده يجرحك اكيد . يمكن ظنًا منه انه لما يقولك الكلام ده بيحفزك انك تبقى احسن و كل واحد وطريقه تفكيره يمكن هو بيفكر كده
تم النشر السبت، ٢١ ديسمبر ٢٠٢٤
انا كمان اخدوا مني التليفون 😅 وبكلمك حاليا من التاب
تم النشر السبت، ٢١ ديسمبر ٢٠٢٤
وعيشي علشان نفسك و إن شاء الله هتنجحي في باقي المواد وهتبقي احسن حد في نظر ربنا ونفسك وده لاهم وربنا يوفقك ويسعدك ويرزقك خير الدنيا والآخرة ويجعلك من الصالحين
تم النشر السبت، ٢١ ديسمبر ٢٠٢٤
عرفت انو محدش بيسألني مالك عامله اي اه اهلي بيسالو عامله اي وبس وابويا كل شويه يقول كلام يوجعني واجبرني اسيب موبايل وافتح يوتيوب من علي تابلت واذاكر بيقولي علشان هوه سبب في سقوطك مع انو مش سبب بس سمعت كلامو بس مستحملتش اكون لوحدي ف حملت برنامج علشان اتكلم انا محدش حاسس بيا ولا مقدر انا فيه
تم النشر السبت، ٢١ ديسمبر ٢٠٢٤
كلمه انا فاشله في تعليمك متسمحيش لحد يقولهالك ولا انتي تقوليها لنفسك . انتي عارفه اكيد ان بدايه النجاح الفشل . فبلاش تفقدي ثقتك في نفسك
تم النشر السبت، ٢١ ديسمبر ٢٠٢٤
عرفتي منين ان مفيش حد بيحبك
تم النشر السبت، ٢١ ديسمبر ٢٠٢٤
مفيش حد بيحبني وكمان فاشلة في تعليمي اعيش ليه
تم النشر السبت، ٢١ ديسمبر ٢٠٢٤
الا مشاكلي مش لها حل
تم النشر السبت، ٢١ ديسمبر ٢٠٢٤
لو انتي حابه تفضفضي عن الجواكي اتكلمي وانا هسمعك 🫂
تم النشر السبت، ٢١ ديسمبر ٢٠٢٤
عارفه انك جبتي اخرك واولك وزهقتي وكل حاجه وعارفه شعور الصدمه اللي انتي فيه عايزه تعيطي عيطي ولاكن بلاش تقسو على نفسك كده والله مش هتستفادي اي حاجه من الزعل و القهر ده
تم النشر السبت، ٢١ ديسمبر ٢٠٢٤
حرام انك تدعي على نفسك بالموت
تم النشر السبت، ٢١ ديسمبر ٢٠٢٤
مفيش مشكله ملهاش حل
تم النشر السبت، ٢١ ديسمبر ٢٠٢٤
مهما اتكلمت مهما حكيت مش هلاقي حلول انا جبت أخرى بمعني كلمه والله العظيم ادعيلي اموت احسن
تم النشر السبت، ٢١ ديسمبر ٢٠٢٤
متزعليش كده وفكي و احكي اي حاجه مضيقاكي و انا هسمعك و اتكلم معاكي
تم النشر السبت، ٢١ ديسمبر ٢٠٢٤
يارب وإياكي بلص شكرا لكلامك جدا
تم النشر السبت، ٢١ ديسمبر ٢٠٢٤
إن شاء الله ربنا يكرمك ويجبر بخاطرك
تم النشر السبت، ٢١ ديسمبر ٢٠٢٤
عارفه ان الكلام سهل و الفعل صعب وده الطبيعي
تم النشر السبت، ٢١ ديسمبر ٢٠٢٤
كلام سهل يتقال بس فعل صعب وانا حرفيا تعبت انا دخلت برنامج ده علشان الاقي حد اتكلم معاه مش لاقيت حد يشجعني ولا حد يحس بوجعي وصلت لمرحله وحشه في حياتي
تم النشر السبت، ٢١ ديسمبر ٢٠٢٤
وبعدين ايه المشكله م شيلتي ٣ مواد مش آخر الدنيا و مش لوحدك كده . وعارفه انك ذاكرتي و اجتهدتي وعارفه انك كل الطلبه تقريبا مش مجموعهم . نعمل ايه هنعترض على قضاء ربنا
تم النشر السبت، ٢١ ديسمبر ٢٠٢٤
يمكن ده في نظرك حاجه وحشه . بس في الحقيقة ده خير ليكي لان ربنا مش بيضيع مجهود حد ولا بيكسر قلب ظن فيه خير او عبد وثق فيه . فالحقيقه إن الشيطان أعوذ بالله منه عايز يضيع أجرك عند ربنا وكمان يضيع عليكي الاختبار اللي ربنا حطك فيه علشان يجبر بخاطرك جبر مش عادي وعايزك تنتحري علشان يضيع أجرك في الدنيا والآخرة وتدخلي معاه جهنم وبئس المصير اعذنا الله منها والله العظيم
تم النشر السبت، ٢١ ديسمبر ٢٠٢٤
انا ذاكرت واجتهدت اول مره بس لاسف شلت تلاته مواد مكنتش متوقعة لحد دلوقتي مصدومه مش عارفه اعمل ايه بجد نفسي انتحر واخلص من وجع انا فيه
تم النشر السبت، ٢١ ديسمبر ٢٠٢٤
والله يا اختي فاهمه وجعك . ثانوية عامه دي كانت الأسوء في حياتي كنت بعيط اكتر من مره في اليوم بسبب الخزلان و العجز عن تغيير حالى كنت بعد أيامها باليوم كنت عامله مخطط للسنه كلها علشان احس انه اه السنه هتخلص و ارتاح منها . كنت عامله دفتر تدوين علشان احكي مع نفسي فيه علشان مبقتش اثق في حد احكيله. والحمدلله عدت على خير . اه مجبتش المجموع الواو بس اهم حاجه نجحت و خلصت السنه . و اللي استفدته من السنه دي و الله العظيم بجد انه اهم حاجه صحتك النفسية و الجسديه وكله بعد كده يهون
تم النشر السبت، ٢١ ديسمبر ٢٠٢٤
معلش ياجماعة في بعض كلام مكتوب غلط بس غصب عني انا بكتب وانا بنهار
تم النشر السبت، ٢١ ديسمبر ٢٠٢٤
لعرض السؤال في فدني اضغط هنا