عندي مهارة اني لو قرأت كتب أو اتفرجت علي فيديوهات ممكن أتكلم و أشرح بنفس الصيغة اللي سمعت بيها و بعرف أربط مواضيع ببعضها و أوزنها
لو حبيت أدخل كليه أو اي مجال يخص المهاره اللي عندي هيكون اي او اي المجال المناسب ليا
طيب لو احنا هنتكلم في المجال اللي ممكن تدرسه ف من الممكن مجال الاعلام، او التربية او الاداب لو بقى لو هنتكلم في الموضوع من الناحية المهنية .. وده مهم جدا. انت ممكن تستفاد من المهارة ديه في كذا حاجة. مهارة القراءة+ مهارة الشرح نقدر نعمل من خلالها ايه؟ قناة يوتيوب انت ممكن مثلا لو قرأت كتاب معين .. تقدر طبعا تلخصه بطريقتك وتعمل قناة للكتب مثلا وتلخص الكتاب مثلا في كام دقيقة .. بأسلوبك + ممكن تربط افكارك او تستعين بأمثلة يعني تعمل حاجة جديدة في الفيديو غير فقط انك مجرد بتلخص كتاب .. بما عندك مهارة انك تربط المواضيع ببعضها. وممكن تربط ده بأنك تزود مهارة الرسوم المتحركة في لفيديو بتاعك .. طبعا مهارات اليوتيوب والمونتاج وكل الحاجات ديه برده والتصوير. مدونة ممكن كمان تعمل مدونة وتكتب من خلالها .. معرفش عندك مهارة الكتابة ولا لا.. ولكن لو موجوده وبتحبها ممكن تستخدمها في انك تعمل مدونة على بلوجر .. هتلاقي شرح ليها كتير جدا على اليويتوب وكورسات كتير على المنصات .. وتكتب من خلالها وممكن بعد شوية وقت تعمل عليها اعلانات ادسنس وتدخل فلوس من خلالها. الدروس فيه مواد انت شاطر فيها ؟ اشرحها لزمايلك ..عارف صلاح ابو المجد .. عموما لو مش عارفه اعمل عليه سيرش .. هو كان شاطر جدا انه يشرح لزمايله في الكلية .. مرة على مرة .. ابتدي انه يروح سنتر ويدي كورسات .. فضل في الموضوع ده سنيين كتير .. وشرحه كان مميز .. مميز جدا، مميز لدرجة انه حاليا بيروح يعمل كورسات وايفنات في امكان كتير عن مجاله .. التسويق والتنمية الذاتية، وهي ديه النقطة اللي عايزة اتكلم معاك فيها. مدرب انك تبقى مدرب انت دلوقت عندك مهارة الشرح المميز .. وديه اول مهارة عندنا في مجال التدريب .. فيه طبعا مهارات كتير .. ابتدي اقرأ في مجال ال TOT ( مجال التدريب) هتستفاد جدا من الموضوع ده .. انت لو شاطر في مجال ما بجانب اللي انت فيه حاليا .. زي التنمية الذاتية، التسويق، اي مجال كان .. تقدر تتكلم عنه .. وتشرحه وتتميز فيه .. انت كده يعتبر بتكون مهارات كتير وتربط ما بينهم، يعني زي ما بيقولوا عصافير كتير بحجر واحد. اعرض خدمتك لو شاطر في مادة معينة ابتدي اعرض خدمتك انك تدي فيها دروس .. على مواقع العمل الحر .. او في اي مكان متاح. بالتوفيق ان شاء الله
تم النشر الثلاثاء، ١٠ يناير ٢٠٢٣
لو بتتكلم بجد.. فعايزك تعرف ان الموهبة دي مش غريبة او انت اخترعتها، دي حقيقية فعلا و اسمها الذاكرة الفوتوغرافة ، أو الذكاء البصري و هو اقوي انواع الذاكرة، دلوقتي معاك مسمي موهبتك تقدر تدور براحتك عنها و تستكشفها اكتر، اما بالنسبة لمجال الكلية او الدراسة و كونه مرتبط بموهبتك فده علي ارض الواقع امر صعب لعدة عوامل اهمها اسلوب التعليم بصفة عامة في مصر، و كمية الحشو فيه، و حاجه تانية مؤسفة كتير لذلك بلاش تعتمد علي موهبتك في اختيار الكلية اختار الكلية اللي تناسب طموحك دا لو حالتك المادية متيسرة او اختار الكلية اللي تفيدك فيما بعد في حياتك العملية، مع تمنياتي لك بالتوفيق مقدما.
تم النشر الثلاثاء، ١٠ يناير ٢٠٢٣
جزاكم الله خيراً 💚.
تم النشر الأربعاء، ١١ يناير ٢٠٢٣
مش شرط ترتبط بكلية محدده ...بس مجال التدريس او التدريب من المجالات اللى تكون قوى فيها ان شاءالله وممكن كمان مجال التطوير فى اى شركة او تحليل البيانات...مهاراتك دى ممكن تلاقيها فى دول ان شاءالله.
تم النشر الثلاثاء، ١٠ يناير ٢٠٢٣
كليه تربيه هتطلع مدرس بما انك عندك موهبه التبسيط وانك بتفهم بسرعه وبتعرف توصل اللي فهمته
تم النشر الثلاثاء، ١٠ يناير ٢٠٢٣
لعرض السؤال في فدني اضغط هنا