ازاي اقتنع ب شخص بيحبني فوق الوصف و للاسف انا مش عارفه اقتنع الاقتناع الكامل مع أنه نفسه يجيبلي حته من السما و مع ذلك لو اي حد لقيته احسن منه ببص له و مع العلم انا انسانه مؤدبه و عمري ما كلمت شباب يعني دي مش صفه فيا و هو متفاهم معايا جدا بس مش عارفه اقول هو ده اللي عايزاه من الدنيا مش عارفه اوصل للمرحله دي مع اني كنت وصلالها قبل كده مع شخص اتقدملي بس محصلش نصيب و من سعتها مش عارفه اعمل ده مع اللي معايا دلوقتي ف هل هييجي يوم و هقتنع بيه ولا هفضل كده و اسيبو ؟
طيب وليه تغصبي نفسك على انك تقتنعي بحد انتي مش مقتنعة بيه؟ قصة انه شخص كويس ده مش معناه انك تقبلي بيه، ده مجرد ارتياح وقبول. ف لاما تقبلي بيه، او لا .. لكن تغصبي نفسك علشان هو شخص كويس، بعدين هتبقى العواقب مش كويسة. ف لو انتي مش مرتاحة معاه انسحبي من العلاقة.
تم النشر السبت، ٢٠ أبريل ٢٠٢٤
لا يحبيبتي طالما انتي مش مقتنعة بيه يبقى بلاش توافقي عشانك وعشانه هو كمان ..لازم شريك حياتك تبقي شايفاه احسن واحد ف الدنيا ومقتنعة بيه جدا مقتنعة بشكله ومقتنعة بشخصيته وطريقته واسلوبه وبكل حاجة عشان دا الي هتكملي معاه باقي حياتك ي جميلة💗
تم النشر السبت، ٢٠ أبريل ٢٠٢٤
بصي أنتي مش مجبرة تقنعي نفسك بحد أساسا لو مفيش القبول والإكتفاء يبقى مش دا الشخص المناسب بالنسبة ليكي "حتى لو هو حد مثالي" في الأول وفي الأخر صلي إستخارة وإقعدي مع نفسك إسألي نفسك كام سؤال متحاوبيش عليهم غير ب أه أو لاء أنا مكتفية بيه؟ هل أنا هقدر أكمل حياتي معاه بعد كده وأتقبله؟ هل حبه كفاية يخليني أحبه؟ هل أنا متقبلاه أصلا؟ هل شخصيته مناسبة ل شخصيتي ؟ متقبلة العيوب قبل المميزات؟ هل متقبلاه من البداية بس أخر فترة لما الحوار بدأ ياخد مجرى رسمي بدأت أحس بكده؟ ولا لما بدأت أتعمق في شخصيته؟ وأخر حاجة صلي إستخارة ودا مهم جدااا ليه بقى؟ لإن الشيطان لما بناخد خطوة لناحية حلال بيبدأ يدخلنا في دومات وديما تسمعي إن قبل فرح أي إتنين أو مناسبة ليهم بيبدأ الخناق والمشاكل ع حاجات عبيطة ف وارد تكون وساوس شيطان ف إنتي في الإستخارة بتستشيري إللي أدرى بكل حاجة وديما إدعي اللهم أختر لي ولا تخيرني وتكوني متيقنة إن ربنا هييسر لك الخير الدعاء دا جميل جدا بجد
تم النشر الجمعة، ١٩ أبريل ٢٠٢٤
بصي أول حاجه لازم تعمليها وأهم حاجه إنك تصلي استخاره وتدعي ربنا وتصلي أكتر من مره مش مره واحده وشوفي بقي قلبك ارتاح ولا لا وممكن تسألي حد أكبر منك برضو وأكيد لو هوا خيرًا ليكي هيكون من نصيبك وحاولي برضوا تسألي نفسك هل دا الشخص اللي أنا عايزاه؟ وهل انتي متقبلاه اصلا ولا لا، وبرضوا خليكي فاكره إن الكمال لله وحده، ومش لازم الشخص دا يكون في كل اللي المواصفات اللي عايزاه،وخليكي برضوا فاكره إن اهم حاجه الشخص دا يكون عارف ربنا وبيصلي لأن دي أهم حاجه أصلا، وربنا يكتبلك الخير يارب. ♥
تم النشر الجمعة، ١٩ أبريل ٢٠٢٤
ادام مش مقتنعة بىه هتتعبى بعد كده الاحسن خليكى فى اللى تفتنعى بيه افضل عشان متندميش بعدين
تم النشر الجمعة، ١٩ أبريل ٢٠٢٤
طيب هو انت مش محتاجه تقتنعي لانه انت دلوقتي قلتي انه في اسباب منطقيه وصفات بتقول ان الشخص ده شخص كويس فالمفروض انه بلغه الاقناع الشخص ده انت مقتنعه به مقتنعه بيه ان هو شخص كويس ومناسب ويعني مش بيسبب لك شعور سيء تمام كده طيب انت بقى مش عارفه تدوسي له بانك تقولي هو ده اللي انا عايزاه هل انت ما عندكيش صفات انت محتاجاها في الشخص ترتبطي بيك لو ما عندكيش الصفات ابدئي اقعدي مع نفسك شوفي ايه اللي انت محتاجاه يكون في الشخص اللي معاكي علشان تكوني مرتاحه في حياتك معاه كزوج والحاجات يبقى من الحاجات اللي انت تحبي انك تشاركيه معاها الحاجات اللي انت تحبي انه هو يكون مصدر لها ويشبعك فيها فلو الحاجات دي متوفره في الشخص فتمام. النقطه بقى اللي هي لها علاقه بالشخص اللي قبل كده هي فكره انه انت اصلا كنت بتفكري في الشخص التاني ده وقت ما كان متقدم لك انه خلاص تمام انا لقيت فارس الاحلام وقفلتي صوره عليه لذلك مخك ونفسيتك قافله الموضوع وعامل الفراشات وعملت لها احتكار على الشخص ده بدون اي وعي وب. اي منطق فلما بنكون سايبين الموضوع يكون كده شعوري كده بدون اي حاجات منطقيه يعني ده اللي بيحصل. تقدري انك تحسي بالفراشات دي مع الشخص اللي اه بس لما تقتنعي من جواك ومن ذاتك انه شخص اللي ما كانش لك نصيب عاده ساب الفراشات والفراشات خلاص مش مسجونه معي يعني اللي محتاجاه عشان تحسي بنفس الاحساس اللطيف لو الشخص اللي كان يقدم لك قبل كده ده كان اول شخص يتقدم لك وقدر ربنا ان هو يكون شخص مناسب وجميل فكانت دي اول لقطه شعريه يعني مع مع طرف اخر معلش ده حاجه طبيعيه يعني انها تحصل لما بتحس المشاعر لاول مره بتحسي انها بقت حكر على اول مره ومش هتعرفي تحسي زيها تاني بتحسي انك مش قادره تتقبلي حد تاني لكن ده مش حقيقي ده بيبقى بس فكره مزيفه جوه البني ادم انه انا مش هحس زي ما حسيت اول مره لكن انت هتحسي احلى من كده بكثير كمان.
تم النشر الجمعة، ١٩ أبريل ٢٠٢٤
ارتباط عادي من غير حاجه رسمي بس الاسبوع الجاي هييجي البيت يتقدملي
تم النشر الجمعة، ١٩ أبريل ٢٠٢٤
علاقتك حاليا إيه بيكي؟
تم النشر الجمعة، ١٩ أبريل ٢٠٢٤
لعرض السؤال في فدني اضغط هنا